Eclesiastés 9:18 - Qheshwa Biblia DC

¹⁸ Maqanakupaj armasmanta nisqaqa, yachaypuni aswan allin. Uj pantaylla ashkha allin imasta t'unaykun.

DIOSPA QHELQACHISQAN DEUTEROCANONICAL

¹⁸ Maqanakupaj armakunamanta nisqaqa, yachayniyoj kay aswan allin. Chaywanpis uj pantaylla ima allin kajtapis urmachin.

DIOSPA QHELQACHISQ

¹⁸ Maqanakupaj armakunamanta nisqaqa, yachayniyoj kay aswan allin. Chaywanpis uj pantaylla ima allin kajtapis urmachin.

Eclesiastés 9:18 Referans Kwoze

Josué 7:5

Chaypacha wañucherqanku kinsa chunka sojtayoj israelitasta. Wakintataj qhatiykorqanku llajta punkumanta canteraskama, wakintataj chay tukuy uraypi mayta waqacherqanku. Chayrayku israelitasqa maytapuni q'ewakorqanku, manaña maqanakuyta munarqankuchu.

Josué 7:1

Judáj ayllunmanta ujnintaj Acán sutiyoj, Carmej wawan Zabdej allchhin, Zaraj allchhimpa wawan, wakin imasta pakaykorqa Señorman jaywasqa phirikuman kasharqa chay imasmanta. Chaynejta tukuynin israelitas juchayoj rikhurerqanku Señorpa ñaupaqempi, phirikunan imasta oqharisqankumanta. Chayrayku Diospa phiñakuynenqa paykunaj contrankuta k'ajarerqa.

Eclesiastés 9:16

Chanta noqaqa nerqani: Yachayniyoj kana aswan allin kallpayoj kanamantaqa; chaywampis wajcha runaj yachaynenqa qhesachasqapuni, palabrasnintaj mana kasu ruwasqachu.

2 Timoteo 3:8

Imaynatachus Janeswan, Jambreswan, Moisesta mana kasuyta munarqankuchu, ajinallatataj kaykunapis cheqa kajta mana kasuyta munankuchu. Sajra yuyayniyoj runas mana feniyojtaj kanku.

Josué 22:20

Yuyarikullaychejtaj Zaraj wawan Acán, Señorpaj rikuchiku jina ruphachisqa kanan kajta, chinkachisqataj kanan karqa chayta, pakaykusqanmanta Señorqa phiñarikorqa tukuy israelitaspa contranta. Jinamanta chaypacha mana Acanllachu juchasninrayku wañorqa.

2 Reyes 21:2

Sajratapunitaj payqa ruwarqa Señorpa ñaupaqempi, israelitaspa ñaupaqenmanta Señorqa qharqorqa, chay runaspa millay ususninkuman jina ruwarqa.

Eclesiastés 2:13

Noqataj rikuni wampu kayta yachay atipasqanta, imaynatachus k'anchayqa laqhata chinkachin, ajinata.

Eclesiastés 7:12

Yachaywan qolqewanqa jark'akuna escudo jina kanku. Yachayri, astawanraj kausachin pichus yachayta taripajta.

1 Samuel 14:30

Astawanraj runasqa kallpachakunkuman karqa kunan p'unchay, enemigosninkumanta qhechusqankuta mikhuspa. May jina sinch'i llakiytachus atipasunman karqa filisteostaqa.

Job 35:8

Juchasniykeqa qan jina runasman mana allintachu ruwan, allin imasta ruwasqaykipis runasllaman allin ruwan.

Eclesiastés 7:19

Yachayqa yachayniyoj runata astawan kallpachan, uj llajtapi chunka kamachejkunamanta astawanraj.

Eclesiastés 10:1

Wañusqa ch'uspi sumaj q'apashaj jawinasta asnaykuchin. Ajinata uj chhika sonsera ruwayqa yachayniyojta, allimpaj qhawasqa kajtawan, mana allinman churan.

Eclesiastés 10:10

Uj hacha muthuyajtenqa, manaña afilayta atikunchu. Chay tukuy imasta ruwanapajqa, yachaypuni aswan allenqa.