Efesios 2:12 - Qheshwa Biblia DC

¹² Chayrayku mana Cristoyojchu karqankichej, Israel llajtayoj kaymanta karunchasqas, Diospa qosqayki nisqan tratotapis mana rejsispa; mana suyayniyoj, mana Diosniyojtaj kay pachapi karqankichej.

DIOSPA QHELQACHISQAN DEUTEROCANONICAL

¹² Chaypachaqa Cristomanta t'aqasqa karqankichej, Israel llajtayoj kaymanta karunchasqa, manallataj Diospa qosaj nisqan tratotapis rejserqankichejchu. Jinallataj qankuna kay pachapi mana ni ima suyanayoj karqankichej, Diostaj mana Diosniykichejchu karqa.

DIOSPA QHELQACHISQ

¹² Chaypachaqa Cristomanta t'aqasqa karqankichej, Israel llajtayoj kaymanta karunchasqa, manallataj Diospa qosaj nisqan tratotapis rejserqankichejchu. Jinallataj qankuna kay pachapi mana ni ima suyanayoj karqankichej, Diostaj mana Diosniykichejchu karqa.

Quechua South Bolivia: Dios Parlapawanchej

¹² Waj llajtayojcuna caspa ñaupajpi Cristomanta carupi carkanquichej. Israelcunapajpis mana llajta-masispajchu khawaskas carkanquichej. Diospa sumaj niskasnin mana kancunapaj carkachu. Nitaj chay niskasninpi suyayta aterkanquichejchu. Cay pachapitaj mana Diosniyoj causarkanquichej.

Efesios 2:12 Referans Kwoze

Gálatas 4:8

Cheqamanta ñaupajta manaraj Diosta rejsishaspa, yupaycharqankichej mana kaj dioskunata.

Colosenses 1:21

Qankunapis jinallataj ñaupajta karqankichej, karunchasqas yuyayniykichejpi, Diospa enemigosnin, sajra imasta ruwaspa. Kunantaj Dioswan allinyasqasña kankichej.

1 Pedro 1:3

Yupaychasqa kachun Dios, Señorninchej Jesucristoj Tatan. Paya jatun khuyakuyninrayku watejmanta nacichiwarqanchej, kausay suyayta qonawanchejpaj, Jesucristo wañusqakunamanta kausarimusqanrayku, jap'inanchejpaj mana ismoj, mana ch'ichiyoj, nitaj ch'akipoj chayaqeta. Chaytaj janaj pachapi qankunapaj waqaychasqa kashan.

1 Tesalonicenses 4:13

Munayku, hermanos, qankuna yachanaykichejta wañojkunamanta, ama llakisqas kanaykichejpaj chay ujkuna jina, mana suyayniyoj kajkuna jina.

Efesios 4:18

Yuyayninku laqhayasqa kajtin, Diospi kay kausaymanta karunchasqas kanku, paykuna mana yachasqankurayku, rumi sonqostaj kasqankurayku.

Ezequiel 37:26

Paykunawan uj sonqo tiyakuy tratota ruwasaj, mana jayk'aj tukukojta. Paykunata ashkhaman mirachisaj, sumajtataj tiyaykuchisaj. Paykuna chaupipi Diosta yupaychana, ajllakusqay wasiyta wiñaypaj sayachisaj.

San Juan 15:5

Noqa uva sach'a kani, qankunataj ramas kankichej; pillapis noqapi kakojqa, noqataj paypi, chaymá ashkha poqoytaqa apan. Mana noqawanqa, mana imatapis ruwayta atinkichejchu.

Hebreos 6:18

Kay iskay mana kuyurikoj imasrayku, Diosqa manapuni atinchu llullakuyta. Chayrayku, sumajta sonqochakuspa jaku rina, ñaupaqenchejpi churasqa kashan chay suyaymanta jap'iykukunanchejpaj.

Romanos 9:8

Kaymin chayqa: Aychaman jina kajkunaqa mana Diospa wawasninchu kanku, manachayqa Diospa qosqayki nisqanman jina kajkunalla Diospa wawasnin kanku. Paykunataj cheqa kaj miraywan khuska yupasqas kanku.

2 Crónicas 15:3

Israelqa may unayta mana Dioswanchu karqa, mana yachachej sacerdoteyoj, nitaj leymanta ima yachachiyniyoj.

