Daniel (hebreo) 6:4 - Qheshwa Biblia DC

⁴ Chay kuraj qhawajkuna, jinallataj kamachejkunapis chaypacha mask'arqanku, ch'ataykunankupaj jina Danielpa mana allin ruwasqasninta reinopi. Danielpitaj mana ima pantaynintapis tarerqankuchu, allin kausayniyoj runa kasqanrayku. Ajinamanta mana imatapis contrampi rikuchiyta aterqankuchu.

DIOSPA QHELQACHISQAN DEUTEROCANONICAL

⁴ 4 (5) Chayrayku chay waj kurajkuna, jinallataj kamachejkunapis imallamantapis Danielta ch'ataykunankupaj mask'arqanku. Danielpitajrí mana ima mana allin kajtapis tarerqankuchu, allin puriyniyoj kasqanrayku, nillataj imamantapis payta ch'ataykuyta aterqankuchu.

DIOSPA QHELQACHISQ

⁴ 4 (5) Chayrayku chay waj kurajkuna, jinallataj kamachejkunapis imallamantapis Danielta ch'ataykunankupaj mask'arqanku. Danielpitajrí mana ima mana allin kajtapis tarerqankuchu, allin puriyniyoj kasqanrayku, nillataj imamantapis payta ch'ataykuyta aterqankuchu.

Daniel (hebreo) 6:4 Referans Kwoze

1 Pedro 3:16

Allin sonqoyoj kaychej. Pikunachá qankunapaj thutunku sajratapis ruwawajchej jina chayqa, paykunallataj p'enqachisqas kanqanku, Cristopi allin kausayniykichejta qhasimanta tumpajkuna.

1 Pedro 2:12

Allinta kausakuychej Diosta mana rejsejkuna ukhupi. Paykunaqa sajra runaspaj jina qankunapaj rimashanku; Señor chayamojtintaj, Diosta yupaychanqanku, allin ruwasqasniykichejta rikuspa.

San Lucas 20:20

Chantá Jesusta wateqaspa, allinman tukoj puraj uyasta kacharqanku; jinamanta Jesusta, ima parlasqallampipis jap'ispa, kamachejpa atiyninman entregaykunankupaj.

Tito 2:8

Cheqanta parlaspa mana pipis k'amiyta atinampaj jina; ajinapeqa contrallejpis p'enqakonqa, manataj qankunapaj sajrata rimanqañachu.

San Mateo 27:18

Pay yacharqa runas chhoqonakuspalla Jesusta wisq'achisqankuta.

Jeremías 20:10

Uyarini contraypi runas chhichinakushajta, tukuynejpi manchachikuykunas tiyan, nispa. Jamuychej ch'ataykusunchej, chay jawa kausaqesniypis suyanku imapi pantanayta. Chantaqa nillankutaj: Ichapis ch'aukiyachikunman, chaywanqa atipaykusunchej, vengakusunchejtaj, nispa.

1 Timoteo 5:14

Munani ari, sipas viudasqa casaranankuta, wawasninkuta uywanankuta, wasinkutapis allinta qhawanankuta, enemigos ama sajrata qhawanankupaj.

Eclesiastés 4:4

Chanta reparallanitaj, tukuy ima ruwaykuna, sumajta imastapis ruwasqasqa runasta munapayayman pusan, ajinamanta runa masisninkuta chejnikunampaj. Chaypis qhasi mana kajllataj wayra jap'ikuy jinalla.

Proverbios 29:27

Cheqan sonqoyoj runasqa sajra runasta mana rikuyta munankuchu, kikillantaj sajra runapis cheqan kaj runasta mana rikuyta munankuchu.

Jueces 14:4

Tatasnenqa mana yacharqankuchu, kay tukuy imasqa Señormanta jamusqanta, imaraykuchus payqa achaketa mask'asharqa filisteospa contrampi, chaypacha filisteosqa israelitasta kamachisharqanku.

Génesis 43:18

Paykunataj ninakusharqanku may mancharisqas wasinman pusajtin: Kayqa nisqalla! Kayman pusachimushawanchej qolqenmanta, chay waj kuti kutichipuwasqanchejmanta. Kunanqa jasut'iwasunchej, ruwawasuntaj kamachisnin kananchejpaj burrosninchejwan khuska.

