Daniel (hebreo) 9:14 - Qheshwa Biblia DC

¹⁴ Chayraykumá, Señor, kay jasut'itaqa wakicherqanki, apachimuwarqaykutaj pataykuman. Qan, Señor Diosniyku, cheqan kanki tukuy ima ruwanaykipi, noqaykutaj mana uyarisuyta munarqaykuchu.

DIOSPA QHELQACHISQAN DEUTEROCANONICAL

¹⁴ Chayraykumá, qan Tata Dios, kay jasut'ita wakichispa, pataykuman apachimuwarqayku. Tata Diosniyku, qanmin tukuy ima ruwasqaykipi cheqan kanki, noqaykutajrí niwasqaykuta mana uyarisuyta munarqaykuchu.

DIOSPA QHELQACHISQ

¹⁴ Chayraykumá, qan Tata Dios, kay jasut'ita wakichispa, pataykuman apachimuwarqayku. Tata Diosniyku, qanmin tukuy ima ruwasqaykipi cheqan kanki, noqaykutajrí niwasqaykuta mana uyarisuyta munarqaykuchu.

Daniel (hebreo) 9:14 Referans Kwoze

Daniel (hebreo) 9:7

Señor, qan cheqampuni kanki. Noqayku judiosqa p'enqaypi rikhuriyku: Jerusalempi tiyakojkuna, jinallataj israelitas, qaylla llajtaspi, chayri, karu llajtaspi tiyakojkunapis. Paykunata qan chay karu llajtasman wijch'orqanki, contraykipi sayarisqankurayku.

Nehemías 9:33

Chaywampis qanqa mana ni ima juchayojchu kanki tukuy imas qhatiriwasqaykumantaqa, imaraykuchus qanqa cheqa sonqowan imatapis ruwawayku, noqaykutaj sajra kajta ruwayku.

Jeremías 44:27

Noqa qhawashani ñak'ariykunasta apachimunaypaj, mana allin kajkunatachu. Judamanta tukuy Egiptopi tiyakushajkuna, cheqamanta tukuyninku maqanakupi, yarqhaywantaj wañuchisqas kanqanku.

Salmos 51:14

Librayway runata wañuchiymanta. Diosníy, salvaway Diosníy. Noqataj takispa willasaj, cheqan sonqoyoj kasqaykita.

Jeremías 31:28

Imaynatachus sumajta qhawarqani usqhayta sik'inaypaj, urmachinaypaj, uramantaj wijch'unaypaj, phirinaypaj, chayri ima llakiytapis ruwanaypaj, ajinallatataj allinta qhawasaj jatarichinaypaj, plantanaypajpis. Noqa Señor chayta nini.

2 Crónicas 12:6

Israelmanta kurajkuna, chanta reypis reparakuspa juchayoj kasqankuta k'umuykukorqanku, nerqankutaj: Señorpa ruwasqanqa cheqampuni, nispa.

Salmos 116:5

Señorqa cheqampuni, khuyakojtaj; Diosninchejqa llamp'u sonqoyoj.

Salmos 119:137

Señor, qan cheqan kanki, kamachisqasniykipis cheqan.

Éxodo 9:27

Chaymantaqa faraón wajyachimorqa Moisesta Aarontawan, nerqataj: Kunan kutipeqa juchata ruwani, jinallataj runasniypis, Señorqa cheqampuni.

Esdras 9:15

Señor, Israelpa Diosnin, qan cheqan karqanki noqaykuwan. Qan munarqanki noqaykumanta uj puchoj t'aqa kausanaykuta, imaynatachus kunan p'unchay rikukusqanman jina. Noqaykoqa cheqamanta ñaupaqeykipi juchayoj kayku, ajinallatapuneqa mana ñaupaqeykipi kayta atiykumanchu, nispa.

Salmos 111:7

Paypa ruwasqasnenqa allinmin, cheqantaj. Paypa kamachikusqasnenqa cheqampuni,

Jeremías 4:17

Imaynatachus chay camposninkuta qhawajkuna muyuykunku, ajinata Judá aylluman muyuykonqanku, Señorpa contrampi oqharikusqankurayku. Señormin ajinata nin.

Jeremías 12:1

Señor, qanwan siminakuni chayqa, qampa nisqaykipuni aswan allin kajqa llojsin, chaywampis tapurisuyta munayman, imaraykuchus chay wakin imas ajina kasqanta. Chay juchasapastaqa imaraykutaj allin rinri? Imaraykutaj chay wasanchajkunapis mana ima ch'ajwaywan kausakunkuri?

Lamentaciones 1:5

Enemigosninkoqa kamachejkuna kanku, chay chejnejkunasninkoqa mayta qhapajyanku. Jerusalentaqa Señorpuni chay jinata llakichin, chay chhikata juchallikusqanrayku. Wawasnenqa enemigosninnejta karuman apasqas karqanku.

Ezequiel 16:43

Sipas kasqaykimanta qonqakaporqanki sajra imasta ruwaspa, millay juchapi purispataj phiñachiwarqanki. Chayrayku, noqaqa chay purisqaykiman jina jasut'isqayki. Manapuni yuyarqankichu manchayta k'achanchakusqaykimantapis. Noqa Señormin chaytaqa nini.

Daniel (hebreo) 4:34

Jasut'i p'unchaykuna junt'akojtin, noqa Nabucodonosorqa, janaj pachata qhawarerqani, loco kayniymantataj thañisqa kasqayta reparakorqani. Chaypacha, Jatun Diosta yupaycharqani, kay palabraswantaj wiñaypaj kausayniyojta jatuncharqani: Paypa atiynenqa wiñaypajpuni. Llajtakunata kamachinantaj miraypa miraynintimpaj kanqa.