Daniel (hebreo) 8:18 - Qheshwa Biblia DC

^18-19 Pay parlashawajtillanraj yuyayniy chinkawarqa, sinch'i puñuywan jina pampapi uyamanta wijch'usqa rikhurerqani, chanta, paytaj aysarispa sayarichiwarqa, chanta niwarqa: Sumajta willasqayki, Diospa phiñakuynin tukukojtinkama imachus jamonqa chayta, imaraykuchus chay rikhurisojqa tiempoj tukukuyninmanta willashan.

DIOSPA QHELQACHISQAN DEUTEROCANONICAL

¹⁸ Pay parlashawajtillanraj, yuyayniy chinkawarqa, pampapitaj wijch'usqa rikhurerqani. Chantá pay jamuspa, sayarichiwarqa.

DIOSPA QHELQACHISQ

¹⁸ Pay parlashawajtillanraj, yuyayniy chinkawarqa, pampapitaj wijch'usqa rikhurerqani. Chantá pay jamuspa, sayarichiwarqa.

Daniel (hebreo) 8:18 Referans Kwoze

Daniel (hebreo) 10:18

Runaman rijch'akojqa, ujtawan llankharillawarqataj, mosoj kallpata qowaspa; niwarqataj: Ama manchachikuychu, amataj llakikuychu. Diosmin munakusunki. Umachakuy, kallpachakuytaj! Pay parlashawajtillanraj, reparakorqani watejmanta umachakushasqayta; chanta nerqani: Señorníy, parlaway, kallpayta kutichipuwankiña.

San Lucas 9:32

Pedro, paywan kajkuna ima, puñuywan atichikushaspapis mana puñorqankuchu; rikorqankutaj Jesuspa k'anchayninta, chay iskay runas Jesuswan kajkunatawan.

Daniel (hebreo) 10:16

Chay rato, uj runaman rijch'akoj simiyta llankhariwarqa. Chanta, ñaupaqeypi kasharqa chayman nerqani: Señor, kay mosqoypi jina rikusqayqa mayta llakichiwan, mana kallpayojmantaj tukuchiwan.

Ezequiel 2:2

Parlamushawajtin, Diospa atiynin yaykuwarqa, sayarichiwarqataj, chantá uyarerqani chay parlamuwajta, niwarqataj: Runa, qanta kachasqayki israelitasman, mana kasukoj, noqaj contraypi sayarej aylluman. Paykunapis ñaupa tatasninku jinallataj kunan p'unchaykama contraypi sayarinku.

Hechos 26:6

Kunanqa juchachasqa kani, ñaupa tatasninchejman, Dios imatachus qosqaykichej nisqampi suyasqayrayku.

San Lucas 22:45

Diosmanta mañakusqanmanta sayarispataj, qayllaykorqa yachachisqasninman, tariparqataj llakiy jawa puñurashajta; nerqataj: Imaraykutaj puñushankichej? Jatariychej, mañakuychej ama juchaman urmanaykichejpaj.

Zacarías 4:1

Noqawan parlasharqa chay angelqa kutirimorqa. Noqaman kutirimuytawan rijch'arichiwarqa, imaynatachus uj puñojta rijch'arichinchej ajinata. Tapuriwarqataj: Imatataj rikunki?, nispa. Noqataj kuticherqani: Rikuni qorimanta uj k'anchanata, patampitaj uj aceite churanayojtawan. Patan kajpeqa qanchis k'anchanasniyojta, sapa k'anchamantaj aceite yaykushan uj tubonejta.

Daniel (hebreo) 8:27

Noqa Danieltaj, reparakorqani kallpay pisiyawasqanta, ashkha p'unchaykunataj onqosqa tarikorqani. Chaymanta jatarikuspa uyarillarqanipuni nacionta kamachejpa ruwanasninmanta. Noqataj mayta t'ukusharqani chay jinata rikusqaymanta, mana unanchayta atispa.

Daniel (hebreo) 8:17

Chanta Gabrielqa qayllaykamuwarqa. Noqataj mancharikuywan pampakama k'umuykorqani, paytaj niwarqa: Runa, yachay, chay mosqoypi jina rikhurisojqa niyta munan, p'unchaykunaj tukukuyninmanta.

Job 4:13

Ch'isin tukuy runas puñurasqankumantaña, ch'ijmiykuwajtin mana puñuyta aterqanichu.

Génesis 15:12

Chharpuykushajtintaj Abramqa puñuywan atipachikorqa, laqhaykojtintaj sinch'i manchachikuy payman jamorqa.

Apocalipsis 1:17

Payta rikuspataj, wañusqa jina chakisninman urmarqani. Paytaj makisninta churaykuwarqa, nispa: Ama mancharikuychu. Noqa kani ñaupaj kaj, qhepa kajtaj.