Daniel (hebreo) 9:25 - Qheshwa Biblia DC

²⁵ Kayta yachay; unanchaytaj: Jerusalén llajta watejmanta ruwakunampaj kamachisqa kanqa chay ratomantapacha. Kamachej Mesías chayamunankamaqa, qanchis semanas kanqa. Chanta Jerusalempa callesnin, muyuynimpi perqasnimpis watejmanta ruwasqas kanankamataj, sojta chunka iskayniyoj semanas kanqa. Chaypachataj manchay llakikuy p'unchaykuna kanqa.

DIOSPA QHELQACHISQAN DEUTEROCANONICAL

²⁵ Kayta uyariy, jap'eqaytaj: Jerusalén llajtata watej sayarichinapaj kamachisqa llojsisqamantapacha, Diospaj Ajllasqan Kuraj Kamachej chayamunankamaqa qanchis semana kanqa. Chantá Jerusalenpa callenkuna, muyuyninpi perqanpis watej sayachisqa kanankamataj sojta chunka iskayniyoj semana kanqa. Chaywanpis manchay llakiy p'unchaykuna kanqa.

DIOSPA QHELQACHISQ

²⁵ Kayta uyariy, jap'eqaytaj: Jerusalén llajtata watej sayarichinapaj kamachisqa llojsisqamantapacha, Diospaj Ajllasqan Kuraj Kamachej chayamunankamaqa qanchis semana kanqa. Chantá Jerusalenpa callenkuna, muyuyninpi perqanpis watej sayachisqa kanankamataj sojta chunka iskayniyoj semana kanqa. Chaywanpis manchay llakiy p'unchaykuna kanqa.

Daniel (hebreo) 9:25 Referans Kwoze

Esdras 4:24

Ajinamanta, Jerusalempi Diospa templonta ruwanankuta saqecherqanku, Persiapi rey Darío iskay watata kamachinankama.

San Juan 4:25

Warmitaj nerqa: Yachani Cristo nisqa Mesías chayamunanta; paytaj chayamuspa tukuy imata willawasqayku.

San Juan 1:41

Pay ñaupajta wauqen Simonta tarerqa, nerqataj: Mesiasta tariyku. Chaytaj Cristo niyta munan.

Isaías 55:4

Noqa paytaqa nacionesman willajta churarqani; chantá kamachejta, yachachejta ima.

Isaías 9:6

Uj wawa nacepuwanchejña, Dios uj wawata qowanchej. Chayman qosqa kashan jatun atiy kamachinampaj. Sutisnintaj kaykuna kanqa: Mayta T'ukuna Yuyaychaj, Atiyniyoj Dios, Wiñaypaj Tata, Sonqo tiyachej Rey ima.

Miqueas 5:2

Qantajrí Efratamanta Belén, Judapi llajtas kajmanta aswan juch'uy kanki, qanmantamin llojsenqa Israelta kamachejqa unay aylloj mirayninmanta.

Daniel (hebreo) 9:23

Mañakuyta qallarisqaykitawan, Dios kutichisorqaña. Chayta willasunaypaj noqa jamuni, imaraykuchus Dios mayta munakusunki. Kunanqa, sumajta uyariy, kay jamoj imasmanta, chay rikusqaykimanta yachanaykipaj:

Daniel (hebreo) 8:25

Ch'aukiyanapaj may churasqa kasqanrayku, ñaupajman renqa ch'aukiyaypi. Sonqompi may jatun kasqanta yuyakonqa. Sonqo tiyaypi kasqankuta creekoj runakunata ashkhata wañurachenqa. Kurajkunaj kurajnimpa contrampi sayaykonqa. Chay kuraj kajtaj, chay sajra reyta atipaspa chinkachenqa. Chaytataj ruwanqa mana runaj makinwanchu.

Nehemías 6:15

Chay perqaqa tukusqa karqa Elul killamanta iskay chunka phishqayoj p'unchaynimpi. Chaytataj ruwarqayku phishqa chunka iskayniyoj diaspi.

Nehemías 4:8

Tukuyninkutaj yachachinakorqanku Jerusalenman yaykuykunankuta, urmachimunankupajtaj.

