Daniel (hebreo) 9:27 - Qheshwa Biblia DC

²⁷ Uj semanatawan, chay reyqa tratota ruwanqa ashkha runaswan. Chaupi semanamantataj rikuchiku uywa jaywanata, ofrenda qonatapis sayachenqa. Uywata wañuchispa Diosman jaywana altarpa ñaupaqempi ashkha millay imasta ruwanqanku, imachus ruwakunampaj nisqaña karqa chay, millay imasta ruwachejpa patanman urmamunankama.

DIOSPA QHELQACHISQAN DEUTEROCANONICAL

²⁷ Uj semanatawan chay kuraj kamachej ashkha runawan tratota ruwanqa. Chawpi semanapitajrí uywa ñak'asqa q'olachisqa jaywanata, ofrenda qonatapis sayachenqa. Chantá q'olachina altarpa ñawpaqenpi pay uj may millay imata ruwanqa, chaytaj ajina kallanqapuni chhika millay ruwachej runa chinkachisqa kanankama, imaynatachus nisqaña karqa, ajinata.

DIOSPA QHELQACHISQ

²⁷ Uj semanatawan chay kuraj kamachej ashkha runawan tratota ruwanqa. Chawpi semanapitajrí uywa ñak'asqa q'olachisqa jaywanata, ofrenda qonatapis sayachenqa. Chantá q'olachina altarpa ñawpaqenpi pay uj may millay imata ruwanqa, chaytaj ajina kallanqapuni chhika millay ruwachej runa chinkachisqa kanankama, imaynatachus nisqaña karqa, ajinata.

Daniel (hebreo) 9:27 Referans Kwoze

San Mateo 24:15

Maypachachus rikojtiykichej millay ch'inyachejta Diospa templompi, chay millay ch'inyachejmanta profeta Daniel parlasqanman jina. Pillapis kayta leejqa, entiendechun.

San Lucas 21:20

Jerusalén llajtata soldadoswan muyurisqata rikuspa, loqhekuynin chayamusqanta yachankichej.

Daniel (hebreo) 12:11

Waranqa iskay pachaj isq'on chunkayoj p'unchaykuna pasanqanku, Diosman sapa p'unchay jaywana kajta saqerasqamantapacha, Diosta yupaychana wasipi, imachus mana yupaychana kajllata churasqa karqa chaymantapacha.

Marcos 13:14

Rikunkichej millay ch'inyachejta, mana kanampi kajta. Pichus escribisqata leejqa entiendechun. Chaypacha Judeapi kajkunaqa orqo patasman ayqechunku.

Daniel (hebreo) 11:36

Wichaynejpi kaj reyqa tukuy ima munasqanta ruwanqa. Jatunchakuynenqa maypuni kanqa. Tukuy dioskunajpata kurajnin kasqanta creekonqa. Cheqa Diospa contrantataj manchay sajrata parlanqa. Tukuy imataj paypajqa allin renqa, Dios paypaj jasut'ita apachimunankama. Diosqa imaynatachus ruwanan karqa chaytaqa junt'anqapuni.

Daniel (hebreo) 8:13

Chay qhepata uyarerqani, uj angelqa waj angelta tapurishajta: Mayk'ajtaj tukukonqa sapa p'unchay jaywana altarpi rikukushan chayrí? Mayk'ajkamataj kanqa kay millay jucharí? Mayk'ajkamataj Señorpa wasinta, chanta, Señorpi creejkunatawan saronqankuri?, nispa.

Isaías 55:3

Ningriykichejwan sumajta uyariwaychej, noqamantaj qayllamuwaychej. Uyariwaychej ari kausanaykichejpaj. Qankunawan wiñaypaj uj tratota ruwasaj, imatachus munakuyniywan Davidman nerqani, chayta junt'aspa.

Romanos 5:15

Diospa qowasqanchej regaloqa mana jucha jinachu. Sichus uj runaj juchanrayku, ashkhas wañorqanku chayqa, astawanraj ashkhaspaj Diospa khuyakuynenqa, regalontaj yapakorqa, uj runaj khuyakuyninrayku. Chaytaj Jesucristo karqa, qhasilla, tukuypajtaj.

