Eclesiastés 12:1 - Qheshwa Biblia DC

¹ Wayna kashaspa ruwajniykimanta yuyarikuy, amaraj sajra p'unchaykuna jamushasojtin. Chay watas chayamusojtintaj ama ninaykipaj: Mana chaykunapeqa kausayta tarinichu, nispa.

DIOSPA QHELQACHISQAN DEUTEROCANONICAL

¹ Waynapis, sipaspis kashaspa, pichus ruwasoj Diosniykimanta yuyarikuy. Manaraj mana allin p'unchaykuna chayamushajtin, chay watakunapitaj qan niwaj: Kay kawsayqa mana kusikunaypaj jinachu, nispa.

DIOSPA QHELQACHISQ

¹ Waynapis, sipaspis kashaspa, pichus ruwasoj Diosniykimanta yuyarikuy. Manaraj mana allin p'unchaykuna chayamushajtin, chay watakunapitaj qan niwaj: Kay kawsayqa mana kusikunaypaj jinachu, nispa.

Eclesiastés 12:1 Referans Kwoze

Lamentaciones 3:27

Uj runapajqa allimpuni wayna kasqanmantapacha kasukoj kananqa.

Eclesiastés 11:8

Uj runaqa unay watastapis kausachun, may jinatapis kusikuchun, yuyarikunampuni tiyan ashkha laqhayay p'unchaykuna kananmanta. Qhepaman chay tukuy imas jamunan kashan chaykunapis qhasi mana kajlla.

Proverbios 22:6

Wawamanqa allinta allin yachay kajta yachachiy; machuyaynimpipis ni jayk'aj qonqanqachu chay yachasqantaqa.

San Lucas 18:16

Jesustaj wawasta wajyaspa yachachisqasninman nerqa: Ama jark'aychejchu wawas noqaman jamunankuta; kay jinaspatamin Diospa reinonqa.

Salmos 34:11

Jamuychej wawasníy, uyariwaychej. Yachachisqaykichej Señorta yupaychayta.

2 Timoteo 3:15

Qanqa, wawamantapacha yachakuyta qallarerqanki ajllasqa Escriturasta. Chaykunataj yachayta qosonqanku, salvacionta tarinaykipaj, fenejta Cristo Jesuspi.

Salmos 90:10

Qanchis chunka watata kausayku; aswan kallpayojkunarí pusaj chunkata. Chay jina kausayniyoj kayqa llakiyllata, ñak'ariyllata apamun. Watasqa usqhayllata chinkanku noqayku jinallataj.

Eclesiastés 11:10

Sonqoykimanta phiñakuyniykita chinkachinayki tiyan, tukuy sajra kajmanta ukhuykita ayqechiy; imaraykuchus wayna kashaspa imastachus ruwanaqa qhasi manakajlla.

Proverbios 8:17

Noqa munakuni pichus munakuwajta. Pischus mask'awajkunaqa tariwanku.

2 Samuel 19:35

Pusaj chunka watasniyojña kani, manaña yachanichu mayqenchus allin, mayqenchus mana allimpis mikhunasmanta, ujyanasmantapis. Manaña yachayta atinichu misk'ichus q'aymachus kasqantapis, manañataj uyariyta atinichu takejkuna takisqankutapis. Imaraykutaj qampa trabajoykipaj riymanri?

1 Samuel 2:26

Chaykamataj Samuelqa wiñashallarqapuni, ruwasqasnintaj Señorpaj, runaspajpis allin karqa.

Génesis 39:2

Señorqa Josewampuni kasharqa. Chayrayku egipcio patronnimpapi kashajtin tukuy imapi allin rerqa.

San Lucas 1:15

Payqa jatun kanqa Señorpa ñaupaqempi. Manataj vinota, nitaj ima machachej ujyanasta ujyanqachu. Mamampa wijsanmantapacha Santo Espirituwan junt'a kanqa.

