Daniel (hebreo) 6:10 - Qheshwa Biblia DC

¹⁰ Danieltaj chay papelpi rey Darío sutinta qelqaykusqanta uyarispa, wasinman riporqa. Puñunan wasimpa ventanasninta kicharerqa, chay ventanastaj Jerusalenta qhawariypi karqanku, chaypi qonqorikorqa Diosmanta mañakunampaj, payta yupaychanampajtaj. Chay jinata ruwarqa kinsa kutita sapa p'unchay, yachasqa kasqanman jina.

DIOSPA QHELQACHISQAN DEUTEROCANONICAL

¹⁰ 10 (11) Danieltajrí chay kamachisqaman kuraj kamachej Darío sutinta qhelqaykusqanta yachaspa, wasinman riporqa. Chantá puñunan cuartonpa ventananta kicharerqa, mayqenchus Jerusalén ladoman qhawarisqa karqa, chayta. Chantá chaypi qonqorikorqa Dioswan parlarikunanpaj, paymantaj pachis ninanpaj ima. Ajinata sapa p'unchay kinsa kutita ruwarqa, yachasqa kasqanman jina.

DIOSPA QHELQACHISQ

¹⁰ 10 (11) Danieltajrí chay kamachisqaman kuraj kamachej Darío sutinta qhelqaykusqanta yachaspa, wasinman riporqa. Chantá puñunan cuartonpa ventananta kicharerqa, mayqenchus Jerusalén ladoman qhawarisqa karqa, chayta. Chantá chaypi qonqorikorqa Dioswan parlarikunanpaj, paymantaj pachis ninanpaj ima. Ajinata sapa p'unchay kinsa kutita ruwarqa, yachasqa kasqanman jina.

Daniel (hebreo) 6:10 Referans Kwoze

Salmos 55:17

Willakusaj waqasajtaj, sut'iyayta, chaupi p'unchayta, ch'isiyayta ima. Payrí parlasqayta uyarenqa.

Hechos 5:29

Pedrowan apostoleswan kuticherqanku: Diostapuni ñaupajta kasunayku tiyan, runasta kasunaykumantaqa.

Salmos 95:6

Jamuychej; qonqorisqas yupaychanachej. Qonqorikunachej Señorpa ñaupaqempi, imaraykuchus pay ruwawarqanchej.

Hebreos 13:15

Chayrayku, Jesucristonejta Diosman yupaychay rikuchikuta jaywanapuni. Kay niyta munan, simispa yupaychaynin, maypachachus Jesucristoj sutinta oqharinku, chaypacha.

Filipenses 4:6

Ama imamantapis llakikuychejchu, astawanqa Dios yachachun tukuy ima mañakusqaykichejta, majakuspa, graciasta qospataj.

Salmos 34:1

Tukuy tiempo Señorta bendicisaj, simiytaj payta yupaychallanqapuni.

Salmos 5:7

Noqaqa mayta munakuwasqaykirayku wasiykiman yaykuyta atini. Chay santo wasiykita qhawaspa, qanman tukuy sonqo qonqorikuni.

Hechos 9:40

Pedrotaj tukuyninkuta jawaman llojsicherqa, qonqoriykukuspataj Dios Tatamanta mañakorqa. Wañusqata qhawarispataj nerqa: Tabita, jatariy, nispa. Paytaj ñawisninta kicharispa Pedrota rikorqa, tiyaykamorqataj.

Jonás 2:4

Ñaupaqeykimanta wijch'usqa rikukorqani; yuyarqanitaj manaña llimphuchasqa temploykita rikunayta.

1 Reyes 8:54

Salomonqa altarpa ñaupaqempi mayta mañakuyta tukuytawan, qonqorikusqanmanta makisninta janaj pachaman oqharispa jatarikorqa.

1 Reyes 8:44

Maypachachus llajtayki maqanakuman llojsinman enemigosnimpa contrampi, ima ñantachus qan niwaj rinankuta chaynejta, mañakunkumantaj Señormanta, qhawarimuspa kay llajta ajllakusqaykita, sutiykipi kay wasi ruwapususqaymampis chayqa, qan janaj pachamantapacha uyarimunki mañakuyninkuta, rogakusqankutapis, paykunamantaj justiciata ruwanki.

Efesios 3:14

Chayrayku [Señorninchej Jesucristoj] Tatampa ñaupaqempi qonqorikuni.

Hechos 10:9

Q'ayantintaj kachas ñanta rishajtinku, Jopeman qayllashajtinkuña, Pedro chaupi dianejta, wasi pataman wicharerqa Diosmanta mañakoj.

Daniel (hebreo) 6:13

Danielqa mana ima respetotapis rikuchishanchu ñaupaqeykipi, nitaj kasuta ruwashanchu chay kamachiyta willarachisqaykimanta. Payqa jallp'ankumanta wijch'uchikamoj judiokunamanta ujninmin. Paytaqa rikuyku uj p'unchaypi kinsa kutita Diosninmanta mañakushajta.

Hebreos 4:16

Mana manchachikuspa ari, yanapaynimpaj tiyakunanman qayllaykuna, khuyakuyninta jap'inanchejpaj, yanapayninta tarinanchejpajtaj maychus tiempompi.

Apocalipsis 2:10

Ama manchachikuychu chay imasta ñak'arinaykimantaqa. Qhaway, qankunamanta wakinta supayqa carcelman wisq'achenqa, rejsisqa kanaykichejpaj, chunka p'unchaytataj llakiyniyoj kankichej. Wañuykama creellaypuni, noqataj kausay pilluta qanman qosqayki.