2 Corintios 11:12

Chaywampis, imatachus kunan ruwasqaytaqa ruwallasajpuni, manataj saqesajchu chay ujkuna jatunchakunankuta; imaraykuchus paykuna mask'ashanku noqaykuman rijch'akuyta.

San Juan 19:4

Pilato ujtawan llojsimuspa, paykunaman nerqa: Qhawaychej, kay runata jawaman pusamuykichej, yachanaykichejpaj mana ima juchatapis paypi tarisqayta.

San Lucas 22:2

Jatun sacerdotes, leymanta yachachejkuna ima, Jesusta mask'asharqanku imaynamantachus wañuchinankuta, imaraykuchus runasta manchachikorqanku.

San Mateo 26:4

Chaypi yachachinakorqanku, imaynamantapis Jesusta pakayllamanta jap'ispa wañuchinankupaj.

Daniel (hebreo) 3:8

Wakin runakuna Caldeamanta karqanku, paykunataj rey Nabucodonosorman jamuspa judiokunata ch'ataykorqanku, nerqankutaj: Jallp'a jallp'a, wiñaypaj rey kanki, sutiykita yuyarisqapuni kachun.

Jeremías 18:23

Qantaj, Señor, yachankiña, imastachus contraypi ruwayta munashasqankuta, noqata wañuchinawankupaj. Chay sajra ruwasqasninkumantaqa ama perdonaychu, nitaj juchasninkuta pampachaychu. Ñaupaqeykipi urmarachiy, phi'nakuyniykiwantaj jasut'iy.

Jeremías 18:18

Runasqa nerqanku: Jeremiaspa contrampi wakichikuna, mana jayk'ajpis sacerdotes yachachinawanchejpaj pisiwasunchu, nitaj yachayniyojkunapis umachanawanchejpaj, nitaj profetaspis Diospa palabranta willanawanchejpaj. Wañuchinankupaj ch'ataykunachej. Ama kasunachejchu ni ima niwasqanchejta, nispa.

1 Samuel 22:14

Chaypacha Ahimelecqa reyman kuticherqa: Mayqentaj tukuy yanapajkunasniykimanta David jina cheqan runarí? Payqa tolqayki kampis, chay jawari soldadospa kuraj kamachejnin, palacioykipitaj sumaj runapaj qhawasqa.

1 Samuel 18:14

Davidta Señor yanapasqanrayku tukuy ruwasqasnimpi allillampuni rerqa.

San Lucas 20:26

Manataj imaynamantapis parlasqampi pantachiyta aterqankuchu runaspa ñaupaqempi; astawanqa t'ukorqanku kutichikusqanmanta, ch'inyarqankutaj.

Jeremías 29:7

Llank'aychej, maypichus wijch'usqas karqankichej chay llajtaj allinnimpaj, chay llajtaraykutaj Señormanta mañapuychej, imaraykuchus llajta allimpi kajtenqa qankunapis allillampitaj kankichej.

Daniel (hebreo) 6:22

Diosniymin angelninta kachamorqa, paytaj leonespa siminkuta wisq'aykurarqa, mana imananawankupaj, imaraykuchus Dios yachan mana ima juchayoj runa kasqayta, yachallantaj mana ima sajratapis ruwasqayta contraykitaqa, reyníy.

Génesis 41:38

Chaymanta faraonqa nerqa: Waj runata tarisunmanchu kay runata jina Diospa espiritunniyojta?

1 Samuel 12:4

Mana jayk'ajpis ñak'arichiwarqaykuchu, nitaj ima llakiytapis qowarqaykuchu, nitaj lluk'ichikorqankichu, nispa kuticherqanku israelitasqa.

Daniel (hebreo) 5:12

Pitachus reyqa suticharqa Beltsasar nisqata chay Danielpi, tukuy atiyniyoj espíritu karqa, tukuy imata rejsinampaj, mosqoykunapis imatachus niyta munasqanta yachanampajtaj. Chanta, mana yachay atina palabrasta sut'inchanampaj, pejtusqa imasta allichanampajtaj. Chayrayku reyqa Danielta kunan wajyachimuchun, paytaj sut'inchanqa chay perqapi qelqasqa palabras imatachus niyta munasqanta.