Daniel (hebreo) 8:24 - Qheshwa Biblia DC

²⁴ Atiyniyoj kanqa, manataj pay kikimpa atiyninwanchu, t'ukunapaj jinata t'unaykonqa, tukuy ima ruwasqampitaj atipanqa. Atiyniyoj runakunata chinkachenqa. Diospa ayllunmanta kaj ashkha ajllasqa runasta chinkachillanqataj.

DIOSPA QHELQACHISQAN DEUTEROCANONICAL

²⁴ Atiyniyoj kanqa chaypis, chay atiynenqa mana payllamantachu kanqa. Chantá t'ukunapaj jina tukuy imatapis phirenqa, tukuy ima ruwasqanpitaj allin renqa. Atiyniyoj runakunata chinkachenqa. Diospa ajllasqan ayllumantapis ashkhatapuni chinkachillanqataj.

DIOSPA QHELQACHISQ

²⁴ Atiyniyoj kanqa chaypis, chay atiynenqa mana payllamantachu kanqa. Chantá t'ukunapaj jina tukuy imatapis phirenqa, tukuy ima ruwasqanpitaj allin renqa. Atiyniyoj runakunata chinkachenqa. Diospa ajllasqan ayllumantapis ashkhatapuni chinkachillanqataj.

Daniel (hebreo) 8:24 Referans Kwoze

Daniel (hebreo) 8:12

Sajra kayninman jina, maypichus ñaupaj p'unchaykunapi Diosman jaywana kaj chayman soldadosninta tiyaykucherqa, cheqa kajtataj pampacharqa. Tukuy imatapis munasqanta ruwarqa, tukuy imataj paypajqa allin llojserqa.

Apocalipsis 17:17

Diosqa sonqonkupi churarqa paypa munayninta ruwanankupaj, uj sonqolla kanankupaj, suyutataj phiña animalman qonankupaj, Diospa nisqan junt'akunankama.

Daniel (hebreo) 12:7

Linomanta p'achayoj runaqa, makisninta janaj pachaman oqharispa, kausaj Diospa sutimpi juraspa nerqa: Kinsa tiempo khuskanniyojmanta, maypachachus Diospa ayllumpata atiynin mana atipasqañachu kanqa, chaypacha kay tukuynin imasqa tukukonqa.

Daniel (hebreo) 7:25

Jatun atiyniyoj Diospa contranta rimanqa, Diospa ayllunta ñak'arichispa chinkachinayanqa. Diospa kamachiyninta, fiestastapis waj jinaman tukuchiyta munanqa. Diospa aylluntaj makimpi kanqa, kinsa tiempos khuskanniyojkama.

Apocalipsis 19:2

Diospa juzgasqanqa cheqan, cheqataj. Chayrayku chay jatun qhenchachakoj warmita juchacharqa. Chay warmeqa, qhenchachakuyninwan kay pachata ismucherqa, Diostaj kamachisnimpa yawarninrayku, payman maychus kajta kutichispa ñak'aricherqa.

Apocalipsis 17:6

Rikorqanitaj chay warmita ajllasqaspa yawarninwan, Jesuspa testigosnimpa yawarninwan ima machasqata. Payta rikuspataj maytapuni t'ukorqani.

Daniel (hebreo) 8:10

Chhikantapuni wiñarqa, janaj pachapi kajkunaman chayanankama. Chaykunamanta wakinta, jinallataj wakin qoyllurkunatawan urmarachimuspa sarurarqa.

Apocalipsis 16:6

Paykunaqa ajllasqaspa yawarninta, porfetaspatapis jich'arqanku. Chayrayku qampis yawarllatataj paykunaman ujyachinki. Paykunaqa chay jasut'ipaj jina kanku.

Daniel (hebreo) 8:11

Janaj pachapi kajkunaj kurajnimpa contrampi ima sayaykorqa. Sapa p'unchay Diosman jaywana kajtapis chinkacherqa. Diosta yupaychana cheqatataj thuñerqa.

Daniel (hebreo) 8:23

Maypachachus kay nacionespa kamachinasninku tukukonqanku, juchallikuykunapis phullachirenqanku chaypachaqa, uj rey sayarenqa sajra parlayniyoj, ch'aukiyanapajtaj may churasqa.

Salmos 37:35

Phiña sajra runata rikuni, tukuynejman uj sach'aj ramasnin wiñan ajinata.

Daniel (hebreo) 11:23

Ch'aukiyallanqataj paywan tratota ruwajkunatapis, chanta pisi runawan kashaspapis atipanqa.