Colosenses 3:17

Tukuy ima ruwasqaykichejpi, ña parlaypi, ñataj ruwaypi, Señor Jesuspa sutimpi, paynejta Dios Tataman graciasta qoychej.

Filipenses 1:20

Munasqayman jina suyashani mana imapi p'enqaypi kanayta. Astawanqa tukuy sonqopuni suyashani rikuchisqa kananta cuerpoypi Cristoj may jatun kaynin, kausaypipis, chayri wañuypipis.

Hechos 20:36

Ajinata parlaytawan Pabloqa qonqoriykukuspa, tukuy paykunawan khuska Diosmanta mañakorqanku.

Nehemías 6:11

Noqataj kuticherqani: Noqa jina runasqa mana ayqenkuchu, nitaj Diosta yupaychana wasiman ayqeykunkuchu kausayninkuta salvakunankuraykullaqa. Noqaqa mana pakakusajchu, nispa.

2 Crónicas 6:38

Tukuy sonqoykuwan, tukuy almaykuwantaj qanman kutirikamusunkuman may jallp'amanchus apasqa karqanku chaypi, qanmantataj mañakamusunkuman kay ñaupa tatasninkuman qorqanki chaynej jallp'aman kutirisqa, ajllarqanki chay llajtankuman, kay yupaychana wasitataj jatarichipuyki chaynejman kutirisqastaj.

Apocalipsis 2:13

Noqa yachani tiyakusqaykita maypichus Santanás chaypi. Sutiytapis jap'ishallankiraj, manaraj creeytapis qhesachashankichu. Ni cheqan willajniy Antipas kausharqa chay p'unchayllapipis. Paytaqa wañucherqanku qankuna ukhupi, maypichus Satanás tiyan chaypi.

Filipenses 1:14

Preso kasqayta yachaspataj yaqha tukuy hermanos, Señorpi sonqochakuspa sayarerqanku astawan parlanankupaj, Diospa palabranmanta mana manchachikuspa.

Hechos 21:5

Chay qanchis p'unchaymantataj riporqayku. Tukuy hermanostaj warmisninkuwan, wawasninkuwan ima, noqaykuwan rerqanku llajta llojsiykama. Qocha cantopitaj qonqoriykukuspa Diosmanta mañakorqayku.

Hechos 20:24

Chaykunataqa mana manchachikunichu, nitaj wañuytapis; astawanqa kausayniyta tukuchiyta munani Señor Jesucristo kamachiwasqanta junt'aspa, willaspataj Diospa evangelionmanta, yanapayninmantawan.

Hechos 7:60

Qonqoriykukuspataj sinch'ita qhaparispa nerqa: Señor, ama paykunata juchachaychu kay ruwasqankumanta. Chayta niytawantaj puñukaporqa.

Hechos 4:29

Kunanqa Señor, qhawariy imaynatachus phiñakuspa, manchachiwasqaykuta. Kunanqa kamachisniykita kallpachay ari, ama manchachikuspa palabraykita willanankupaj, makiykitataj aysarejtiyki onqosqas thañikunankupaj. Milagros jatun t'ukuna rikuchinas ima ruwakuchunku, ajllasqa kamachiykej Jesuspa sutinnejta.

Hechos 3:1

Uj kuti Pedrowan Juanwan temploman wicharisharqanku kinsa kaj hora kashajtin. Chay horaqa karqa Diosmanta mañakuna hora.

Hechos 2:15

Kay runasqa mana machasqaschu kashanku, imaynatachus qankuna yuyashankichej jina; imaraykuchus tutamanta isq'on horallaraj.

San Lucas 22:41

Paykunamantataj karunchakorqa, uj rumi choqayman jina; qonqoriykukuspataj mañakorqa: Tatáy, munanki chayqa, kay ñak'arinaymanta jark'away; chaywampis, ama noqaj munasqaychu ruwakuchun, manachayqa qampallata. [

Salmos 86:3

Señor, khuyakuy noqamanta, qanta tukuy p'unchay wajyakuyki.

Esdras 9:5

Chay horaspi phutiyniymanta kutirerqani, chaywampis llik'isqa p'achaywanraj qonqoriykukuspa makisniyta Señor Diosniymanta oqharispa mañakuyta qallarerqani kay jinata: Diosníy, Diosníy, nispa. May p'enqaypi tarikuni, musphaykachashallani. Mana yachanichu imaynata qanman qayllaykusuyta. Pantasqaykoqa may jatumpuni, juchasniykutaj janaj pachakama chayamun.

2 Crónicas 6:13

Salomonqa uj patachata broncemanta ruwasqa, chay patachataj iskay metrosniyoj karqa chhoqonman, anchonmampis jinallataj karqa, patamantaj uj metro iskay cuarta kurajniyoj karqa. Chay patachaqa patio chaupiman churasqa karqa. Chay pataman wicharispataj tukuy israelitaspa ñaupaqempi qonqorikorqa. Makisninta janaj pachaman oqharispa nerqa:

1 Reyes 8:30

Uyariy ari, kay kamachiykej mañakusqanta, Israel llajtaykejtapis, kay cheqapi mañakojtinu, janaj pachapi tiyakunki chaymantapacha uyariwayku perdonawaykutaj.

Daniel (hebreo) 9:4

Señor Diosniymanta mañakorqani, kay imastataj willakorqani: Señor, may jatun Diosníy, trato ruwasqaykitaqa junt'ankipuni, munakuyniykitataj rikuchinki qanta munakusojkunaman, kamachisqasniykita junt'ajkunamampis.

Marcos 3:3

Jesustaj makin cha'kisqa runata nerqa: Sayariy, jamuy kay ñaupajman, nispa.