Daniel (hebreo) 9:24 - Qheshwa Biblia DC

²⁴ Aylluyki, ajllasqa llajtaykipis, kayta yachachunku: Qanchis chunka semanas pasananku tiyan, Diospa contranta sayariykuna, juchallikuypis tukukunampaj; sajra kajta chinkachinapaj, wiñaypajtaj cheqa kajta churanapaj. Mosqoypi jina rikusqasniyki, profetaspa willasqasninku ima junt'akunankupaj, ajllasqa kajtaj jawisqa kanampaj.

DIOSPA QHELQACHISQAN DEUTEROCANONICAL

²⁴ Diosqa qanchis chunka semanata t'aqan israelitakunawan, Diospaj t'aqasqa llajtanwan ima Diospa contranta oqharikusqankumanta kutirikunankupaj, juchallisqankumanta, millay ruwasqankumantataj qhespichisqa kanankupaj ima. Chaymantataj Diosqa cheqan kajta wiñaypaj sayachenqa. Ajinata mosqoypi jina rikusqayki, sut'inchajkunaj willasqanku ima junt'akonqa, may llimphu cheqapis Diosllapaj t'aqasqa kanqa.

DIOSPA QHELQACHISQ

²⁴ Diosqa qanchis chunka semanata t'aqan israelitakunawan, Diospaj t'aqasqa llajtanwan ima Diospa contranta oqharikusqankumanta kutirikunankupaj, juchallisqankumanta, millay ruwasqankumantataj qhespichisqa kanankupaj ima. Chaymantataj Diosqa cheqan kajta wiñaypaj sayachenqa. Ajinata mosqoypi jina rikusqayki, sut'inchajkunaj willasqanku ima junt'akonqa, may llimphu cheqapis Diosllapaj t'aqasqa kanqa.

Daniel (hebreo) 9:24 Referans Kwoze

Romanos 5:10

Diospa contrampi kashaspa, Dioswan allinyakorqanchej, Churimpa wañuyninnejta. Astawanraj ari allinyasqaña kaspaqa, salvasqas kasunchej kausasqanrayku.

Isaías 61:1

Señorpa Espíritun noqawan kashan, imaraykuchus Señorpuni noqataqa ajllawan. Sumaj willaykunata wajchasman willanaypaj kachamuwan, llakisqastataj sonqochanaypaj. Kachamuwantaj wata kamachis librasqas kanankuta ninaypaj, jinallataj carcelespi kajkunatapis kacharichinaypaj.

Números 14:34

Qankuna Canaán jallp'ata qhawamorqankichej tawa chunka diaspi; ajinallatataj tawa chunka watasta jasut'iyniykichejta jap'inkichej sapa diamanta uj watata. Ajinamanta qankunaqa yachankichej imaynatachus contrayta rimana kasqanta.

Levítico 25:8

Qanchis semana watasta yupanaykichej tiyan, jinamanta chay watasqa tukuynimpi tawa chunka isq'onniyoj watas kanqanku.

Hechos 3:22

Ajinata Moisespis nerqa: Señor Diosniykichej uj profetata jatarichenqa wauqesniykichej ukhumanta noqata jina. Payta kasunkichej tukuy ima nisqampi.

Isaías 56:1

Señorqa nin: Cheqan kaj ruwayta ruwaychejpuni, imatapis cheqanta ruwaychej, imaraykuchus salvanay p'unchayqa qayllapiña kashan, cheqanchayniypis chayamushanña.

Isaías 51:6

Janaj pachata qhawariychej, pampatapis qhawariychej. Janaj pachaqa q'osñi jinalla chinkariponqa, jallp'apis p'acha jinalla thantarparikonqa. Chaypi tiyakojkunapis ch'uspis jina chinkarparenqanku. Noqaj salvacionniyrí wiñaypaj kanqa. Cheqanta ruwasqayqa mana jayk'ajpis chinkankachu.

Salmos 2:6

Sión santo orqoypi, ajllasqayta rey kanampaj jawiniña.

Isaías 51:8

Paykunaqa tukukonqanku thutaj thutasqan p'acha jina, khuruswan mikhusqa millma jina. Noqaj cheqanchayniyrí wiñaypaj kallanqapuni, salvacionniypis wiñay wiñaynintimpaj kanqa.

Salmos 45:7

Cheqan kajta munakunki, sajratataj chejnikunki. Chayrayku Dios ajllakusorqa. Diosniyki kusikuywan junt'achisunki, kausaqesniykimanta astawan.

Apocalipsis 14:6

Waj angeltataj janaj pachaj chaupinta phawajta rikorqani, wiñay evangelio jap'ishajta; kay pachapi tiyakojkunaman, tukuy llajtasman, ayllusman, waj parlayniyojkunaman, tukuy runasman ima willanampaj.

Hebreos 2:17

Chayrayku, hermanosninman tukuy imapi rijch'akunampi karqa, khuyakuyniyoj, kuraj sacerdote churasqa kaspa, Diospa tukuy imasnimpi junt'aj, runakunaj juchasnintapis pampachanampaj.

Ezequiel 4:6

Chay tiempo junt'akojtinkamataj, pañamantañataj puñuykunki. Judá aylloj juchantañataj pataykiman churaykukunki tawa chunka p'unchay junt'akunankama, uj p'unchayta sapa wata juchallisqanmanta.

Apocalipsis 3:7

Filadelfia iglesiaj angelninman escribiy: Kayta nin llimphu kaj, cheqa kaj, pichus Davidpa llaventa jap'in, chay. Pay punkuta kichajtin mana pipis wisq'ayta atinchu. Punkuta wisq'ajtintaj, mana pipis kichayta atinchu. Chaymin kayta nin:

Hebreos 9:26

Uj jinamantaqa sapa kutichari, kay jallp'aj qallariyninmantaña pay ñak'arinman karqa; manataj payqa ajinatachu. Kunan uj kutillata, kay p'unchaykunaj tukukuynimpi rikhurimorqa juchata qhechunampaj, pay kikimpa yawarninwan.

