Daniel (hebreo) 9:18 - Qheshwa Biblia DC

¹⁸ Diosniyku, uyarillawayku ari. Qhawariy kay jina mana imayoj rikhurisqaykuta, jinallataj sutiykita yupaychana llajtatapis. Mana kausayniykupi cheqanta ruwasqaykuta creekuspachu qanmanta majakushayku, mana chayqa qampa jatun khuyakuyniykipi creespa.

DIOSPA QHELQACHISQAN DEUTEROCANONICAL

¹⁸ Diosniyku, uyarillawayku ari. Qhawariy imaynatachus sutiyki yupaychasqa kananpaj ajllasqayki llajta ch'in laqayaman tukuchisqa kasqanta. Mana noqayku cheqanta ruwasqaykupi atinikusqaykuraykuchu qanmanta mañakushayku, manachayqa qanpa jatun khuyakuyniykipi atinikuyku.

DIOSPA QHELQACHISQ

¹⁸ Diosniyku, uyarillawayku ari. Qhawariy imaynatachus sutiyki yupaychasqa kananpaj ajllasqayki llajta ch'in laqayaman tukuchisqa kasqanta. Mana noqayku cheqanta ruwasqaykupi atinikusqaykuraykuchu qanmanta mañakushayku, manachayqa qanpa jatun khuyakuyniykipi atinikuyku.

Daniel (hebreo) 9:18 Referans Kwoze

Isaías 37:17

Uyariway ari Señorníy, ñawiykita kicharispa qhawarimuy ari. Senaqueribpa tukuy nisqanta uyariy ari, pay kachamun kayman, qan kausaj Diosniypa contranta kaypi rimanampaj.

Jeremías 36:7

Ichapis Señormanta mañakunkuman, sajra puriykunasninkutataj saqenkuman. Señorpa k'ajaj phiñakuyninta ayllunman apachimusaj nisqanta. Chayqa manchay sinch'i manchachikunamin.

Jeremías 25:29

Jasut'isniyta apachimuyta qallarisaj, noqapaj t'aqasqa kashan chay llajtay pataman. Yuyankichejchu qankunaqa mana jasut'isqalla qhepakuyta? Manapuni mana jasut'isqaqa qhepakunkichejchu, imaraykuchus tukuy kay pachapi tiyakojkunaman maqanakuykunasta apachimusaj. Noqa Tukuy Atiyniyoj Señor chayta nini.

2 Reyes 19:16

Señoríy uyariway ari, ñawisniykita kichariy, qhawarimuytaj, Senaqueribpa parlasqantapis uyariy, payqa kausaj Diospa contranta parlajta kachamun.

Ezequiel 36:32

Mana qankuna allin kasqaykichejraykuchu kaytaqa ruwani, nin Señorqa. Israel ayllu, allinta yachaychej, k'umuykuychej, p'enqakuychejtaj millayta purisqasniykichejmanta.

Jeremías 15:16

Parlamuwajtiykeqa chay palabrasniykita mikhukorqani, chaytaj sonqo qhallallay, kusiytaj sonqoy ukhupi kawarqa, imaraykuchus Señor, Tukuy Atiyniyoj Diosníy, qampataman kani.

Jeremías 14:7

Señor, juchasniykupis ch'ataykuwachuyku, ruway ari sutiyki may jatunchasqa kasqanrayku! Ashkha kutista qanmanta t'aqakorqayku, contraykipi juchallikorqayku.

1 Corintios 1:2

Escribimuni kay cartata, Diospa iglesianman Corinto llajtapi kajman. Paykunaqa llimphuchasqas kanku Cristo Jesuspi, wajyasqas, juchamanta t'aqasqas kausanankupaj; mayllapipis Señorninchej Jesucristoj sutinta tukuy wajyakojkunawan ima. Payqa paykunaj Señorninku noqanchejpatapis.

Jeremías 37:20

Kunan wiraqochi reyníy, uyariway imatachus mañasusqayta: Ama saqeychu ujtawan chay qelqeriyki Jonatampa wasinman pusanawankuta, ama chaypi wañunaypaj.

Jeremías 14:9

Imaraykutaj t'ukusiri runa jina, uj maqanakoj runa manaña yanapayta atinñachu ajinari? Jinapis, Señor, qan chaupiykupi kashanki, tukuy yachanku qampa aylluyki kasqaykuta. Ama saqerakuwaykuchu ari!

Isaías 64:6

Tukuyniyku millay ch'ichis kayku, tukuy ima ruwasqaykupis millay ch'ichi thanta jina. Noqaykoqa sach'a laqhes jina t'akakuyku, sajra ruwasqasnillaykutaj wayra jina apawayku.

1 Reyes 8:29

Tuta p'unchay kay wasita qhawarispa, ñawisniyki kicharisqa kachun, kay wasimanta qanqa nerqanki: Noqaj sutiy chaypi kanqa, nispa. Uyariytaj kay kamachiykej mañakuyninta kay wasipi.

Éxodo 3:7

Señortaj nillarqapuni: Cheqamanta noqa rikuni imaynatachus aylluy Egiptopi ñak'arisqanta. Uyarini mayta qhaparikusqankuta capatazkuna jasut'isqankurayku; allinta yachani ñak'arisqankuta.

Isaías 64:12

Chay jinasta ruwashajtinkupis qanqa Señor ch'inllachu kakunki, manachu ima ninkipis, astawanrajchu llakichiwasqayku?

Salmos 116:1

Señorta munakuni mañukusqayta uyariwasqanrayku,

Daniel (hebreo) 9:7

Señor, qan cheqampuni kanki. Noqayku judiosqa p'enqaypi rikhuriyku: Jerusalempi tiyakojkuna, jinallataj israelitas, qaylla llajtaspi, chayri, karu llajtaspi tiyakojkunapis. Paykunata qan chay karu llajtasman wijch'orqanki, contraykipi sayarisqankurayku.

Números 6:27

Ajinata paykunata noqaj sutiypi israelitasman nichunku, noqataj paykunata bendicisaj.

Salmos 25:6

Yuyarikuy, Señor, k'acha kayniykimanta, khuyakuyniykimantawan, imaraykuchus wiñaypaj kanku.

Isaías 43:7

Sutiyta apaykachajkunata, pikunatachus noqa kusikunaypaj ruwarqani chaykunata, sayaricherqanitaj.

Ezequiel 36:22

Chayrayku Israel ayllumanta niy: Señorqa kay jinata nin: Imatachus ruwasaj chaytaqa mana qankuna Israel aylluraykuchu ruwasaj, manachayqa santo sutiyrayku ruwasaj; imaraykuchus waj llajtaspi sutiyta p'enqaypi rikhuricherqankichej.