Efesios 2:3 - Qheshwa Biblia DC

³ Chaykuna ukhupi tukuyninchej, chay p'unchaykunapi aychanchejpa sajra munaynimpi purej kanchej, aychaj munayninta, yuyaypa munayninta ima ruwaspa. Ajinata ruwaspa, noqanchejpis phiñakuywan jasut'inapaj jina karqanchej, chay wajkuna jina.

DIOSPA QHELQACHISQAN DEUTEROCANONICAL

³ Ñawpajta tukuyninchej ajinallatataj kawsaj kanchej. Juchallinaman aysaj sonqonchejpa munayninman jina purej kanchej, munasqanta, yuyasqanta ima ruwaspa. Ajinamanta noqanchejpis chay wajkuna jina Diosnejta sinch'i jasut'isqa kanapaj jina karqanchej.

DIOSPA QHELQACHISQ

³ Ñawpajta tukuyninchej ajinallatataj kawsaj kanchej. Juchallinaman aysaj sonqonchejpa munayninman jina purej kanchej, munasqanta, yuyasqanta ima ruwaspa. Ajinamanta noqanchejpis chay wajkuna jina Diosnejta sinch'i jasut'isqa kanapaj jina karqanchej.

Quechua South Bolivia: Dios Parlapawanchej

³ Unayka tucuy nokanchejpis ajinata causarkanchej cay pacha munayninchejmanjina. Chay sajra munayninchej yuyayninchejpis atipawaskanchejmanjina ruwarkanchej. Ajinamanta Diospa c'ajaj phiñacuyninta jap'inanchejpajjina carkanchej tucuy mana payta casucojcunajina.

Efesios 2:3 Referans Kwoze

Tito 3:3

Noqanchejpis ñaupajtaqa mana yuyayniyoj karqanchej, Diosta mana kasuspa, chinkasqas aychaj munaynimpi, imaymana sajra munaykunaman qokuspa, mana allin yuyaypi, qhawanakuspa, chejnisiris, chejninakuspataj ujkuna ujkunawan.

1 Pedro 1:14

Kasukoj wawas jina kaychej, ama sajra imasta qhatispa, mayqenkunatachus ñaupajta ruwaj kankichej, manaraj Diosta rejsishaspa.

Efesios 4:22

Ñaupa sajra kausayniykichejmanta, mauk'a runamantawan t'aqakuychej; imaraykuchus sajra munaynimpa atipasqan, ch'aukiyasqantaj.

Romanos 13:14

Astawanqa Señor Jesucristomanta p'achallikuychej; amataj aychaj munayninta ruwaychejchu.

Romanos 6:12

Chayrayku juchaqa wañoj cuerpoykichejta ama atipachunchu, amaña sajra munayninta kasunaykichejpaj.

Salmos 51:5

Paqarikusqaymantapacha sajra kani. Mamaypa wijsanmantapacha sajra kani.

1 Juan 2:16

Tukuy ima kay mundopi kajqa, kay jina kanku: Aychaj munapayaynin, ñawispa qhawapayaynin, umata oqhariypiwan. Kay tukuy imaqa mana Dios Tatamantachu, mundomantamin.

Efesios 2:2

Chaykunapi qankunaqa ñaupajta purej kankichej, kay pachaj kamachisqanman jina kausaspa. Wayrapi kamachejpa atiyninman jina kausaj kankichej; chay espiritoqa kunan Diosta mana kasojkunata kamachishan.

San Juan 8:44

Qankunaqa tataykichej supaymanta kankichej; chay tataykichejpa munaynintataj junt'ayta munankichej. Payqa runa wañuchipuni qallariymantapacha karqa, manataj jayk'ajpis cheqapeqa sayarqachu, nitaj cheqa kajqa sonqompichu karqa. Llullata parlaspaqa, paypa kayninmanta parlan; imaraykuchus payqa llulla, llullakuypa tatan kasqanrayku.

2 Corintios 7:1

Munakusqasníy, imatachus Dios qosqaykichej nisqanqa tiyapuwanchej; chayrayku cuerponchejta, espiritunchejtapis llimphuchakuna tukuy ch'ichi kajmanta. Diosta manchachikuspa juchamanta t'aqakuna tukuy atisqanchejta.

1 Corintios 4:7

Pitaj qanta allimpi rikuchisunki, wajkunamanta astawan? Chayrí imataj tiyapusunki mana Diospa qosusqan? Pay qosunki chayri, imaraykutaj wapuykachanki manapis Diosmanta jap'iwajchu karqa jina?

Romanos 7:18

Yachani ari cheqa kaj mana noqapi kasqanta, chay niyta munan aychaypi. Cheqa kajta ruwayta munayqa noqapi kashan, manataj atinichu.

Marcos 4:19

Chantá kay mundoj imasnimpi yuyaykuna, qhapajyayta munapayay, tukuy laya sajra imaspi yuyaykuna ima, runaj sonqonman yaykuspa Diospa palabranta k'irinchanku, manataj poqojta saqenkuchu.