1 Pedro 3:15

Astawanqa Cristo Señorta yupaychaychej sonqoykichejpi. Wakichisqapuni kaychej, suyayniykichejmanta yachayta munajkunaman, llamp'u sonqowan, mana phiñakuspa, maychus kajta kutichinaykichejpaj.

Hechos 28:20

Chayrayku wajyacherqaykichej, qankunata rikuyta munaspa, kay imasmanta parlanaypaj. Israel aylloj suyayninrayku, kay cadenaswan watasqa kashani.

Hechos 3:25

Qankunaqa profetaspa wawasnin kankichej, jap'erqankichejtaj tatasniykichejwan Dios tratota ruwasqanta. Maypachachus Abrahamman nerqa: Qampa mirayniykipi, tukuy runaj ayllusnin bendicisqa kanqa, nispa.

Jeremías 17:13

Señor, qanmin Israelpa suyaynenqa kanki. Pichus saqekojqa p'enqachisqa rikhurenqa. Qanmanta tukuy karunchakojqa chinkarenqanku, ñut'u jallp'api uj suti qelqasqa jina, chayqa kashan saqerparisusqankurayku, uj ch'uwa yaku juturi jina qan kashajtiyki.

Génesis 15:18

Chay kikimpacha Señorqa uj tratota Abramwan ruwarqa, nispa: Mirayniykiman qosaj kay jallp'ata. Chaytaj kanqa Egipto mayumanta, Eufrates jatun mayukama.

1 Juan 3:3

Pillapis Jesucristopi suyayninta churajqa, pay kikin llimphuchakun, imaynatachus Jesucristopis llimphu kashan, ajinata.

1 Pedro 1:21

Paynejta Diospi creenkichej. Paytaj Cristota wañusqakunamanta kausarichispa jatuncharqa; ajinamanta feniykichej suyayniykichejpis, Diospi kanampaj.

Hebreos 11:34

Paykuna ninaj kallpanta thasnorqanku, cuchilloj filonmanta ayqerqanku, onqoykunamanta walejyakaporqanku, maqanakuspi sinch'ita sayaykorqanku, waj llajtayojkunaj yupa soldadosninta t'usterqanku, ayqecherqankutaj.

1 Timoteo 1:1

Noqa Pablo, Jesucristoj kamachin kani, Salvajninchej Diospa kamachisqanrayku; jinallataj Señor Jesucristoj kamachisqanrayku. Paytaj suyayninchej.

2 Tesalonicenses 2:16

Kikin Señorninchej Jesucristo, Dios Tatanchej ima munakuwarqanchej, qhasimanta qowarqanchej wiñay kusiyta, sumaj suyaytawan khuyakuyninrayku.

Colosenses 1:27

Paykunaman Dios rejsichiyta munarqa chay pakasqa yachaypata qhapaj k'anchayninta gentiles ukhupi. Chay pakasqa yachaytaj karqa kikin Cristo. Paynejtataj suyankichej janaj pachaj k'anchayninta. Payqa qankunapi kashan.

Colosenses 1:5

Janaj pachapi suyakuyniykichejqa qankunapaj waqaychasqa kashan. Chaymantaqa uyarerqankichejña evangelioj cheqa kaj palabrannejta.

San Juan 10:16

Waj ovejas tiyapullawantaj. Chaykunaqa mana kay t'aqamantachu kanku. Chay ovejastapis pusamunallaytaj tiyan. Paykunata wajyajtiy uyariwanqanku. Uj t'aqalla kanqanku, uj k'ata michejniyojtaj.

San Juan 4:22

Samaritanosqa mana yachasqaykichejta yupaychankichej; noqaykurí yachasqaykuta; imaraykuchus salvacionqa judiosmanta jamun.

San Lucas 1:72

Dios khuyarqa, tatasninchejta yuyarikuspa, sumaj tratonta paykunawan ruwasqanmanta.

Oseas 3:4

Israelitasqa unayta kanqanku mana reyniyoj nitaj kamachejkunasniyoj, nitaj rikuchikusta jaywaspa, nitaj ch'eqosqa rumista yupaychaspa, mana sacerdote p'achasniyoj nitaj ayllu ukhupi lantikunasniyoj.

