Eclesiastés 9:12 - Qheshwa Biblia DC

¹² Runaqa kikin tiempontapis mana rejsinchu; imaynatachus challwasqa ch'ipapi ch'ipaykuchikunku; imaynatachus phawajkunaqa tojllaman urmanku, ajinata runaqa mana suyaspalla ch'ipaykuchikun, kaymanta jinalla chay tiempowan jap'ichikuytawan.

DIOSPA QHELQACHISQAN DEUTEROCANONICAL

¹² Aswanpis runaqa mayk'ajchus tukukunanta mana yachanchu. Imaynatachus challwakuna ch'ipapi jap'ichikunku, imaynatatajchus phawaj p'isqokuna tojllaman urmanku, ajinallatataj runaqa mana yuyasqallamanta llakiypi jap'isqa rikhurin.

DIOSPA QHELQACHISQ

¹² Aswanpis runaqa mayk'ajchus tukukunanta mana yachanchu. Imaynatachus challwakuna ch'ipapi jap'ichikunku, imaynatatajchus phawaj p'isqokuna tojllaman urmanku, ajinallatataj runaqa mana yuyasqallamanta llakiypi jap'isqa rikhurin.

Eclesiastés 9:12 Referans Kwoze

1 Tesalonicenses 5:3

Maypachachus runakuna nenqanku: Sonqo tiyasqa, waqaychasqataj kayku, nispa; chaypacha ujllata paykunaman wañuy jamonqa, imaynatachus onqoj warmiman nanay jamun, ajinata; paykunataj mana ayqeyta atenqankuchu.

Proverbios 29:6

Juchasapaj tojllanqa kikin juchasnillantaj; cheqanta purej runarí, kusisqalla sonqo junt'asqataj tiyakun.

2 Timoteo 2:26

Ajinapi supaypa lazo churasqanmanta kacharichikunankupaj, mayqempichus watasqas karqanku munayninman jina.

2 Corintios 6:2

Escribisqapeqa nishan: Khuyakuy tiempopi uyarerqayki; salvakuna p'unchaypitaj yanaparqayki. Kunanqa kaymin khuyakuna p'unchay. Kunanqa kaymin salvakuna p'unchay.

Proverbios 6:15

Chayrayku, ujllata mana yuyaymanta llakiy payman jamonqa, uj ñawi ch'ipejpi mana kutiriyniyojta urmanqa.

2 Pedro 2:12

Kay runastaj mana yuyayniyoj, animales jina mana yachaspalla sajrata rimanku. Paykunaqa presochasqas, tukuchisqastaj kanankupaj nacikorqanku. Ajinamanta wañonqanku kikin animales jina.

1 Pedro 2:12

Allinta kausakuychej Diosta mana rejsejkuna ukhupi. Paykunaqa sajra runaspaj jina qankunapaj rimashanku; Señor chayamojtintaj, Diosta yupaychanqanku, allin ruwasqasniykichejta rikuspa.

San Lucas 12:39

Allinta yachanaykichej kaytaqa; sichus wasiyoj yachanman, ima horatachus suwa jamunanta chayqa, mana puñuspa suyanman, manataj suwachikunmanchu.

San Lucas 12:20

Diostaj payman nerqa: Wampu, kunan ch'isipacha almaykita mañaj jamonqanku; pipajtaj kanqa chay tantasqaykiri?

Isaías 30:13

Chayrayku qankunaj juchaykichejqa, uj alto thanta perqa lajrasqa urmashajmanña rijch'akun. Chay perqaqa mana yuyasqallamanta urmaykonqa.

Eclesiastés 8:11

Juchasapa runas mana usqhayta jasut'isqa kajtinkoqa runaspa sonqosninku astawan sajra ruwayman qokunku.

Salmos 11:6

Payqa sajra runaspa patanman parachimonqa, azufreyoj nina k'ajayta; wayrachenqataj tukuyninta ruphanampaj. Señorqa sajra kayninkuman jina paykunata jasut'enqa.

Eclesiastés 3:19

Runaswan uywaswanqa uj rejllapuni rinku: Uywas wañunku, runaspis wañullankutaj, jinallataj samayninkupis iskayninkojta uj rejlla. Runasqa mana uywasmanta astawanchu. Chay tukuy imasqa qhasi manakajlla.

Eclesiastés 9:13

Chanta rikullanitaj kay pachapi yachayqa manchay jatun kasqanta:

Isaías 24:18

Pichus manchachikuymanta ayqejqa t'oqoman urmaykonqa. Chay t'oqomanta llojsimojtaj tojllapi preso rikhurenqa. Janaj pacha ventanasqa kicharikonqa, kay jallp'ataj tukuynin ikhakonqa.

Oseas 9:8

Dios churarqa profetanta Efrainta qhawanampaj, qankunatajrí chay purinanman tojllasta mast'arqankichej: Diospa yupaychana wasimpipis chejninkichej.

Proverbios 24:22

Chay runaj tukukuynenqa ujllata chayarparimonqa, mana pipis yachanchu Diosqa, chantá reypis ima jasut'iytachus qonanta.

Eclesiastés 8:8

Mana pi runapis kausayninta jap'inampaj atiyniyojchu, nitaj pipis wañuyta atipaj kanchu, mana imapis kanchu wañuywan maqanakunapajqa. Chay sajra runataqa manapuni chay sajra ruwasqanqa wañuymanta qhechonqachu.

Ezequiel 32:3

Señorqa kay jinata nin: Challwa jap'ina ch'ipayta pataykiman choqaykamusaj, chaywantaj ashkha runas chaupinmanta orqhomusonqanku.

Oseas 7:12

Maypachachus, jaqayman rejtinku, ch'ipayta paykunaj patanman mast'aykusaj, pata qhawaj p'isqosta jina urmarachisaj, jinatamin jap'irasaj juchasapas kasqankurayku.