Daniel (hebreo) 9:20 - Qheshwa Biblia DC

²⁰ Diosmanta mañakushallarqanipuni, juchasniyta willakuspa, jinallataj Israel aylluypa juchasninta willaspa, Señor Diosniypa ñaupaqempi majakuspa ajllakusqan lomanrayku.

DIOSPA QHELQACHISQAN DEUTEROCANONICAL

²⁰ Noqaqa juchayta jinallataj israelita llajta masiykunaj juchankutapis rimarispa, Diosmanta mañakushallarqanipuni. Ajinamanta Tata Diosniypa ñawpaqenpi mañapusharqani paypa t'aqakusqan Jerusalén llajtanrayku.

DIOSPA QHELQACHISQ

²⁰ Noqaqa juchayta jinallataj israelita llajta masiykunaj juchankutapis rimarispa, Diosmanta mañakushallarqanipuni. Ajinamanta Tata Diosniypa ñawpaqenpi mañapusharqani paypa t'aqakusqan Jerusalén llajtanrayku.

Daniel (hebreo) 9:20 Referans Kwoze

Salmos 145:18

Señorqa payta wajyakojkunaj qayllapi kashan, cheqan sonqowan wajyakojkunaj qayllampi.

Romanos 3:23

Tukuy runas juchallikusqanrayku, Diospa janaj pacha k'anchayninmanta t'aqasqas kanku.

Isaías 58:9

Chaypacha, sichus Señormanta qhaparikunki chayqa, pay uyarisonqa. Ajinata paymanta mañakojtiyki nimusonqa: Kaypi kashani, nispa. Chaypi kanqa wasiykipi manaña chay jina ñak'arichiy kajtin, manaña chejninakuy kajtin, manañataj ch'ichi palabraspis kajtin.

Daniel (hebreo) 9:16

Señor, yachayku may k'acha kasqaykita. Ama jinachu kay ari, Jerusalenmanta karunchay phiñakuyniykita, k'ajaj phiñakuyniykita, imaraykuchus llajtaykimin chayqa, chayllapitaj kashan ajllakusqayki lomaykipis. Tukuy muyuynimpi nacionesmanta kaj runakunaqa, Jerusalenmanta, aylluykimantapis asikunku, noqaykoj juchasniykurayku, jinallataj tatasniykoj juchasninkuraykupis.

Isaías 65:24

Paykuna manaraj wajyamushawajtinku noqaqa kutichisajña, manaraj parlayta tukuchishajtinku, imatachus munasqankuta uyarisajña.

Isaías 6:5

Noqataj nerqani: Ay, noqamanta, kunanqa wañusajchari! Kikin ñawisniywan Tukuy Atiyniyoj Señorta rikuni, kay jina ch'ichi simi runa kanaypaj, kay jina ch'ichi parlayniyoj runaspa chaupimpi kashaspa.

Salmos 32:5

Mana imata pakaspa, tukuy juchayta, sajra ruwasqasniytawan willakorqayki. Nerqani juchasniyta willakusunayta, qantaj Señor perdonawarqanki.

Apocalipsis 21:10

Espiritupitaj uj manchay jatun orqoman pusawarqa, rikuchiwarqataj chay jatun ajllasqa Jerusalén llajtata, Diosmanta, janaj pachamanta uraykamushajta.

Apocalipsis 21:2

Noqa Juanqa ajllasqa llimphu llajtata rikorqani, mosoj Jerusalenta, janaj pachamanta uraykamushajta, Diosmanta novia jina wakichisqata, qosampaj k'achanchasqatataj.

Santiago 3:2

Tukuyninchej ashkha kutita pantanchej. Pichus mana pantanchu parlasqampi chayqa, chaymá sumaj runaqa. Paytaj atinman tukuy cuerponwan kasuchikuyta.

Hechos 4:31

Diosmanta mañakuyta tukusqankutawantaj, maypichus kasharqanku chay cheqa kuyurerqa. Tukuyninkutaj Santo Espirituwan junt'asqas karqanku, Diospa palabrantataj mana manchachikuspa willayta qallarerqanku.

Zacarías 8:3

Jerusalenman kutillasajtaj chaypi tiyakapoj. Chaypacha Jerusalenqa uj cheqata purej llajta kanqa; Tukuy Atiyniyoj Señorpa orqontaj uj santo orqo nisqa kanqa.

Daniel (hebreo) 10:2

Jaqay p'unchaykunapi, noqa Danielqa, kinsa semana junt'ata may llakisqa kasharqani.

Eclesiastés 7:20

Chaywampis kay jallp'a patapeqa mana uj runallapis cheqan runaqa kanchu, nitaj mana jayk'aj juchallikuspa cheqantapuni ruwaj kanchu.

Esdras 10:1

Diosta yupaychana wasin punkumpi, Esdras qonqoriykukuspa mañakushajtin, waqaspa juchasninta willakushajtintaj, israelitasmanta ashkha ukhu, qharis warmis ima waqarallarqankutaj jik'un jik'unta, qayllanman muyuykamuspa.

Nehemías 1:6

Kunanqa mañayki uyarinawaykita kay tuta p'unchay kay mañakamususqayta, kamachisniyki israelitasmanta khuyakunaykita. Yachakuyku noqayku israelitasqa contraykipi juchallisqaykuta. Ayllusniypis, noqa kikiypis juchallillaykutaj.

Daniel (hebreo) 10:12

Chaypacha niwarqa: Ama mancharikuychu, Daniel. Qanqa ñaupaj p'unchaymantapacha, mana entiendeyta atikoj imasta yachayta munaspa, Diosman k'umuykukuyta yuyaychakorqanki. Chaymantapacha, Dios uyarisorqa paymanta mañakusqaykita. Chayrayku noqa jamorqani.

Daniel (hebreo) 11:45

Reyqa toldosninta sayachenqa mar qochawan, k'acha nisqa jallp'awan chay chaupipi. Chay pachampitj wañuynin chayamonqa, manataj pipis payta yanaparej kanqachu.