Daniel (hebreo) 6:22 - Qheshwa Biblia DC

²² Diosniymin angelninta kachamorqa, paytaj leonespa siminkuta wisq'aykurarqa, mana imananawankupaj, imaraykuchus Dios yachan mana ima juchayoj runa kasqayta, yachallantaj mana ima sajratapis ruwasqayta contraykitaqa, reyníy.

DIOSPA QHELQACHISQAN DEUTEROCANONICAL

²² 22 (23) Arí, Diosniymin angelninta kachamorqa, paytaj leonkunaj siminkuta wisq'aykorqa, ama imananawankupaj. Ajinata Dios ruwarqa, imaraykuchus pay yachan mana juchayoj kasqayta, yachallantaj mana imatapis contraykipi ruwasqayta, nispa.

DIOSPA QHELQACHISQ

²² 22 (23) Arí, Diosniymin angelninta kachamorqa, paytaj leonkunaj siminkuta wisq'aykorqa, ama imananawankupaj. Ajinata Dios ruwarqa, imaraykuchus pay yachan mana juchayoj kasqayta, yachallantaj mana imatapis contraykipi ruwasqayta, nispa.

Daniel (hebreo) 6:22 Referans Kwoze

2 Timoteo 4:17

Chaywampis, Señor noqawan karqa, kallpachawarqataj evangeliota allinta willanaypaj, tukuy mana judiostaj uyarinankupaj. Ajinamanta Señorqa leompa siminmanta kacharichiwarqa.

Hebreos 11:33

Paykunaqa creesqankurayku suyu kamachejkunata atiparqanku, cheqan kajta ruwarqanku, Diospa qonan kasqanta jap'erqanku, leonespa simisnintapis wisq'arqanku.

Hechos 12:11

Pedrotaj yuyayninman kutirispa nerqa: Kunanqa cheqamanta yachani, Señor angelninta kachamusqanta, Herodespa makinmanta qhechunawampaj; judiospa sajra imasta ruwayta munawasqankumantawan.

Hechos 24:16

Chayrayku atisqayta ruwani, tukuy kausayniypi llimphu sonqo kanaypaj Diospa ñaupaqempi, runaspa ñaupaqenkupipis.

Salmos 84:11

Señor Diosqa k'anchawanchej, waqaychawanchejtaj. Señorqa munakun qhawantaj llimphu sonqo kausakojkunata tukuy ima allintataj paykunaman qollampuni.

Miqueas 7:7

Jinapis noqaqa Señorllapi suyasaj, payllapitaj confiakusaj salvawajniy Diospi, imaraykuchus Pay uyariwanqa.

Daniel (hebreo) 3:28

Chay ratopi Nabucodonosor jatunmanta qhaparerqa: Yupaychasqa kachun Sadracpata, Mesacpata, Abed-negojpatawan Diosninkoqa. Pay angelninta kachamorqa salvanampaj. Paykunaqa mana junt'arqankuchu reypa kamachisqanta. Astawampis wañuyta munarqanku manapuni munaspa, paykunaj Diosninkumanta waj diosman qonqorikuyta, yupaychaytataj!

Salmos 31:14

Chaywampis, noqaqa Señor, qampi atienekuyki: qanqa Diosniy kanki, nispa.

1 Samuel 17:37

Señorqa librawarqa leonmanta, chayri osomantapis, kikillantataj librawanqa kay filisteoj makinmantapis, nispa. Chaypacha Saulqa nerqa: Riy ari, Señortaj qanwan kachun, nispa.

Números 20:16

Jina kajtintaj Señormanta yanapayninta mañakorqayku. Paytaj waqasqasniykuta, llakiyniykuta uyarispa uj angelninta kachamuwarqayku, ajinamanta Egiptomanta orqhomuwayku. Kunanqa Cades llajtapi kashayku, jallp'aykiwan tinkuypi.

Hechos 27:23

Tuta rikhuriwarqa Diospa angelnin. Chay Diospata kani, paytataj yupaychashani.

Daniel (hebreo) 6:23

Chanta reyqa mayta kusikorqa, kamacherqataj t'oqomanta Danieltaqa orqhompunankuta. Orqhomuspataj, mana ima nanachisqatapis paypi tarerqankuchu, imaraykuchus Diosnimpi confiakorqa.

Isaías 63:9

Israelitas llakisqa kashajtinku, paypis llakisqallataj karqa, angelnintaj paykunataqa orqhomorqa. Munakuyninwan khuyakuyninwantaj paykunataqa librarqa, unaymantapacha sapa p'unchay waqaychaspa pusamorqataj.