San Mateo 27:51

Chay kikimpachataj, temploj cortinan iskayman llik'ikorqa patamanta urakama. Jallp'ataj kharkatiterqa, chhankaspis phatararqanku.

San Mateo 26:28

Kayqa [mosoj] tratomanta yawarniy, chaytaj jich'asqa kanqa, ashkha runaspa juchasnin pampachasqa kanampaj.

Isaías 53:11

Chay jina llakiyta jap'ispa kusiy poqoyta rikonqa, may kusisqataj qhepakonqa. Chay yachayninwan cheqan kamacheyqa ashkhasta salvanqa, paykunaj juchasninkutataj apanqa.

Isaías 42:6

Noqa Señorqa qanta wajyayki. Makiykimanta mana kacharisqaykichu. Noqa qantaqa waqaychasqayki. Qanqa runaswan trato ruwanay kanki, tukuy nacionespa k'anchaynintaj.

Isaías 28:22

Kunanqa ama alqochakuychejñachu ari. Pajtataj chay imawanchus watasqas kashankichej chay astawan mat'iykusunkichejman. Noqaqa uyarini Tukuy Atiyniyoj Señorqa kay tukuy llajtata chinkachinanta.

Hebreos 9:28

Ajinallatataj Cristopis uj kutillata qosqa karqa wañunampaj, ashkha runaspa juchasninkuta apanampaj. Iskay kaj jamuynimpitaj, juchamanta t'aqasqa rikhurimonqa, payta suyajkunaman salvacionta qonampaj.

Romanos 11:26

Chayrayku tukuy Israel ayllu salvasqa kanqa, imaynachus escribisqa kasqanman jina: Sionmanta uj kacharichej jamonqa, Jacobpa mirayninmantataj mana allin kajta karunchenqa.

Romanos 5:19

Uj runa mana kasukusqanrayku tukuy runakuna juchallikorqanku. Ajinallatataj uj runa kasukusqanrayku, ashkhas cheqan runaspaj qhawasqas karqanku.

San Lucas 21:24

Wakenqa guerrapi wañuranqanku; wakintataj presochasqasta apanqanku tukuy nacionesman. Gentilestaj Jerusalenta saruranqanku, paykunaj p'unchayninku junt'akunankama.

Jeremías 7:30

Señorqa nillantaj: Judamanta runasqa mana walejtachu rijch'ayniypi ruwanku: Chay millachikuna lantisninkuta noqapaj t'aqasqa chay yupaychanawanku wasiyman churarqanku, chaywantaj ch'ichicharqanku.

Daniel (hebreo) 11:31

Paypa soldadosnin Diosta yupaychana wasita ch'ichichanqanku, jinallataj sinch'i ruwasqa pakakuna wasistapis ch'ichichanqanku. Diosman sapa p'unchay jaywana kajtapis chinkachenqanku. Aswampis uj millay lantita churanqanku.

Oseas 3:4

Israelitasqa unayta kanqanku mana reyniyoj nitaj kamachejkunasniyoj, nitaj rikuchikusta jaywaspa, nitaj ch'eqosqa rumista yupaychaspa, mana sacerdote p'achasniyoj nitaj ayllu ukhupi lantikunasniyoj.

Números 7:62

Chantapis qollarqataj qorimanta uj jatun cucharata inciensoyojta, pesarqataj pachaj chunkayoj gramos.

Isaías 28:15

Qankunaqa ninkichej: Uj tratota wañuywan ruwayku, wañusqaspa tiyakunankuwan tratoyoj kayku; manchay jasut'i jamojtenqa mana chayamuwasqaykuchu. Chay pakakuyniykutaqa llullakuypi mask'ayku, jinallataj ch'aukiyaypi ima.

Daniel (hebreo) 7:25

Jatun atiyniyoj Diospa contranta rimanqa, Diospa ayllunta ñak'arichispa chinkachinayanqa. Diospa kamachiyninta, fiestastapis waj jinaman tukuchiyta munanqa. Diospa aylluntaj makimpi kanqa, kinsa tiempos khuskanniyojkama.