1 Corintios 1:30

Qankunaqa Diosrayku Cristo Jesuspi kashankichej; Cristotaj noqanchejpajqa yachay, cheqan kay, t'aqasqa kay, kacharichisqataj kay; imaraykuchus escribisqapi kasqanman jina: Jatunchakuyta munajqa, Señorpi jatunchakuchun.

2 Crónicas 29:24

Chaymantataj sacerdotesqa chay uywasta wañucherqanku, yawarninta jap'ispataj altar pataman ch'ajchumorqanku juchasmanta jaywanata jina, tukuy Israelpa juchasninmanta perdonta tarinapaj. Imaraykuchus rey kamachisqa tukuy Israel ayllurayku jaywanankuta chay q'olachinapaj kajta, chay jucharayku kajtapis.

1 Juan 3:8

Juchallikojqa supaypata. Supayqa qallariymanta juchallikun. Chayrayku, Diospa Churenqa jamorqa supaypa ruwasqasninta phirinampaj.

2 Pedro 1:1

Noqa, Simón Pedro, Jesucristoj kamachin apostolnintaj kani. Dios Tataj cheqa kaynimpi, Salvawajninchej Jesucristopitaj, chay sumaj creeyta noqayku jina tarinkichej. Qankunaman kay cartata apachimuykichej.

Hebreos 10:14

Payqa uj sapan rikuchikullawan ajllasqasta wiñaypaj allincharqa.

Hebreos 7:26

Chay jina jatun sacerdotepuni allin kanan karqa noqanchejpaj; ajllasqa mana juchayoj, llimphu, juchasapakunamanta t'aqasqa, janaj pachamanta nisqapis, aswan jatumpaj churasqa.

Colosenses 2:14

Imachus leypi contranchejpi escribisqa karqa chayta, Dios yanqhayachispa picharparerqa. Chayta qhechuspataj cruzman clavaykorqa.

Colosenses 1:20

Dios munarqa pay kikinwan allinyachiyta tukuy imata Cristonejta, jallp'api kajkunata, jinallataj janaj pachapi kajkunatapis; sonqo tiyakuy kanampaj Jesuspa yawarninrayku, cruzpi wañusqanraykutaj.

Hechos 3:14

Qankunaqa qhesacharqankichej ajllasqata, cheqa kajta, cuentanmantataj mañarqankichej uj runa wañuchi kacharisqa kananta.

San Juan 1:41

Pay ñaupajta wauqen Simonta tarerqa, nerqataj: Mesiasta tariyku. Chaytaj Cristo niyta munan.

San Lucas 1:35

Angeltaj kuticherqa: Santa Espíritu qanman jamonqa, Diospa atiynintaj llanthusonqa; nacej wawaqa ajllasqa sutichasqa kanqa Diospa Churin.

San Mateo 11:13

Tukuy profetas, leypis, Juan jamunankama chay reinomanta willarqanku.

San Mateo 1:21

Mariataj uj qhari wawata nacichikonqa, sutichankitaj Jesús sutiwan; imaraykuchus pay ayllunta salvanqa juchasninmanta.

Lamentaciones 4:22

Sión llajta, jasut'iyniykeqa tukukun. Manaña jayk'ajpis kunanmantaqa maymampis Señorqa apachisonqachu. Chaywampis, Edom nación, juchaykitaqa Señor jasut'enqa. Juchaykitaqa imaynamantapis sut'imampuni orqhonqa.

Levítico 8:15

Chaymantataj Moisesqa chay waka uñata ñak'arqa, pisi yawarta jap'ispataj maki dedonwan altarpa cantosnimpi wajras jina ruwasqa karqanku chaykunata jawerqa tukuy muyuynintinta t'aqasqa kanampaj. Chaymanta puchoj yawarwantaj altarpa muyuyninta jich'arqa. Ajinamanta altarqa t'aqasqa karqa, allinyakuytataj tarinankupaj.

Filipenses 3:9

Paywan kayta munani manaña leyman jinachu kausanaypaj, astawanqa Cristopi creespa. Chaytaj Diospa cheqan kayninmanta feman jina; chayrayku Cristota astawan rejsinaypaj kausarimuynimpi, ferayku payman rijch'akunaypaj wañuynimpi, suyashanitaj imaynamantapis kausarimuyta wañusqakunamanta.

San Mateo 4:5

Chaymanta, supayqa Jerusalén llajtamanñataj Jesusta pusarqa, temploj torrempitaj rikhuricherqa.

Hechos 4:26

Kay pachapi reyes oqharikorqanku, kamachejkunapis oqharikuspa ujllapi tantakorqanku Señorpa contrampi, Cristompa contrampi ima.

Ezequiel 4:5

Mashkha watatachus paykuna juchallerqanku chay chhika p'unchaykunata noqa rikuchiyki, chaytaj ruwakun kinsa pachaj isq'on chunkayoj p'unchaykuna. Chay chhika p'unchaykunata Israel aylloj juchanta apanki, chayri uj p'unchayta sapa uj wata juchanrayku.

Zacarías 4:14

Paytaj kutichiwarqa: Kaykunaqa kanku llimphuchasqas kajkuna tukuy kaypachaj Señornimpa serviciompaj, nispa.

Isaías 42:4

Payqa mana sayk'onqachu, nitaj iskayrayanqachu, kay jallp'a patapi cheqan kajta sayachinankama. Mar qocha cantospi kajkunaqa paypa yachachisqasnimpi suyanqanku.