Daniel (hebreo) 6:16 - Qheshwa Biblia DC

¹⁶ Chanta reyqa kamacherqa Danielta pusamunankuta, leonespa t'oqonmantaj payta choqaykunankuta. Manaraj chay wañuypaj juchachasqan junt'akushajtin, reyqa Danielta nerqa: Sumajtapuni sirvishanki chay Diosniyki qanta salvasuchun.

DIOSPA QHELQACHISQAN DEUTEROCANONICAL

¹⁶ 16 (17) Chantá kuraj kamachejqa Danielta pusachimuspa, kamacherqa leonkunaj t'oqonkuman wijch'uykunankuta. Chaywanpis manaraj payta wijch'uykushajtinku, kuraj kamachejqa Danielta nerqa: Pitachus tukuy sonqo kasuspa yupaychanki, chay Diosniyki leonkunamanta waqaychasuchun, nispa.

DIOSPA QHELQACHISQ

¹⁶ 16 (17) Chantá kuraj kamachejqa Danielta pusachimuspa, kamacherqa leonkunaj t'oqonkuman wijch'uykunankuta. Chaywanpis manaraj payta wijch'uykushajtinku, kuraj kamachejqa Danielta nerqa: Pitachus tukuy sonqo kasuspa yupaychanki, chay Diosniyki leonkunamanta waqaychasuchun, nispa.

Daniel (hebreo) 6:16 Referans Kwoze

Job 5:19

Sojta kutita ñak'ariymanta orqhosonqa, qanchis kajpitaj sajraqa mana chayamullasonqapischu.

Daniel (hebreo) 3:28

Chay ratopi Nabucodonosor jatunmanta qhaparerqa: Yupaychasqa kachun Sadracpata, Mesacpata, Abed-negojpatawan Diosninkoqa. Pay angelninta kachamorqa salvanampaj. Paykunaqa mana junt'arqankuchu reypa kamachisqanta. Astawampis wañuyta munarqanku manapuni munaspa, paykunaj Diosninkumanta waj diosman qonqorikuyta, yupaychaytataj!

Isaías 43:2

Yaku mayusta chimpashajtiykeqa noqa qanwan kasaj. Mana yakoqa apasonqachu. Nina chaupita rishaspapis mana ruphachikunkichu. mana larwaynillampis q'aspasonqachu.

2 Samuel 3:39

Diospa churasqan rey kayniywampis mana kallpayoj jina kashani, Sarviaj wawasnin chay millayta ruwasqankurayku. Señor, chay juchanman jina, qopuchun chayta ruwaj runamanqa!

Daniel (hebreo) 3:17

Noqayku yupaychayku chay Diosniyku salvayta atiwasqayku nina larwashaj hornomanta, tukuy laya sajrata ruwayta yuyashawayku rey kayniykipi chaykunamantapis salvawasqaykupuni.

Daniel (hebreo) 6:20

Qayllaykuspataj reyqa Danielqa wajyarqa may llakisqa, nerqataj: Daniel, kausaj Diospa sirvejnin, mana sayk'uspa sirvinki chay Diosniyki salvasuyta aterqachu leonesmantaqa?

Hechos 25:11

Chayrayku, ima juchatachus wañunaypaj jina ruwayman karqa chayqa, mana manchachikunichu wañuyta. Tumpawasqanku mana jina kajtenqa, ni pi atinmanchu jap'ichiwayta. Chaypajwanqa, jatun kamachej uyariwachun.

Proverbios 29:25

Runata manchachikoyqa tojllapis kanman jina, pichus Señorpi atienekojqa sumaj qhawasqa waqaychasqataj kanqa.

Romanos 13:3

Kamachejkunaqa, allin kajta ruwajkunata mana manchachinankupajchu churasqas kanku, manachayqa sajrata ruwajkunallata. Munankichu kamachejta mana manchachikuyta? Allinta ruway, paytaj allimpaj qhawasonqa.

Daniel (hebreo) 6:7

Tukuynin kurajkuna, tukuynin kamachejkunataj tantakorqanku nacionnintinmanta, chaypitaj unanchakorqanku reymanta uj kamachiy llojsinanta, chanta tukuyman willarachisqa kananta. Chay kamachiytaj kay jina kachun: Kinsa chunka p'unchay junt'ata, ama pipis mañakuchunchu ni mayqen diosmanta, nitaj mayqen runamantapis, mana chayqa qanllamanta mañakuchun. Pichus mana kasukonqa chayqa, leonkunaj t'oqonman wijch'usqa kachun.

Daniel (hebreo) 3:15

Kunanqa, kasukunkichejchu, pututu waqajtinkama, tukuy tocanasta ch'ajwarejta uyariytawankama qonqorikunkichejchu, noqa ruwacherqani chay lantitapis yupaychankichejchu? Sichus payta mana yupaychankichejchu chayqa, kunampacha uj nina larwashaj hornoman wijch'uykusqas kankichej. Chaypacha, ima diostaj qankunata salvayta atisunkichejri?

Jeremías 38:5

Rey Sedequiasqa paykunaman kuticherqa: Walej, munasqaykichejman jina payta ruwaychej. Noqa mana imatapis contraykichejpeqa ruwaymanchu.

Jeremías 26:14

Noqawanqa munasqaykichejta ruwaychej, imaraykuchus makisniykichejpiña kani.

Hechos 25:9

Festotaj judiosman allinta rijch'ayta munaspa, Pablota taporqa: Munawajchu Jerusalenman riyta, chaypitaj kay imasmanta noqa juzgasunayta?

Hechos 24:27

Iskay watamantaj, Felixpa cuentanmanta Porcio Festo kamachinampaj yaykorqa. Felixtaj, judiosman allin rijch'ayta munaspa, Pablota presota saqerqa.

2 Corintios 1:10

Dios jark'awarqayku chay jina jatun wañuymanta. Kunampis jark'awayku; suyaykutaj qhepamampis jark'anawaykuta.

Isaías 41:10

Qanqa, ama manchachikuychu. Noqaqa qanwampuni kashani, Ama iskayrayaychu. Noqaqa kallpachasoj Diosniyki kani. Atipachej paña makiywan sayachisqayki, yanapallasqaykipunitaj.

Jeremías 38:6

Chaypacha paykunaqa Jeremiasta jap'iytawan kuraj Malquiaspa pujyunman wijch'uykorqanku, chaytaj cárcel patio chaupipi kasharqa. Ch'ankullaswan uraykucherqanku. Chay pujyupeqa mana yaku karqachu, manachayqa t'urulla kasqa, chaypitaj Jeremiasqa t'uruman sat'iykukorqa.

Jeremías 39:17

Chaywampis noqa waqaychasqayki qan manchachikunki chay runaspa makinman ama urmanaykipaj. Noqa Señor chayta niyki.