Daniel (hebreo) 9:15 - Qheshwa Biblia DC

¹⁵ Señor Diosniyku, qan rikucherqanki jatun atiyniykita, aylluykita Egiptomanta orqhomuspa. Ajina ruwasqaykiwanqa, sutiyki jatumpaj qhawasqa kashan chay p'unchaykunamantapacha kunankama. Noqaykutaj juchalliyku, sajra kajtataj ruwayku.

DIOSPA QHELQACHISQAN DEUTEROCANONICAL

¹⁵ Tukuyta Kamachej Diosniyku, aylluykita Egiptomanta orqhomuspa, qan jatun atiyniykita rikucherqanki. Ajinata ruwasqaykirayku, chaymantapacha kunankama sutiyki jatunpaj qhawasqa kashan. Noqaykutajrí juchallispa, millay kajta ruwarqayku.

DIOSPA QHELQACHISQ

¹⁵ Tukuyta Kamachej Diosniyku, aylluykita Egiptomanta orqhomuspa, qan jatun atiyniykita rikucherqanki. Ajinata ruwasqaykirayku, chaymantapacha kunankama sutiyki jatunpaj qhawasqa kashan. Noqaykutajrí juchallispa, millay kajta ruwarqayku.

Daniel (hebreo) 9:15 Referans Kwoze

Nehemías 9:10

Faraompa contrampi, jinataj kamachisnimpajpis, chay jallp'api tukuy runaspa ñaupaqempipis jatuchaj t'ukuna imasta qan rikucherqanki. Qan rikorqanki imaynatachus israelitasta wapu wapulla may llakiyta ruwasqankuta. Jinamantataj may jatun uyarisqa sutiyoj karqanki kunankama.

Daniel (hebreo) 9:5

Noqayku juchalliyku, millay imasta ruwayku, sajra kajta ruwayku, qanta mana kasuspataj kausayku. Kamachisqasniykimanta, imatachus ruwanaykuta nisqasniykimantawan karunchakuyku.

Nehemías 1:10

Noqayku qampa kamachisniyki ayllusniykitaj kayku, qan kacharichikuwarqayku jatun atiyniykiwan, kallpaykiwantaj.

Éxodo 32:11

Moisestaj chayta uyarispa Señor Diosninmanta mañakorqa, nispa: Señorníy, imaraykutaj qan paykunapaj k'ajaj phiñakuyniykita rikuchiwajri, israelita runasniykej contrampiri, mayqentachus Egipto jallp'amanta manchay kallpawan, atiywantaj orqhomusqaykipajri?

Éxodo 14:18

Maypachachus atiyniyta rikuchisaj faraompi, carrosnimpi, caballospi rej soldadosnimpi, chaypacharaj egipciosqa yachanqanku noqa Señor kasqayta.

Éxodo 6:1

Diostaj Moisesman nerqa: Kunanraj rikunki imatachus faraonman ruwasaj chayta. Imaraykuchus paymantaqa sinch'i kallpawampuni kacharichisqaykichej chaymanta ripunaykichejpaj, jinallataj paypis may phiñasqa kacharisonqachej.

2 Corintios 1:10

Dios jark'awarqayku chay jina jatun wañuymanta. Kunampis jark'awayku; suyaykutaj qhepamampis jark'anawaykuta.

San Lucas 18:13

Impuestero runataj karullamanta, manchachikuywan mana ñawisnillantapis pataman oqhariyta munarqachu. Chaynejta pechollanta takakusharqa: Diosníy, khuyariway ari noqa juchasapata, nispa.

San Lucas 15:21

Wawantaj nerqa: Tatáy, Diospaj juchallini, qampajpis juchallillanitaj; manaña wawayki ninapaj jinachu kani.

Jeremías 32:10

Chay tratotataj ruwarqayku papelpi qelqaspa, sellasqatataj, testigospa sutisnintawan qelqaykuspa.

Isaías 55:13

Khishkaspa cuentanmanta pino sach'as wiñanqa, itapallospa cuentanmanta arrayán sach'a wiñanqa. Chayqa kanqa uj señal Señorpa sutinta wiñaypaj yuyarikunapaj, ni jayk'aj qonqasqa kanampaj.

Salmos 106:8

Diosninchejqa llimphu sutinrayku paykunata salvarqa, atiyninta rikuchinampaj.

