Efesios 4:17 - Qheshwa Biblia DC

¹⁷ Kayta ari niykichej, anchatapuni mañakuykichej Señorpa sutimpi; amaña wakin gentiles jina purinaykichejta. Paykunaqa qhasita yuyayninkuman jina purinku.

DIOSPA QHELQACHISQAN DEUTEROCANONICAL

¹⁷ Tukuyta Kamachej Jesuspa sutinpi kayta niykichej: Amaña Diosman mana kutirikojkuna jina purispa kawsaychejchu. Paykuna qhasi manakaj yuyasqankuman jina purinku.

DIOSPA QHELQACHISQ

¹⁷ Tukuyta Kamachej Jesuspa sutinpi kayta niykichej: Amaña Diosman mana kutirikojkuna jina purispa kawsaychejchu. Paykuna qhasi manakaj yuyasqankuman jina purinku.

Quechua South Bolivia: Dios Parlapawanchej

¹⁷ Cayta Señorpa sutinpi encargaspa niyquichej: Amaña Diosta mana rejsejcunajinaka causaychejchu. Paycunaka yankha yuyaynincumanjina causashancu.

Efesios 4:17 Referans Kwoze

Romanos 1:21

Ajinata Diosta rejsishaspa, mana Diosta jinachu yupaycharqanku, nitaj graciastapis qorqankuchu. Astawanqa qhasi mana kaj yuyayninkuwan jatunchakorqanku, wampu sonqonkupis astawan laqhayaykorqa.

2 Pedro 2:18

Chay runasqa, jatunmanta qhasi mana kajta parlaspa, wajkunata aychaj millay munayninman, tukuy laya runasman ima pusanku pikunachus cheqamanta ayqerqankuña, chay pantaypi kausajkunamanta.

Colosenses 2:4

Kayta nini mana pipis k'acha palabraswan pantachisunaykichejpaj, imaraykuchus manapis qankunawanchu kashani. Chaywampis, espiritupi qankunawan khuska kashani, kusikuspa allin ruwasqaykichejta qhawaspa, Cristopi feniykichejwan sinch'ita sayasqaykichejta ima.

1 Pedro 1:18

Qankuna yachankichej Dios kacharichisusqanta chay qhasi mana kaj kausayniykichejmanta, mayqentachus tatasniykichejmanta jap'erqankichej; mana tukukoj imaswanchu rantispa, mana qoriwan jinachu, nitaj qolqewan jinachu, astawanqa, Cristoj qhapaj yawarninwan. Payqa mana ch'ichiyoj, mana onqoyniyoj cordero jinataj wañuchisqa karqa.

Hechos 20:21

Ajinallatataj judiosman, griegosmampis sut'inta willarqani Diosman kutirinankuta, Señorninchej Jesucristopitaj creenankuta.

Hechos 18:5

Silas Timoteowan Macedoniamanta chayamojtinkutaj, chay p'unchaymantapacha Pabloqa, llank'ananta saqespa, Diospa palabranta judiosman willaspallaña purerqa, Jesusqa Cristopuni kasqanta.

Jeremías 42:19

Qankunaman Judá ayllumanta qhepakunkichejraj chaykunaman, Señor kamachisunkichej Egiptoman ama kutinaykichejta. Allinta yachaychej, noqa kunan allinta k'amishaykichej.

2 Timoteo 4:1

Kayta niyki tukuy sonqowan, mañakuyki Diospa ñaupaqempi, Cristo Jesuspa ñaupaqempi ima. Pay jamonqa kausajkunata, wañusqastapis jamuynimpi reinompi juzganampaj.

1 Timoteo 6:13

Kunanqa, Diospa ñaupaqempi kamachiyki, pichus tukuy imasman kausayta qoj, Jesucristoj ñaupaqempipis, pichus Poncio Pilatosman allinta parlarqa, Diospa kamachisqanta kasuy, mana juchallikuspa, mana k'amina kanaykipaj Señorninchej Jesucristoj jamunankama.

