Eclesiastés 9:6 - Qheshwa Biblia DC

⁶ Tukukapullantaj munakuyninku, chejninakuyninku, tukuy ima munapayayninku ima. Jinamanta kay pachapeqa manaña imatapis ruwaysikonqankuñachu.

DIOSPA QHELQACHISQAN DEUTEROCANONICAL

⁶ Wañojtinku, munakuyninku, chejnikuyninku, envidiakuyninku ima tukukapullantaj. Jinamanta kay pachapi manaña imatapis ruwaysikonqankuñachu.

DIOSPA QHELQACHISQ

⁶ Wañojtinku, munakuyninku, chejnikuyninku, envidiakuyninku ima tukukapullantaj. Jinamanta kay pachapi manaña imatapis ruwaysikonqankuñachu.

Eclesiastés 9:6 Referans Kwoze

Eclesiastés 6:12

Cheqamanta mana pipis yachanchu, chay tukuy kausaynimpi runapajqa imaschus allin kananta, imaraykuchus chay tukuy qhasi mana kaj ruwasqanqa llanthu jinalla chinkarin. Pitaj runaman willanqa kay pachapi kashaspa wañupojtin qhepaman imachus kanantari?

Proverbios 10:28

Cheqan runaspa suyaynenqa kusikuy jamushan; sajra runaspa suyayninrí tukukaponqa.

Éxodo 1:8

Chay qhepata waj reyñataj Egiptoman yaykorqa, payqa Joseta mana rejserqachu. Chayrayku payqa runasninman nerqa: Qhawariychej, israelitasqa noqanchejmanta aswan ashkha, aswan atiyniyojtaj.

Eclesiastés 2:10

Ñawisniypa tukuy rikusqanta ruwarqani. Imaswanchus sonqoy kusikuyta munan, chaytapis ruwarqani. Tukuy llank'asqaywan mayta kusikorqani. Kay kusikuyneyqa chay ruwasqasniymanta t'inkaymin.

Eclesiastés 3:22

Chaynejta noqaqa yachani, runapajqa aswan allin llank'asqampi kusikunan, imaraykuchus paypataqa chaypuni ruwaynin. Mana pipis paymanqa rikuchinmanchu wañojtin imaschus kanantaqa.

Eclesiastés 9:1

Cheqamanta kay imasta noqaqa tukuy sonqo yachaj churakuni sut'inchanapaj, cheqan runaswan, yachayniyojkunawan, tukuy ruwasqasninkupis Diospa makimpi kasqankuta. Munakuymanta chejninakuymantawan runasqa, mana yachankuchu imaynachus kasqanta ñawisninkupi kashajtimpis.

Isaías 38:11

Noqaqa nerqani: Manaña Señorta rikusajchu kay jallp'a patapi kausajkunaj chaupimpi. Manaña pitapis kay pachapi kausajta rikusajchu.