1 Samuel 16:7

Señortaj nerqa: Ama allin rijch'ayninta qhawaychu, nitaj jatun kaynintapis, paytaqa noqa qhesachani. Runaqa k'acha kaynillanta qhawan, noqaqa mana runa jinachu qhawani, manachayqa sonqonta qhawani, nispa.

Génesis 39:23

Chayrayku carcelta qhawaj runaqa mana imamanta dakojchu José cuentayoj kashajtin, imaraykuchus Señor paywan kasharqa tukuy ima ruwasqasnimpi allin rinampaj.

Efesios 6:4

Tata mamas, qankunaqa ama wawasniykichejta phiñachiychejchu, manachayqa allinta yachachispa, kasuchikuychej, Señorpa k'amiynimpitaj uywaychej.

Daniel (hebreo) 1:17

Kay tawa waynasmantaj Dios qorqa sumaj yachaysapa umata, tukuy laya librosmanta yachayta, tukuy sumaj yachaytataj. Chantapis Daniel yachallarqataj rikuykunata, mosqoykunatawan sut'inchayta.

Isaías 26:8

Señor kamachisqasniykej ñannimpi yachakuyku allin kasqaykuta. Noqaykoj sonqoykoqa qanllapi yuyan.

1 Samuel 2:18

Chaykamataj Samuelqa linomanta ruwasqa efod nisqa p'achawan, Señorta sirvispallapuni kasharqa.

1 Reyes 18:12

Noqa ripojtiytaj, Señorpa Espíritun wajnejman mana yachasqayman apasonqa. Noqa rispa Acabman willamojtiy, qanta mana taripasuspataj payqa wañuchiwanqa ari. Kay kamachiykeqa Señorta manchachikun juch'uyninmantapacha.

1 Samuel 1:28

Noqamantaqa Señorman jaywapuniña, kausanankamaqa Señorpaj kausachun. Chaypacha Eleqa pampakama k'umuykukuspa Señorta yupaycharqa.

Oseas 7:9

Mana rejsisqa runas kallpanta qhechurpayanku, paypa mana rikukusqallan. Chojchasnimpi yurajyaporqa mana reparakusqallan!

Job 30:2

Paykunaqa kallpankuwan mana imatapis ruwapuwankumanchu karqa. Paykunaqa mana kallpayoj ch'uchali runas karqanku.

1 Reyes 14:13

Tukuynin Israelmanta waqaspa p'ampanqanku, imaraykuchus Jeroboampa kajkunamantaqa paylla p'ampasqa kanqa, payllapi allin ima tarikusqanrayku Señor Diosnimpa ñaupaqempi Jeroboampa wasimpeqa.

Deuteronomio 8:18

Señor Diosniykichejmanta yuyarikunkichejpuni, yuyaspa pay jallp'ata qhapajyanaykichejpaj qosusqaykichejta. Ajinamanta junt'anqa imastachus qosqaykichej nisqanta ñaupa tatasniykichejwan tratota ruwaspa, kunan kashan ajinata.

Nehemías 4:14

Mancharikusqankuta reparaspa, sayarikuytawan nerqani chay allichaj runasninkuman, jintaj kamachejkunasninkuman, jinataj runasmampis: Ama enemigosniykichejmanta mancharikuychejchu, Señormanta yuyarikuychej may jatun kasqanta, manchachikunataj kasqanta. Maqanakuychej ari llajta masisniykichejrayku, qhari wawasniykichejrayku, warmi wawasniykichejrayku, warmisniykichejrayku, wasisniykichejraykupis, nispa.

Salmos 63:6

Ch'isisnin puñuykuspaña, qanmanta yuyarikuni, qampitaj yuyani.

Salmos 119:55

Señor, ch'isisnimpi qanmanta yuyarikuni; kamachisqasniykita waqaychani.

Eclesiastés 11:2

Qanchisman chayri pusajman p'akiray; imaraykuchus mana yachankichu ima sajrachus chay jallp'a pataman jamunanta.

2 Samuel 19:36

Qanwan risaj Jordán mayumanta aswan jaqaynejkamalla. Imaraykutaj qan reyneyqa chay sumaj t'inkata qowankimanri?