Eclesiastés 3:11 - Qheshwa Biblia DC

¹¹ Diosqa tukuy imata tiempompi k'achituta ruwarqa. Payllataj runaj sonqonman wiñay kasqanta churarqa, qallariymantapacha Diospa ruwasqasninta allinta yachanampaj; chaywampis runaqa manapuni yachayta atinchu imaynamantachus kashasqankuta.

DIOSPA QHELQACHISQAN DEUTEROCANONICAL

¹¹ Diosqa tukuy imata ruwarqa maychus tiemponpi k'achitu kananpaj. Payllataj runaj sonqonman wiñay kasqanpi yuyanata churarqa. Chaywanpis runaqa imatachus Dios qallariymantapacha ruwasqanta kunankama, manapuni yachayta atinchu.

DIOSPA QHELQACHISQ

¹¹ Diosqa tukuy imata ruwarqa maychus tiemponpi k'achitu kananpaj. Payllataj runaj sonqonman wiñay kasqanpi yuyanata churarqa. Chaywanpis runaqa imatachus Dios qallariymantapacha ruwasqanta kunankama, manapuni yachayta atinchu.

Eclesiastés 3:11 Referans Kwoze

Romanos 11:33

May jina jatumpunichus Diospa qhapaj kaynin, yachaynin, rejsiynimpis. Mana yachay atina yuyasqampis, jinallataj ñankunasnimpis.

Job 11:7

Creenkichu Diospa pakasqa imasninta taripayta? Chayawajchu Tukuy Atiyniyoj Diospa imaynachus kasqanta yachanaykikama?

Eclesiastés 8:17

Diospa tukuy ima ruwasqasninta rikuni. Runaqa mana yachanchu Diosqa imaynamantachus chay imasta kay pachapi ruwasqasninta. May jinata mask'ashaspapis runaqa manapuni tariyta atinchu. Yachayniyoj runaqa nichumpis kay imasta tarini, nispa; chaywampis manapuni kay imastaqa tariyta atinchu.

Job 5:9

Payqa ashkha imasta, musphay t'ukunastawan ruwan, chaykunatataj mana pipis unanchayta atinmanchu!

Génesis 1:31

Dios rikorqa tukuy ima ruwasqanqa sumajpuni kasqanta. Ajinamanta junt'akorqa ch'isiyaywan sut'iyaywan sojta kaj día.

Marcos 7:37

Chayta uyarejkunataj maytapuni t'ukorqanku, nerqankutaj: Tukuy imata allinta ruwan. Lojt'usta uyarichin, opastapis parlarichin, nispa.

Deuteronomio 32:4

Payqa jark'akuwajninchej, ruwasqasnenqa may sumajpuni. Tukuy ñankunasnenqa cheqampuni. Payqa mana llullakoj Dioschu. Payqa mana jayk'ajpis pantanchu. Payqa cheqanmin, cheqa kajta ruwajtaj.

Salmos 104:24

Señor, ruwasqasniykeqa may chhika. Tukuy imata yachayniykiwan ruwarqanki. Jallp'aqa ruwasqasniykiwan junt'a kashan.

Eclesiastés 7:29

Kayllata tarini: Diosqa runata cheqanta, allin kajta ruwanampaj ruwasqa; chaywampis runasqa ashkha mana allin imasta mask'anqanku.

Romanos 1:28

Paykuna Diosta qonqapusqankuraykutaj, Diosqa jap'icherqa sajra yuyaykunaman, mana allin kajta ruwanankupaj.

San Mateo 13:22

Khishka ukhuman t'akakoj mujutaj palabrata uyarejman rijch'akun. Mundo imaspi yuyaykuna, qhapajyayta munapayay ima, Diospa palabranta qonqachispa mana poqojta saqenkuchu.

San Mateo 11:27

Tatayqa, tukuy imata noqaman qowarqa. Mana pipis Churinta rejserqachu, Dios Tatalla rejserqa; Dios Tatatapis nillataj pipis rejserqachu, Churillan paytaqa rejserqa; pimantajchus Chureqa rejsichiyta munanman, chaylla.

Job 37:23

Tukuy Atiyniyojmantaqa mana yachayta atisunmanchu; Payqa manchay atiyniyoj, cheqantaj; Payqa cheqanta imatapis ruwan mana pitapis sarullanchu.

Proverbios 16:4

Señorqa kay tukuy imasta ruwan uj yuyayllawan; juchasapa runatapis uj p'unchay jasut'isqa kanampaj.

Eclesiastés 1:13

Noqaqa tukuy sonqoywan, tukuy yachaywantaj mask'aspa yachayta munarqani, kay pachapi kay tukuy imas ruwakusqanmanta. Kay phutiy ruwanata Diosqa runasman qorqa, chayta ruwaspa kausanankupaj.

Eclesiastés 7:13

Diospa ruwasqasninta allinta qhawariy: Diospa wist'uyachisqantaqa pitaj cheqanyachinmanri?

Eclesiastés 7:23

Kay tukuy imasta noqaqa yachaywan unancharqani, yachayniyoj kasaj nispa, yachaytaj noqamanta karunchakuwan.

Eclesiastés 11:5

Ajinata qanqa mana rejsinkichu maynintachus wayra risqanta, nillataj yachankichu uj warmej wijsampi imaynatachus uj wawa wiñasqanta; kikillantataj qanqa mana yachankichu Diospa ruwasqasninmanta; paypuni tukuy imastapis ruwan.