Isaías 3:10

Cheqan purej runata niychej allin rinanta, imaraykuchus makimpa llank'asqanta mikhonqa.

Salmos 118:28

Graciasta qoyku Dios kasqaykimanta. Jatun kayniykimanta yupaychayki.

Salmos 38:21

Señor, ama sapitayta saqerpariwaychu. Diosníy, noqamanta ama karunchakuychu.

Salmos 34:7

Señorpa angelnin jark'an, salvantaj tukuy payta yupaychajkunata.

2 Crónicas 32:21

Chaypacha Señorqa kachamorqa uj angelta, paytaj wañuracherqa wapu soldadosninta, kamachejkunasninta, kurajkunasnintawan rey Asiriaj jarampi. Paytaj may p'enqasqa llajtanman kutiporqa. Diosnimpa yupaychana wasinman yaykojtintaj paypa wawasnillantaj chay kikimpi espadawan wañurparicherqanku.

Daniel (hebreo) 6:20

Qayllaykuspataj reyqa Danielqa wajyarqa may llakisqa, nerqataj: Daniel, kausaj Diospa sirvejnin, mana sayk'uspa sirvinki chay Diosniyki salvasuyta aterqachu leonesmantaqa?

2 Samuel 22:7

Llakiyniypi Señorta wajyakorqani, Diosniymanta yanapata mañakorqani, Paytaj yupaychana wasinmantapacha uyarimuwarqa, qhaparisqasneyqa ningrisninman chayarqanku!

2 Corintios 1:12

Noqaykoj kusikuyniykoqa kay jina kashan: Sonqoyku niwayku allinta, llamp'u sonqos, maychus kajta purisqaykuta. Manataj runaj yachayninman jinachu, astawanqa Diospa khuyakuyninman jina allinta kausakorqayku kay pacha runaswan, astawanqa qankunawan.

San Mateo 27:46

Chaypacha Jesusqa sinch'ita qhaparerqa: Elí, Elí, lama sabactani?, nispa. Kayrí niyta munan: Diosníy, Diosníy, imaraykutaj saqerpariwankiri?

Salmos 26:6

Señor, altarniykiman qayllaykuyta munani, makisniypis tukuy juchamanta mayllasqa.

1 Samuel 26:18

Reyníy, imapajtaj noqa kamachiykita qhatiykachawankiri? Imatataj ruwarqaniri? Ima sajratataj ruwarqaniri?

Génesis 40:15

Noqataqa hebreospa jallp'anmanta suwamuwanku, chayrayku noqaqa mana kay carcelpi kanaypaj jinachu kani, imaraykuchus mana ima sajratapis ruwanichu.

Hebreos 1:14

Manachu tukuynin espíritus kamachis kanku, Diospa kachamusqasnin, salvacionta chayaqepaj jap'ejkunata yanapanankupaj?

Jeremías 37:18

Jeremiaspis rey Sedequiasta tapurillarqataj: Ima jatun juchatataj qampa contraykipi ruwasqaniri, chayri yanapasojkunaj contrampichu, chayri kay llajtaj contrampichu juchallisqani carcelman wisq'anawankupaj?

Daniel (hebreo) 6:4

Chay kuraj qhawajkuna, jinallataj kamachejkunapis chaypacha mask'arqanku, ch'ataykunankupaj jina Danielpa mana allin ruwasqasninta reinopi. Danielpitaj mana ima pantaynintapis tarerqankuchu, allin kausayniyoj runa kasqanrayku. Ajinamanta mana imatapis contrampi rikuchiyta aterqankuchu.

1 Reyes 13:28

Rispataj payqa ñampi ayata wijch'urashajta tariparqa, leonwan burrowampis chay ayaj qayllampi kashajta, manataj leonqa wañusqataqa mikhuykusqachu nillataj burrotapis imanasqachu.

Daniel (hebreo) 6:7

Tukuynin kurajkuna, tukuynin kamachejkunataj tantakorqanku nacionnintinmanta, chaypitaj unanchakorqanku reymanta uj kamachiy llojsinanta, chanta tukuyman willarachisqa kananta. Chay kamachiytaj kay jina kachun: Kinsa chunka p'unchay junt'ata, ama pipis mañakuchunchu ni mayqen diosmanta, nitaj mayqen runamantapis, mana chayqa qanllamanta mañakuchun. Pichus mana kasukonqa chayqa, leonkunaj t'oqonman wijch'usqa kachun.