Efesios 2:15 - Qheshwa Biblia DC

¹⁵ Cristo kikin aychapi chejninakuyta chinkacherqa, leypa kamachisqasninta ruwanapaj churasqasta ima. Pay kikin iskaynin laya runasta mosoj runaman tukucherqa. Ajinapi paykuna ukhupi sonqo samakuyta churaspa.

DIOSPA QHELQACHISQAN DEUTEROCANONICAL

¹⁵ Cristo wañusqanwan Moisespa kamachisqankunata tukuychayninman churarqa. Jinataj paymin judiokunata, mana judiokunata ima allin kawsayman churarqa, iskayninkumanta uj mosoj aylluta ruwaspa.

DIOSPA QHELQACHISQ

¹⁵ Cristo wañusqanwan Moisespa kamachisqankunata tukuychayninman churarqa. Jinataj paymin judiokunata, mana judiokunata ima allin kawsayman churarqa, iskayninkumanta uj mosoj aylluta ruwaspa.

Quechua South Bolivia: Dios Parlapawanchej

¹⁵ Pay quiquinpi paycunata allinyacherka t'akaj camachiskasta yankhaman tucuchispa. Ajinata Cristo ruwarka cuerponpi uj mosoj Runallaman ruwananpaj.

Efesios 2:15 Referans Kwoze

Colosenses 2:14

Imachus leypi contranchejpi escribisqa karqa chayta, Dios yanqhayachispa picharparerqa. Chayta qhechuspataj cruzman clavaykorqa.

Gálatas 3:10

Moisespa leynimpi confiajkunaqa maldicisqas kanku. Escribisqaman jina, imachus leypa librompi escribisqa kashan chayta, mana pipis junt'ajqa, maldicisqa kanqa.

Hebreos 8:13

Mosoj trato nispa, Diosqa mauk'ayachinña ñaupaj kajta. Unayniyojqa mauk'ayapun, chinkariynintaj qayllapiña kashan.

Colosenses 2:20

Qankuna Cristowan wañorqankichejña, kay pachapi runakunaj yachachiyninta qhechuspa. Imaraykutaj chantá, mundojtapis kawajchej jina kamachisqasninta kasunkichejri?

Gálatas 6:15

Cristopeqa mana allinchu circuncidasqa kayqa, nillataj mana circuncidasqa kaypis. Astawanqa, mosoj kausaymin aswan allin.

Gálatas 3:28

Manaña kanchu judíos nitaj griegopis. Manaña kanchu kamachi nitaj mana kamachi kajpis. Nillataj kanchu qhari nitaj warmipis. Qankunaqa ujllaña kankichej Cristo Jesuspi.

Efesios 4:16

Paynejta tukuy cuerpoqa allin wakichisqa kashan. Pay kikimpi tukuy iman sumaj t'inkisqa ankuswan ujllaman tukunku, yanapanakuspa maychus sapa uj ruwasqanman jina; sayankutaj munakuypi sayachinakuspa.

2 Corintios 5:17

Chayrayku pipis Cristopi kashan chayqa, mosoj runa; mauk'a imasqa tukukapunña, tukuy imastaj mosojyapun.

Hebreos 7:16

Payqa mana aychaj kamachisqanman jina churasqachu; astawanqa, mana tukukoj kausaypa atiyninman jina.

Hebreos 9:23

Allimpuni karqa janaj pacha imaspa rijch'aynenqa, ajina llimphuchasqa kanan. Kikin janaj pachakunataj, aswan sumaj jaywanastaraj munan kay wañuchisqasmanta nisqaqa.

Isaías 9:6

Uj wawa nacepuwanchejña, Dios uj wawata qowanchej. Chayman qosqa kashan jatun atiy kamachinampaj. Sutisnintaj kaykuna kanqa: Mayta T'ukuna Yuyaychaj, Atiyniyoj Dios, Wiñaypaj Tata, Sonqo tiyachej Rey ima.

Efesios 2:10

Diospa ruwasqanmin kanchej. Chaytaqa Cristo Jesuspi ruwawarqanchej allinkunata ruwananchejpaj. Chaykunataqa Dios wakicherqa ñaupajmantaña, chaykunapi purinanchejpaj.

Efesios 2:16

Cristo cruzpi wañuyninwan iskaynin ayllusta, ujllaman tukuchispa, Dioswan allinyacherqa, chejninakuyninkuta chinkachispa.

Colosenses 3:11

Mana kanchuña griego, judío, circuncidasqa, mana circuncidasqa, mana llajtayoj runa, k'ita runa, kamachipis, mana kamachipis. Manachayqa Cristomin tukuy ima, tukuypitaj kashan.

Colosenses 3:15

Cristoj sonqo tiyakuynin sonqoykichejpi kamachichun. Kaypajmin wajyasqas kankichej, ujlla kanaykichejpaj. Qankunataj Diosman graciasta qoychej.