Eclesiastés 2:10 - Qheshwa Biblia DC

¹⁰ Ñawisniypa tukuy rikusqanta ruwarqani. Imaswanchus sonqoy kusikuyta munan, chaytapis ruwarqani. Tukuy llank'asqaywan mayta kusikorqani. Kay kusikuyneyqa chay ruwasqasniymanta t'inkaymin.

DIOSPA QHELQACHISQAN DEUTEROCANONICAL

¹⁰ Tukuy ima munasqayta ruwaspa, chay ruwasqaywan sonqoyta kusicherqani. Tukuy llank'asqaypi mayta kusikorqani, chay kusikuytaj llank'asqaymanta t'inkay karqa.

DIOSPA QHELQACHISQ

¹⁰ Tukuy ima munasqayta ruwaspa, chay ruwasqaywan sonqoyta kusicherqani. Tukuy llank'asqaypi mayta kusikorqani, chay kusikuytaj llank'asqaymanta t'inkay karqa.

Eclesiastés 2:10 Referans Kwoze

Eclesiastés 9:9

Qanqa kausayniykipi kusikuy munakusqayki warmiykiwan kay pachapi qhasi kausayniykipi sapa p'unchay Dios kausayta qosusqanman jina. Kayllamin kay pacha kausayniykipi chay aqeykeqa, samay sik'ikuyta llank'aspa kausanaykikamaqa.

Eclesiastés 5:18

Chayta rikuspa noqaqa nini, allimpuni runapajqa mikhunan, ujyanan, tukuy imata kay pachapi, sayk'uywan ruwasqasninwan kusikunan, imastachus chay pisi kausayta Dios qosqampi, chaymin chayaqenchejqa.

Eclesiastés 3:22

Chaynejta noqaqa yachani, runapajqa aswan allin llank'asqampi kusikunan, imaraykuchus paypataqa chaypuni ruwaynin. Mana pipis paymanqa rikuchinmanchu wañojtin imaschus kanantaqa.

Salmos 119:37

Amaña saqeychu ñawisniy mana kaj dioskunata qhawananta; kausayta qollawaypuni ñanniykita purinaypaj.

Salmos 128:2

Llank'aspa poqochisqaykimanta mikhunki, tukuy imapi allin risonqa, kusisqataj kanki.

1 Juan 2:16

Tukuy ima kay mundopi kajqa, kay jina kanku: Aychaj munapayaynin, ñawispa qhawapayaynin, umata oqhariypiwan. Kay tukuy imaqa mana Dios Tatamantachu, mundomantamin.

Eclesiastés 2:22

Chayrayku runaqa, imatataj tarin chay jinatapuni kay pachapi llank'asqanmanta, phutikusqanmantatajri.

Eclesiastés 11:9

Wayna, mayta kusikuy tiempoykipi; wayna kashaspa imaschus allin kajwan kusikuy. Sonqoykej munasqampi puriy, imastachus rikusqaykipitaj. Chantaqa yachanayki tiyan, chay tukuymanta Dios cuentata mañasunanta.

Eclesiastés 6:9

Rikunapuni aswan allin, qhasi manakajta imatapis rikuy rikuyta yuyananmanta nisqaqa. Chaypis qhasi manakajllataj wayra jap'ikuy jinalla.

Proverbios 23:5

Allintachus qhawarikuwaj chayqa, qhapajyayqa mana imachu, qhapajyayqa irpa ankas lijrachakuytawan phawaspa ripunku jinalla.

Job 31:1

Noqa churanoqarqani, ama doncella warmita qhawapayanayta.

Jueces 14:2

Wasinman kutipuspataj tatasninman willarqa kay jinata: Timnat llajtapi uj filistea warmita rikuni, kunantaj mañakuykichej rispa parlapayampunawaykichejta paywan casarakunaypaj.

Génesis 6:2

Diospa wawasnintaj paykunawan casarakorqanku sumaj warmista rikuspa, ajllakuspataj munasqankuman jina.

Génesis 3:6

Warmitaj sach'ata qhawarerqa mikhunapaj jina moq'eyta. Jinallataj chayta mikhuykuspa imatapis yachanapaj jina. Ujnin poqoyninta p'itispataj mikhuykorqa; qosanmampis jaywarqa, paypis mikhuykullarqataj.

Eclesiastés 5:10

Pichus qolqeta munakojqa astawan munallampuni. Pichus kapuykunata munakojqa ni ima allinkunata orqhonchu. Chaypis qhasi mana kajllataj.

Eclesiastés 9:6

Tukukapullantaj munakuyninku, chejninakuyninku, tukuy ima munapayayninku ima. Jinamanta kay pachapeqa manaña imatapis ruwaysikonqankuñachu.

Eclesiastés 2:1

Noqaqa sonqoypi nerqani: Kunanqa mayta kusikusaj; kay tukuy allin kajwan kusirikusaj, nispa. Chaypis qhasi mana kajllataj.

Eclesiastés 2:24

Runapajqa chay tukuy imasmanta astawanqa allimpuni mikhunan, ujyanan, tukuy ruwasqanwan kusikunan. Chay tukuyta noqaqa yachallanitaj Diosmanta jamusqanta.

Eclesiastés 5:17

Chay jawa runaqa tukuy kausaynimpi laqhapi jinalla mikhonqa pata patallata purispa, llakiywan mana imayojtaj.

Eclesiastés 8:15

Chayrayku, noqaqa nini kusikoyqa sumaj kasqanta. Runapajqa kay pachapi mana imapis allin kajqa kanchu, mana chayqa mikhunan ujyanan, kusikunan imalla, imaraykuchus runapajqa chay imaslla qhepakun tukuy ruwasqanmanta kay pachapi Dios kausayta qonankama.