1 Reyes 8:51

Imaraykuchus paykunaqa llajtayki chayaqeykitaj kanku, mayqentachus qan orqhomorqanki Egiptomanta fierro hornomanta jina.

Éxodo 9:16

Chaywampis cheqamanta churayki, qampi atiyniyta rikuchinaypaj, qannejta sutiy willasqa kanampaj tukuy mundontimpi.

Éxodo 6:6

Chayrayku nimuy israelitasman: Noqa Señormin, orqhosqaykichej chay jina ñak'arispa egipciospaj llank'anaykichejmanta, chay jina sinch'i kamachi ruway mana atinamanta. Noqa atiyniyta rikuchisaj. Ashkha muchuy mana atinasta rikuchispa kacharichisqaykichej sumaj cheqanta ruwaspa.

Deuteronomio 5:15

Qanqa yuyarikuy imaynatachus qampis Egiptopi kamachi kasqaykita. Señor Diosniyki chaymantaqa orqhomusorqa jatun atiyninwan. Chayrayku Señor Diosniykeqa kamachisunki, samakuna p'unchayta waqaychanaykita.

Éxodo 13:3

Moisestaj runasman nerqa: Kay diamanta yuyarikuychej, mayk'ajchus Egiptomanta Señor orqhomusorqachej jatun atiyninwan kamachillapuni kanaykichejmanta. Chayrayku ama mikhuychejchu levadurayoj t'antataqa.

Éxodo 13:9

Kayqa kanqa makiykichejpi uj señal jina, mayk'ajpis ñawiykichej patapi k'asqasqa kajtin yuyarikunaykichejpaj, Señorpa leynin simiykichejpi kanampaj, Señor may jatun atiyninwan Egiptomanta orqhomusqasuykichejta.

Éxodo 13:14

Mayk'ajpis wawasniykichej tapusonqachej: Imatataj kay niyta munanri?, nispa chayqa, ninkichej: Kayqa niyta munan, ñaupa tatasninchej israelitasta Señor orqhomusqanta jatun atiyninwan Egiptomanta, maypichus kamachi mana ruway atinamanta.

Éxodo 13:16

Chayrayku makiykichejpi, ñawiykichej patapi ima, uj señal imamantapis kajtin, chaymanta yuyarikunaykichejpaj. Ajinamanta yuyarikunkichej kay rikuchikuta jaywajta rikuspa, Egiptomanta Señor may atiyninwan ñaupa tatasninchej israelitasta orqhomusqanta.

2 Reyes 21:15

Noqaj ñaupaqeypi tukuy ima sajrata ruwasqankuwan anchataña phiñachiwanku, ñaupa tatasninku Egiptomanta llojsimusqankumantapacha kunankama.

2 Crónicas 6:37

Maymanchus wijch'usqas karqanku chay jallp'ataj qanman kutirikamusunkuman, qanmantataj mayta mañakamusunkuman, nisunkumantaj: Juchalliyku, sajrata ruwayku, juchayoj kayku.

Nehemías 1:6

Kunanqa mañayki uyarinawaykita kay tuta p'unchay kay mañakamususqayta, kamachisniyki israelitasmanta khuyakunaykita. Yachakuyku noqayku israelitasqa contraykipi juchallisqaykuta. Ayllusniypis, noqa kikiypis juchallillaykutaj.

Isaías 64:4

Mana jayk'ajpis chaytaqa uyarerqankuchu, manataj pipis qan jina Diostaqa rikojchu kanku, qampi atienekojkunapaj ajinata ruwapojtaqa.

Jeremías 14:20

Señor, juchayoj kasqaykuta yachakuykuña, jinallataj ñaupa tatasniyku juchallikusqankutapis. Contraykipi juchallikorqayku.

Lamentaciones 3:42

Noqaykoqa qampa contraykita oqharikorqayku, manataj cheqantachu purerqayku. Chaymanta qanqa mana perdonawaykuchu.

Ezequiel 5:6

Payrí leyesniypa contrampi, kamachisqasniypa contrampi ima oqharikorqa, muyuynimpi kashanku chay ayllusmanta, llajtasmantapis astawanraj. Leyesniyta mana kasunkuchu, nitaj kamachisqasniytapis junt'ankuchu.