Nehemías 3:1

Chaypacha kuraj kaj sacerdote Eliasibwan, sacerdote masisninwan Ovejaspa yaykunan Punku nisqata ruwarqanku. K'aspistaraj churaspa punkusta churaykaporqanku, perqatataj oqharerqanku. Pachajkuna nisqa torremantapacha Hananeel nisqa torrekama.

Apocalipsis 19:16

P'achampi moqon patanejpi escribisqa sutiyoj karqa: reykunaj Reynin, señorkunaj Señornintaj.

Hechos 5:31

Diostaj atiyninwan Jesusta jatunman churarqa, kamachinampaj, salvanampajtaj. Diosqa munarqa Israel runakuna juchasninkuta saqespa Diosman kutirinankuta, juchasninku pampachasqa kanampaj.

Hechos 3:15

Ajinata qankunaqa wañucherqankichej kausayta qojta. Diostaj paytaqa wañusqamanta kausarichimorqa, noqaykutaj chay rikusqaykuta willayku.

Marcos 13:14

Rikunkichej millay ch'inyachejta, mana kanampi kajta. Pichus escribisqata leejqa entiendechun. Chaypacha Judeapi kajkunaqa orqo patasman ayqechunku.

San Mateo 24:15

Maypachachus rikojtiykichej millay ch'inyachejta Diospa templompi, chay millay ch'inyachejmanta profeta Daniel parlasqanman jina. Pillapis kayta leejqa, entiendechun.

Daniel (hebreo) 8:11

Janaj pachapi kajkunaj kurajnimpa contrampi ima sayaykorqa. Sapa p'unchay Diosman jaywana kajtapis chinkacherqa. Diosta yupaychana cheqatataj thuñerqa.

Salmos 71:10

Enemigosniy wañuchiyta munawanku, paykuna pura parlanakunku, contraypitaj wakichikunku.

Esdras 7:8

Esdrasqa Diospa yanapayninwan Babiloniamanta llojsimorqa, ñaupaj killamanta uj p'unchay uraykusqampi, qanchis watataña Artejerjes kamachishajtin. Jerusalenmantaj chayamorqa, phishqa killamanta ñaupaj p'unchaypi chay kikin watapi.

Esdras 7:1

Chaymantataj Persiapi rey Artajerjes kamachishajtin, uj runa karqa Esdras sutiyoj. Payta Seraiaspa wawan karqa. Seraiastaj Azariaspa wawan. Azariastaj Hilciaspa wawan.

2 Samuel 15:25

Reytaj Sadocman nerqa: Watejmanta llajtaman kutichipullaytaj kay Doispa cajonnintaqa. Sichus Señor khuyawanqa chayqa, Pay munanqa kutimunayta rikunaypaj trato cajonninta maypichus kashan chaytawampis.

Efesios 5:16

Tiempota kashajtinrajqa allin kajta ruwaychej, imaraykuchus kunan p'unchaykunaqa mana allinchu.

Hechos 8:30

Felipetaj qayllaykuspa, eunuco runata uyarerqa, imatachus profeta Isaiaspa escribisqanta leesqanta. Taporqataj: Entiendenkichu imatachus leesqaykita?, nispa.

San Mateo 13:23

Sumaj jallp'api tarpusqa mujutaj rijch'akun, pichus Diospa palabranta uyarispa sumajta umampi jap'in, poqoytataj apan, chayman. Sapa uj mujutaj poqon pachajta, sojta chunkata, wakintaj kinsa chunkata uj mujullamanta.

Nehemías 4:2

Llajta masisnimpa ñaupaqempi, Samariamanta soldadospa ñaupaqempiwan, kay jinata nerqa: Imatataj ruwayta yuyanku kay yarqhaymanta wañushaj judiosri? Ujtawanchu yuyasqanku uywa wañuchisqata jaywayta? Chayri uj diallapichu perqa oqhariyta, tukuytataj yuyanku? Chayri chay raqay ruphasqa qollusmantachu mosoj rumista orqhoyta yuyanku?

Eclesiastés 3:3

Uj tiempoqa wañuchinapaj, uj tiempotaj jampinapaj. Uj tiempoqa thuñinapaj, uj tiempotaj wasichanapaj.

Miqueas 5:1

Chaywampis kunanqa, Jerusalén wakichikuy jark'akunaykipaj imaraykuchus muyuykusunku may sinch'itata jasut'enqanku Israelpa kurajninta.