1 Timoteo 5:21

Kayta kamachiyki Diospa ñaupaqempi, Señor Jesucristoj ñaupaqempipis, ajllasqa angelespa ñaupaqempi ima. Kay imasta jallch'anaykita munani ama ñaupajmantapacha pitapis sajrapaj qhawaspa, nitaj pimampis kutikuspa.

1 Tesalonicenses 4:6

Ama pipis hermanompa kapuyninman yaykuchunchu, nitaj suwachunchu, imaraykuchus Señorqa jasut'enqa kay tukuy imasmanta, imaynatachus nerqaykuña.

Colosenses 2:18

Ama pipis t'inkaykichejta qhechusuchunchu llamp'u sonqoman tukuspa, angelestataj yupaychaspa. Paykunaqa mana rikusqallankuman sat'ikunku, qhasi mana kajta runaykachankutaj sajra yuyayninkuman jina.

Efesios 4:22

Ñaupa sajra kausayniykichejmanta, mauk'a runamantawan t'aqakuychej; imaraykuchus sajra munaynimpa atipasqan, ch'aukiyasqantaj.

Efesios 1:22

Dios tukuy imata Cristoj chakisnin uraman churarqa, tukuy imapi iglesiapi uma kanampaj.

Gálatas 5:3

Ujtawan nini tukuy circuncidasqa kayta munajkunaman, Moisespa leynimpa kamachisqanta ruwananku kasqanta.

Gálatas 3:17

Kayta nini: Ñaupajta Diosqa Abrahamman tratota ruwarqa Cristo nacikunanmanta. Leyqa tawa pachaj kinsa chunkayoj watas qhepataña churasqa karqa, chayrayku mana atinchu Diospa qosqayki nisqanta chinkachiyta, nitaj yanqhayachiyta.

2 Corintios 9:6

Kayta niykichej: Pichus pisita tarpojqa, pisillatataj oqharenqa; pichus ashkhata tarpojqa, ashkhallatataj oqharenqa.

1 Corintios 15:50

Kayta niykichej, hermanos: Aychawan, yawarwan ima, mana atinkumanchu Diospa reinonta chayaqepaj jap'iyta, nitaj ima ismoj kajpis atinmanchu chayaqepaj jap'iyta mana ismoj kajta.

1 Corintios 1:12

Yachani sapa uj qankunamanta nisqaykichejta: Noqa Pablojta kani; noqa Apolospata kani; noqa Cefaspata kani; noqataj Cristojta kani, nispa.

Hechos 2:40

Ajinata Pedroqa sonqocharqa runakunata, waj ashkha palabraswan kallpachaspataj nerqa: Kay sajra runaj mirayninmanta ayqeychej, nispa.

Nehemías 13:15

Chay p'unchaykunapi rikullarqanitaj Judá ayllu ukhupi wakin runas samakuna p'unchaypi uvasta sarunaspi sarushasqankuta vinota ruwanankupaj, trigo q'apistapis marq'ashasqankuta. Rikullarqanitaj burrostapis vino chajnasqasniyojta uvas t'isnusniyojta, higokunasniyojta, tukuy laya q'epis chajnasqasniyojta qhatirikuspa Jerusalén llajtaman samakuna p'unchaypi apashajta. Chaypacha k'amerqani chay samakuna p'unchaypi vendenasninkuta vendemushasqankumanta.

San Lucas 16:28

Jaqaypi phishqa wauqesniyman willarimpuwachun, amaña paykuna kayman ñak'arej jamunankupaj.

Levítico 15:18

Sichus uj qhari uj warmiwan puñunman mujuntaj llojsinman chayqa, iskayninku yakuwan mayllakunanku tiyan. Ch'isiyanankamataj iskayninku mana llimphupajchu qhawasqa kanqanku.

Deuteronomio 27:10

Chayrayku qankunaqa payta uyarinaykichej tiyan, kamachisqasninta, leyesnintawan junt'anaykichej tiyan, kunan kamachishaykichej chaykunata.