Daniel (hebreo) 8:15 - Qheshwa Biblia DC

¹⁵ Noqa Daniel qhawashajtiy, chay rikusqayqa imatachus niyta munasqanta yachayta munaspa, mana yuyasqallamanta ñaupaqeypi uj sayashaj, runaman rijch'akoj rikhuriwarqa.

DIOSPA QHELQACHISQAN DEUTEROCANONICAL

¹⁵ Noqa Daniel, mosqoypi jina rikusqayta qhawashaspa, imatachus niyta munasqanta yachayta munarqani. Jinallapi ñawpaqeypi sayashaj runaman rijch'akoj rikhurerqa.

DIOSPA QHELQACHISQ

¹⁵ Noqa Daniel, mosqoypi jina rikusqayta qhawashaspa, imatachus niyta munasqanta yachayta munarqani. Jinallapi ñawpaqeypi sayashaj runaman rijch'akoj rikhurerqa.

Daniel (hebreo) 8:15 Referans Kwoze

Daniel (hebreo) 10:16

Chay rato, uj runaman rijch'akoj simiyta llankhariwarqa. Chanta, ñaupaqeypi kasharqa chayman nerqani: Señor, kay mosqoypi jina rikusqayqa mayta llakichiwan, mana kallpayojmantaj tukuchiwan.

Apocalipsis 1:13

Chay qanchis k'anchachinas chaupimpitaj uj runata jina rikorqani, qhoysu p'achayojta, pechompitaj qori chumpiwan chumpisqata.

Daniel (hebreo) 10:18

Runaman rijch'akojqa, ujtawan llankharillawarqataj, mosoj kallpata qowaspa; niwarqataj: Ama manchachikuychu, amataj llakikuychu. Diosmin munakusunki. Umachakuy, kallpachakuytaj! Pay parlashawajtillanraj, reparakorqani watejmanta umachakushasqayta; chanta nerqani: Señorníy, parlaway, kallpayta kutichipuwankiña.

Apocalipsis 13:18

Kaypi yachay tiyan. Yachayniyojqa phiña animalpa yupayninta yupachun. Chayqa runaj yupayninmin. Chaypa yupaynintaj, sojta pachaj sojta chunka sojtayoj.

Marcos 13:14

Rikunkichej millay ch'inyachejta, mana kanampi kajta. Pichus escribisqata leejqa entiendechun. Chaypacha Judeapi kajkunaqa orqo patasman ayqechunku.

Marcos 4:12

Chayrayku qhawashaspapis mana rikunkuchu; uyarishaspapis nillataj entiendeyta atinkuchu, chay jawa, ama Diosman kutirinankupaj, nitaj juchasninkupis pampachasqa kanampaj.

San Mateo 24:30

Chaypachataj Runaj Churimpa señalnin janaj pachapi rikhurenqa; tukuy kay pachapi ayllustaj waqanqanku. Runaj Churintataj cielo phuyus patapi jamushajta rikonqanku; tukuy atiyninwan, lliphipiyninwan ima.

San Mateo 24:15

Maypachachus rikojtiykichej millay ch'inyachejta Diospa templompi, chay millay ch'inyachejmanta profeta Daniel parlasqanman jina. Pillapis kayta leejqa, entiendechun.

San Mateo 13:36

Runasta kacharpayaspataj Jesusqa wasiman yaykorqa. Yachachisqasnintaj payman qayllaykuspa taporqanku: Cizañamanta sut'inchawayku, nispa.

Daniel (hebreo) 12:8

Noqataj uyarerqani imatachus nishajta, manataj imatapis entiendeyta aterqanichu. Chanta tapurerqani: Señorníy, kay tukuy imas qhepamanta imastaj kanqari?, nispa.

Daniel (hebreo) 10:5

Chay rato qhawarispa, rikorqani uj runata, linomanta ruwasqa p'achayojta, sumaj kaj qorimanta ruwasqa chumpiwan chumpillisqatataj.

Daniel (hebreo) 7:28

Kaypi tukukun chay parlawasqanqa. Noqa Danieltaj, may llakisqa tarikorqani, uyaypis waj jinaman tukorqa, manataj pimampis willarqanichu kay rikusqaytaqa.

Daniel (hebreo) 7:13

Noqa qhawashallarqanipuni chay mosqoypi jina rikhurejkunata tutapi. Rikorqani phuyus chaupipi jamojta; uj runaman rijch'akojta. Paytaj rerqa maypichus Anciano kasharqa chayman, paymantaj qayllaykucherqanku.

Isaías 9:6

Uj wawa nacepuwanchejña, Dios uj wawata qowanchej. Chayman qosqa kashan jatun atiy kamachinampaj. Sutisnintaj kaykuna kanqa: Mayta T'ukuna Yuyaychaj, Atiyniyoj Dios, Wiñaypaj Tata, Sonqo tiyachej Rey ima.

Josué 5:14

Chay espadayojtaj nerqa: Ni mayqenmanta; noqaqa jamuni Señorpa soldadosinta kamachejnin jina. Chaymanta Josueqa pampaman umanta chayachinankama k'umuykukorqa, taporqataj: Imatataj kunan Señorniy kamachishan kamachinmanri?, nispa.

Daniel (hebreo) 8:1

Rey Belsasar kinsa watataña kamachishajtin, noqa Daniel ñaupaj rikusqaymanta qhepata ujtawan rikullarqanitaj.

Zacarías 1:9

Chantá tapurerqani: Señor, piskunataj kay caballospi lloq'asqas kajkunari?, nispa. Parlashawarqa chay angeltaj kutichispa niwarqa: Noqa rikuchisqayki pikunachus kasqankuta.