Daniel (hebreo) 5:19 - Qheshwa Biblia DC

¹⁹ Payman atiyta qosqanrayku, tukuy ayllusmanta, nacionkunamanta, tukuy laya parlayniyoj runakuna payman k'umuykorqanku, kharkatiterqankutaj paypa ñaupaqempi. Paytaj wañucherqa chayri, kausananta saqerqa pitachus munasqanta. Wakinta jatuncharqa, wakintataj k'umuykachacherqa.

DIOSPA QHELQACHISQAN DEUTEROCANONICAL

¹⁹ Dios payman atiyta qosqanrayku, tukuy ayllumanta kajkuna, waj suyukunamanta kajkuna, tukuy imaymana parlayniyoj runakunapis payman k'umuykorqanku, ñawpaqenpitaj kharkatiterqanku. Paytaj munasqanman jina pitapis kawsajta saqej, manachayrí wañuchichej. Wakinkunata jatuncharqa, wakinkunatatajrí k'umuykucherqa.

DIOSPA QHELQACHISQ

¹⁹ Dios payman atiyta qosqanrayku, tukuy ayllumanta kajkuna, waj suyukunamanta kajkuna, tukuy imaymana parlayniyoj runakunapis payman k'umuykorqanku, ñawpaqenpitaj kharkatiterqanku. Paytaj munasqanman jina pitapis kawsajta saqej, manachayrí wañuchichej. Wakinkunata jatuncharqa, wakinkunatatajrí k'umuykucherqa.

Daniel (hebreo) 5:19 Referans Kwoze

Daniel (hebreo) 3:6

Tukuy pikunachá mana qonqorikonqankuchu, nitaj chay lantita yupaychanqankuchu chaykunaqa, chay rato uj larwashaj hornoman wijch'uykusqas kanqanku.

Daniel (hebreo) 3:4

Chay lantita sayarichiyta qallarichinampaj churasqa karqa chayqa, jatunmanta qhaparispa kamacherqa: Tukuynej llajtasmanta, nacionesmanta, tukuy laya parlayniyojkunataj uyariychej, nispa.

Romanos 13:1

Tukuy runakunaqa kamachejkunata kasuchunku; imaraykuchus ateyqa Diosllamanta jamun, kamachejkunapis Diospa churasqallantaj kanku.

San Juan 19:11

Jesús kuticherqa: Mana ima atiyniykipis noqaj contraypi kanmanchu, manachus Dios qosunkiman chayqa. Chayrayku noqata qanman entregawajqa, aswan jatun juchayoj.

Habacuc 2:5

Mayta runaykachaj runasqa, patapipuni kayta munanku; mask'ankutaj mana samayta astawan astawan munaspa, imaraykuchus patapi kayqa wasanchakojlla. Simisninkuta aya p'ampanasta jina kicharinku. Wañuy jina mana sajsakuyta atinkuchu. Chayrayku nacionesman ujmantaj ujmantaj phinkiykunku jap'iranankupaj.

Daniel (hebreo) 4:22

Wiñarqa atiyniyojtaj karqa chayqa, qan rey, kanki chay sach'aqa. Rey kasqaykipi jatunyasqaykeqa yapakun janaj pachaman chayanankama, kamachisqaykitaj tukuynin jallp'api, uj cantomanta ujnin cantokama jatunyan.

Daniel (hebreo) 3:29

Kunanqa noqa kamachini, pillapis kay waynakunaj Diosninkoj contrampi sajrata parlanqa chayqa, wañuchispa ukhuntaqa khuchuraspa choqarasqa kachun, wasintaj phirisqa kachun. Mayqen nacionmantapis kachun, chayri mayqen parlayniyojpis kachun, imaraykuchus mana waj dios kanchu chay jinata salvajqa.

Proverbios 16:14

Reyespa k'ajaj phiñakuynenqa wañuymanta willanku, yachayniyojkunarí, allinyachiyta mask'anku.

Apocalipsis 5:9

Uj mosoj takiytataj takerqanku, nispa: Allimpaj qhawasqa kanki librota jap'inaykipaj, sellosnintataj phaskaranaykipaj; imaraykuchus qan wañuchisqa karqanki, yawarniykiwantaj Diospaj rantiwarqayku, tukuy ayllumanta, tukuy laya parlaykunamanta, tukuy laya runamanta, tukuy nacionesmanta ima.

2 Reyes 25:28

Paytaqa may k'achatapuni parlapayarqa, Babiloniapi reyes kasharqanku chaykunamanta aswan patapi paypa trononta churaporqa.

Ezequiel 31:11

Chayrayku noqa qhesachaniña. Aswampis waj llajtaspa kamachejnimpa makisninman jaywaykusaj, paytaj sajra ruwasqasninman jina paywan ruwanqa.

Daniel (hebreo) 4:17

Chay jina ruwakunanta kamachinku allinta qhawaj santo angelkunaqa, tukuyninku runakuna yachanankupaj jatumpi kaj Diosqa atiyniyoj kasqanta llajtata kamachinku chaykunaj patampi; pay atiyninta qosqanta kamachinampaj pimanchus qoyta munasqanman; uj naciompi kuraj kanampajtaj churasqanta aswan pisi yachayniyoj runata.

Daniel (hebreo) 11:3

Chay qhepatataj manchayta maqanakoj rey rikhurenqa, jatun nacionta kamachenqa, munasqantataj ruwanqa.

Daniel (hebreo) 11:16

Atipajkunaqa, atipasqasta munayninta ruwanqanku, nitaj pipis contrampi sayaykoj kanqachu, k'acha nisqa kaj jallp'amantaj tiyaykonqa, purisqampi tarisqanta t'unaykuspa.

Daniel (hebreo) 11:36

Wichaynejpi kaj reyqa tukuy ima munasqanta ruwanqa. Jatunchakuynenqa maypuni kanqa. Tukuy dioskunajpata kurajnin kasqanta creekonqa. Cheqa Diospa contrantataj manchay sajrata parlanqa. Tukuy imataj paypajqa allin renqa, Dios paypaj jasut'ita apachimunankama. Diosqa imaynatachus ruwanan karqa chaytaqa junt'anqapuni.

Eclesiastés 8:3

Ama ancha apurasqata reypa ñaupaqenmanta llojsiychu, amataj ima sajratapis ruwaspa pallaypunichu; imaraykuchus payqa imatachá munasqanta ruwasonqa.

Daniel (hebreo) 4:19

Chantá Danielqa, pitachus suticharqanku Beltsasar nisqata, pay uj ratota t'ukurerqa, umanman yuyaykuna jamojtin may maycharisqa karqa. Noqa reytajrí, payta nerqani: Beltsasar, ama llakikuychu chay mosqoyniymantaqa, ni sut'inchayninmantapis. Beltsasartaj kutichispa nerqa: Way, mosqoyniykipi imatachus niyta munan chay tukoyqa urmachun pikunachus chejnisunku chaykunaj patanman!

Daniel (hebreo) 11:12

Chay jinata atipasqanrayku mayta payqa jatunchakonqa, chanta may ashkha runastawanraj wañurachenqa, atiynintaj mana unaypajchu kanqa.