Eclesiastés 9:3 - Qheshwa Biblia DC

³ Kay pachapi tukuy ima ruwakojkunamantaqa, kaylla mana allinchu uj ima kajpis tukuypaj uj rejlla. Kikillantaj tukuy runaj sonqompi, kay pachapi kausanankamaqa, tukuy sajra kajwan, wampuyaywantaj junt'a kashan. Chay qhepamantaj wañuranku.

DIOSPA QHELQACHISQAN DEUTEROCANONICAL

³ Kay pachapi tukuy ima kasqanmanta kaymin mana allinchu: Tukuypaj tukukunankoqa uj rejllapuni. Ajina kashajtinpis, runa kawsanankama sonqonqa millay kawsaywan junt'a, wampu kaytaj umanpi junt'a kashan. Chaymantataj wañupojtin, payta aya p'ampanapi p'ampanqanku.

DIOSPA QHELQACHISQ

³ Kay pachapi tukuy ima kasqanmanta kaymin mana allinchu: Tukuypaj tukukunankoqa uj rejllapuni. Ajina kashajtinpis, runa kawsanankama sonqonqa millay kawsaywan junt'a, wampu kaytaj umanpi junt'a kashan. Chaymantataj wañupojtin, payta aya p'ampanapi p'ampanqanku.

Eclesiastés 9:3 Referans Kwoze

Jeremías 17:9

Mana imapis runaj sonqon jina ch'aukaqa kanchu, nitaj millayta ruwajpis. Pitaj chayta rejsiyta atinmanri?

Eclesiastés 8:11

Juchasapa runas mana usqhayta jasut'isqa kajtinkoqa runaspa sonqosninku astawan sajra ruwayman qokunku.

Eclesiastés 1:17

Tukuy sonqoywan yachakuni imachus yachay kasqanta. Chaymantaqa yachallanitaj imachus manakajlla kajkunata, qhasi sonseraslla kajkunatawan. Chay imasta yachanaqa wayratapis qhatiykachasunman jinalla.

Tito 3:3

Noqanchejpis ñaupajtaqa mana yuyayniyoj karqanchej, Diosta mana kasuspa, chinkasqas aychaj munaynimpi, imaymana sajra munaykunaman qokuspa, mana allin yuyaypi, qhawanakuspa, chejnisiris, chejninakuspataj ujkuna ujkunawan.

2 Pedro 2:16

Juchanraykutaj k'amichikorqa mana parlaj chajnana china burrowan. Chay burroqa runa jina parlaspa mana yuyayniyoj profetata yuyayninman kuticherqa.

Hechos 26:24

Ajinata Pablo kutichikushajtintaj, Festo jatunmanta nerqa: T'ojpikushanki, Pablo! Ancha yachayniykiwan locoyasqa kashanki.

Hechos 12:23

Chay kikimpitaj Señorpa angelnin Herodesta nanaykucherqa, Diosta mana jatunchasqanmanta. Khuruspa mikhusqantaj wañorqa.

San Lucas 15:17

Yuyayninman churakuspataj sonqompi nerqa: Tataypa wasimpi llank'ajkunaqa ashkha mikhunayoj kanku, noqataj kaypi yarqhaymanta wañushaniña!

San Lucas 6:11

Phiñakuspataj paykunapura parlaykorqanku, imatachus Jesusta ruwanankuta.

Eclesiastés 12:7

Chaypacha, ñut'u jallp'aqa, jallp'allamantaj tukonqa ñaupajta karqa ajinaman, runaman qosqan almataj Diosllaman kutiponqa.

Eclesiastés 9:2

Kay tukuy imasqa uj rejllapuni tukuypajpis: Cheqan runaspaj, juchasapa runaspaj; k'acha runaspaj, llimphu runaspaj, mana llimphu runaspajpis; uywa wañuchisqasta jaywajpaj, mana jaywajpajpis, k'acha kajpaj, juchachakoj kajpajpis; juraj kajpaj mana jurayta munajpajpis.

Eclesiastés 7:25

Ujtawan noqapi yachayta mask'aj churakorqani, chay yachayta allinta qhawariyta, unanchaytataj imaynamantachus chay tukuy imas kasqankuta. Chaypi yacharqani sajra ruwayqa sonsera kasqanta, pantakunataj qhasi mana kajlla kasqanta.

Proverbios 14:32

Juchasapataqa sajra ruwasqallantaj urmachin; allin runatarí cheqan kaynin jark'an.

Salmos 51:5

Paqarikusqaymantapacha sajra kani. Mamaypa wijsanmantapacha sajra kani.

Job 15:16

Astawanraj mana atienikonqachu juchasapa millay runapeqa, mayqenchus sapa p'unchay juchata ruwashan yakutapis ujyashanman jina!

Génesis 8:21

Chay q'apaytaj Diospaj may sumajpuni karqa munasqanman jina, nerqataj sonqompi: Kunanqa manaña jallp'ata jasut'isajchu runaj juchanrayku. Imaraykuchus runaqa waynamantapacha mana allin kajllatachu yuyan. Nillataj kausajkunatapis tukuchisajchu kunampi jina.

Hechos 26:11

Ashkha kutista paykunata sinagogaspi jasut'ichispa, Jesuspa contranta parlachiyta munaj kani. Chay jinatapuni phiñakuspa paykunata qhatiykacharqani karu llajtasnintimpi.

Génesis 6:5

Señor rikorqa runaspa ashkha millay sajra ruwasqasninkuta, qhepamampis tukuy sajrallatapuni ruwayta yuyasqankuta.

Eclesiastés 2:14

Yachayniyoj runaqa umampi ñawisniyoj, wampu runarí laqhayajpi purin. Chanta repararqani, chay tukuy imasqa tukuypaj uj rejlla kanqa.

Eclesiastés 7:2

Llakiy wasiman reyqa aswan allin, kusiy wasiman rinamanta nisqaqa. Runaspa tukukuynenqa wañuypuni, Pichus kausajqa chayta unanchachun.

Eclesiastés 9:4

Chay tukuywampis kausashajkunapajqa uj imata ruwanampaj suyaynin kanraj. Uj kausashaj alqoraj aswan allin, uj wañusqa leonmantaqa.

Jeremías 16:12

Qankunataj paykunamanta aswan mana allinta ruwajkuna kankichej, sapa ujniykichej mana kasukuspa sonqoykichejpa sajra munayninman jinalla ruwarqankichej, manataj noqaqa kasuwarqankichejchu.

Jeremías 17:10

Noqa Señor allinta yachani, imatachus yuyasqasninkutapis rejsini, sapa ujmantaj imatachus ruwasqankuman jina qopuni.

Job 9:22

Tukuy ima uj rejlla. Chayllata noqaqa yuyani. Juchayojta mana juchayojta payqa ujllapi tukuchin.

Job 21:26

Chay tukuywampis jallp'a ukhupeqa uj rejlla kanku, khuruspis iskayninkuta mikhunku uj rejta.

Salmos 64:7

Dios paykunata flechasninwan nanaykuchenqa. Kaymanta jinalla nanaykuchisqas rikhurenqanku.

Eclesiastés 9:11

Kay pachapi ujtawan qhawarispa rikorqani, mana usqhayta correjkunajtachu atipayqa, maqanakupis mana kallpayojkunajtachu, qhepajyaypis mana k'uchi kajkunajtachu, nitaj allin yachachisqaspis allimpi jap'isqachu. Manachayqa tiempo chayamojtinkama kay imasqa tukuyman chayan.