Génesis 6:5

Señor rikorqa runaspa ashkha millay sajra ruwasqasninkuta, qhepamampis tukuy sajrallatapuni ruwayta yuyasqankuta.

Romanos 11:30

Qankunapis ñaupaj p'unchaykunapeqa Diosta mana kasojchu kankichej; kunanrí khuyakuyta tarinkichejña judíos mana kasukusqankurayku.

Romanos 9:22

Imaynatataj chantá Dios phiñakuyninta, atiynintapis rikuchiyta munaspa chay sajra runaswan pacienciakorqa, pikunachus wakichisqa kasharqanku wañuypaj chaykunawan.

San Juan 1:13

Paykunaqa mana yawarmantachu kanku, nitaj aychaj munayninmantachu, nillataj qharej munayninmantachu; astawanqa Diosmanta.

Isaías 53:6

Tukuyninchej ovejas jina chinkaraporqanchej, sapa ujpis ñanninkutakama riporqanku. Chaywampis Señorqa tukuyninchejpa juchasninchejta payman q'epiricherqa.

Job 25:4

Runaqa atinmanchu mana juchayoj, llimphu ch'uyataj kayta Diospa ñaupaqempi? Imaynatataj uj warmimanta nacejqa llimphu kayta atinmanri?

Job 14:4

Pitaj chay jina ch'ichimanta llimphuchanmanri? Ni pipis atinchu.

Génesis 8:21

Chay q'apaytaj Diospaj may sumajpuni karqa munasqanman jina, nerqataj sonqompi: Kunanqa manaña jallp'ata jasut'isajchu runaj juchanrayku. Imaraykuchus runaqa waynamantapacha mana allin kajllatachu yuyan. Nillataj kausajkunatapis tukuchisajchu kunampi jina.

2 Pedro 2:18

Chay runasqa, jatunmanta qhasi mana kajta parlaspa, wajkunata aychaj millay munayninman, tukuy laya runasman ima pusanku pikunachus cheqamanta ayqerqankuña, chay pantaypi kausajkunamanta.

2 Pedro 2:14

Ñawisninkoqa qhenchachakuywan junt'a kanku, juchallikuywantaj mana sajsakunkuchu; pisi kallpachasqa runasta ch'aukiyaspa juchallichinku, sonqonkupis tukuy imata munapayayman yachasqa, maldicisqastaj kanku.

1 Timoteo 6:9

Qhapajyayta munajkunaqa, sajra munaywan atipachikuspa, tojllapi jina urmanku, tukuy qhasi munapayaykunaman. Chaykunaqa runasta wañuyman apanku, chinkaymantaj.

Gálatas 3:22

Astawanqa Escritura nishan tukuy ima juchaj atiynimpi kasqanta, Diospa qosqayki nisqan fenejta Jesucristopi creejkunaman qosqa kanampaj.

Romanos 1:24

Chayrayku Diosqa paykunata millay kausayman enqhaykorqa, sonqonkoj munayninman jina. Ajinamanta paykunapura ukhunkuta qhenchacharqanku.

1 Juan 2:8

Chaywampis, uj mosoj kamachisqayta escibimuykichej. Chaytaj cheqamin Jesucristopi, ajinallataj qankunapipis. Laqhaqa chinkaripun, cheqa k'anchaytaj lliphipimunña.

Hechos 14:16

Ñaupajtaqa, Dios saqerqa tukuy runasta ñanninkuta purinankuta.

Génesis 5:3

Adanqa karqa pachaj kinsa chunka watasniyoj, wawan payman rijch'akoj nacerqa chaypacha, pitachus suticharqa Setta.

Romanos 2:14

Gentilesqa mana leyniyoj kaspa, paykuna kikinkumanta leypa kamachisqasninta ruwanku, mana leyniyoj kaspapis, paykunalla ley kanku, paykuna kikinkupaj.

Romanos 5:9

Kunanqa astawanraj qowasun, yawarninrayku Dioswan allinyasqaña kajtinchej, paynejtataj k'ajaj phiñakuymanta salvasqas kasunchej.

Romanos 5:10

Diospa contrampi kashaspa, Dioswan allinyakorqanchej, Churimpa wañuyninnejta. Astawanraj ari allinyasqaña kaspaqa, salvasqas kasunchej kausasqanrayku.

Colosenses 1:21

Qankunapis jinallataj ñaupajta karqankichej, karunchasqas yuyayniykichejpi, Diospa enemigosnin, sajra imasta ruwaspa. Kunantaj Dioswan allinyasqasña kankichej.

1 Tesalonicenses 4:13

Munayku, hermanos, qankuna yachanaykichejta wañojkunamanta, ama llakisqas kanaykichejpaj chay ujkuna jina, mana suyayniyoj kajkuna jina.

1 Tesalonicenses 5:6

Chayrayku, ama chay ujkuna jinaqa puñunachu, astawanqa ama puñuspa qhawana, ch'aki sonqostaj kana.