Ezequiel 13:9

Makiyta oqharisaj, ch'auka rikuyniyoj profetaspaj, chantá llullastataj sut'inchanku, chay profetasta jasut'inaypaj. Israel aylluypa tantakuyninman mana yaykuyta atenqankuchu. Sutisninkoqa mana qelqasqachu Israel aylloj librompi. Mana Israelpa jallp'anman yaykonqankuchu. Chaypacha rejsiwanqanku noqa Señor kasqayta.

Jeremías 14:8

Israelpa suyaynin qan kanki, ñak'ariykuna p'unchaykunaspitaj qanqa salvajniyku kanki. Imaraykutaj kay llajtaykupi uj mana rejsisqa runa jina kanki, chayri, imaynatachus uj ñan purejqa uj ch'isillata qheparikun ajinatari?

Isaías 45:20

Tantakuspa jamuwaychej. Tukuy nacionespi kausashajkuna qayllamuwaychej. Maderamanta ruwasqa lantisninkuta oqharispa apajkunaqa mana yachankuchu imatachus ruwasqankuta. Mana salvayta atej diosmanta qhasi manakajllata mañakunku.

Isaías 44:6

Tukuy Atiyniyoj Señorqa, Israelta salvaj reyqa ajinata nin: Noqamin kani qallariytaj tukukuytaj. Noqamanta astawan waj diosqa mana kanchu.

Esdras 4:3

Zorobabel, Josué, chanta, wakin Israel aylluspa kuraj runasninku imataj kuticherqanku: Mana qankunawanqa Diosniykoj templonta ruwaykumanchu. Noqallayku ruwanayku tiyan Israelpa Señor Diosnimpa templontaqa. Ajinata kamachiwarqayku Persiapi kaj rey Ciroqa.

Números 18:19

Israelitaspa tukuy sumaj ofrendasta Señorman apamusqankoqa, qampaj, qanwan tiyakushankuraj chay qhari wawasniykipaj, warmi wawasniykipajwan kanqa. Kay leyqa unaypaj churasqa kanqa. Kay tratotaqa ni pi p'akiyta atinchu. Unaypaj kanqa, chaytaqa noqa qanwan ruwani, jinallataj mirayniykiwampis.

Isaías 61:5

Karu llajtayojkuna ovejasniykichejta michenqanku, llank'anasniykichejta llank'anqanku, jinallataj uva chajrasniykichejtapis qhawanqanku.

Isaías 14:1

Señorqa Jacobpa ayllunmanta khuyakonqa, israelitastaqa ajllakonqaraj, jallp'ankupitaj watejmanta tiyachenqa. Karu llajtayojkuna paykunaman ujchakonqanku, Jacobpa ayllunwantaj tiyakonqanku.

Ezequiel 47:22

Chayaqesta jap'ikunaykichejpaj chay jallp'a pataman suertesta choqankichej, jinallataj qankunawan khuska tiyakunku chay waj llajtasniyojkunapajpis. Qankuna ukhupi wawasniyoj kanku chaykunapaj ima. Paykunata Israelpa wawasninkupis kankuman jinata rejsikapunkichej. Qankunawan khuska suerteta choqanqanku Israelpa ayllusninwan khuska paykunapis chayaqenkuta jap'inankupaj.

Hechos 2:39

Diosqa nerqa Santo Espirituta qankunaman qonanta, wawasniykichejman, tukuy karu llajtaspi kajkunamampis, pikunatachus Dios wajyan chaykunamanwan.

Efesios 2:19

Ajinapi manaña waj llajtayoj jinachu kankichej, nitaj wajyarisqa jinachu; manachayqa uj llajtayojllaña kankichej ajllasqaswan, Diospa wasimpitaj wawasnin kankichej.

Hebreos 8:6

Chay jawa, kunanqa Jesuspata aswan sumaj ruwanan tiyapun; imaraykuchus payqa allinyachej, aswan sumaj tratomanta, aswan sumachaj Diospa qosqayki nisqasnimpi churasqa.

Éxodo 12:45

Chaypachallaraj chayamoj waj llajtayoj runas, chanta unaytaña chaypi peoneyakojkuna karu llajtayoj runaspis manapuni chay aychasmantaqa mikhunankuchu tiyan.