Daniel (hebreo) 5:13 - Qheshwa Biblia DC

¹³ Chanta Danielta pusarqanku reypa ñaupaqenman. Reytaj payta tapurerqa: Qanchu Daniel kanki, tatay Nabucodonosor rey kashaspa, Judeamanta jap'isqasta apachimorqa chay judiokunamanta ujnin kajqa?

DIOSPA QHELQACHISQAN DEUTEROCANONICAL

¹³ Chantá Danielta kuraj kamachejpaman pusajtinku, Belsasar payta taporqa: Qanchu Daniel kanki, pitachus tatay Nabucodonosor kuraj kamachej kashaspa, Judá suyumanta apachimorqa, chaykunamanta ujnin kaj?

DIOSPA QHELQACHISQ

¹³ Chantá Danielta kuraj kamachejpaman pusajtinku, Belsasar payta taporqa: Qanchu Daniel kanki, pitachus tatay Nabucodonosor kuraj kamachej kashaspa, Judá suyumanta apachimorqa, chaykunamanta ujnin kaj?

Daniel (hebreo) 5:13 Referans Kwoze

Daniel (hebreo) 6:13

Danielqa mana ima respetotapis rikuchishanchu ñaupaqeykipi, nitaj kasuta ruwashanchu chay kamachiyta willarachisqaykimanta. Payqa jallp'ankumanta wijch'uchikamoj judiokunamanta ujninmin. Paytaqa rikuyku uj p'unchaypi kinsa kutita Diosninmanta mañakushajta.

Daniel (hebreo) 5:11

Reinoykipi tiyan uj runa, santo Diospa espiritunwan pusaykachasqan. Tatayki rey kashajtin, chay runaqa rejsisqa karqa sut'i yuyayniyoj kasqanta, sumaj yuyayniyoj dioskuna jina yachayniyojtaj kasqantawan. Chayrayku tatayki Nabucodonosorqa payta churarqa, naciompi tukuy yachaysapakunata, yatirikunata, sumaj yachayniyojkunata, k'anchaj qoyllurkunamanta yachajkunatawan kamachinampaj.

Daniel (hebreo) 2:25

Chay rato Arioc pusarqa Danielta rey Nabucodonosorpa ñaupaqenman, nerqataj reymanqa: Jallp'ankumanta wijch'usqa kanku chay judiokunamanta uj qharita tarini. Pay sut'ita willanqa reypa mosqoyninta, chanta imatachus chay mosqoynin niyta munasqantawan.

San Juan 7:3

Jesusmantaj wauqesnin nerqanku: Ripuy kaymanta Judeaman, yachachisqasniykipis ruwasqasniykita rikunankupaj.

Esdras 10:16

Jap'isqamanta kutirimojkuna, chanta Esdras sacerdoteqa chay jinata ruwaykunapaj tukuy sonqos karqanku. Ajllarqa, churarqataj pay kikinmanta wakin runakunata familiankumanta kurajkuna karqanku chaykunata. Chunka kaj killamanta ñaupaj kaj p'unchaypi sutisninkuman jina tantakuspa parlarqanku sapa ujmanta sut'ita yachanankupaj.

Esdras 6:16

Chaypachaqa, israelitakuna, sacerdotekuna, levitakuna, chanta wajkunawantaj, jap'isqa kasqankumanta kutimporqanku chaykunaqa, may kusiywan Diospa templontaqa payman qoporqanku.

Esdras 4:1

Judata, Benjamintawan chejnejkunaqa yacharqanku, preso jap'isqamanta kutimojkuna, Israelpata Señor Diosnimpa templonta watejmanta ruwashasqankuta.

San Juan 7:1

Chay imas qhepata Galileapi Jesús purisharqa, manataj Judeapi puriyta munarqañachu; imaraykuchus judíos payta wañuchiyta munasharqanku.

Daniel (hebreo) 8:27

Noqa Danieltaj, reparakorqani kallpay pisiyawasqanta, ashkha p'unchaykunataj onqosqa tarikorqani. Chaymanta jatarikuspa uyarillarqanipuni nacionta kamachejpa ruwanasninmanta. Noqataj mayta t'ukusharqani chay jinata rikusqaymanta, mana unanchayta atispa.

Daniel (hebreo) 8:1

Rey Belsasar kinsa watataña kamachishajtin, noqa Daniel ñaupaj rikusqaymanta qhepata ujtawan rikullarqanitaj.

Daniel (hebreo) 5:18

Tukuy Atiyniyoj Dios, Nabucodonosor tataykiman qorqa reinota, jatun atiyta, gloriata, jatumpaj qhawasqa kayta ima.

Daniel (hebreo) 5:2

Vinowan anchata machaykuspa rey Belsasar kamacherqa payman vasosta apamunankuta, jatuchej qori vasosta, qolqe vasostawan, chay vasostaqa, paypa tatan Nabucodonosor, Jerusalempi kaj templomanta orqhospa apakapusqa.

Daniel (hebreo) 2:48

Chaypachamanta reyqa Danielta jatun puestoman churarqa, k'acha t'inkastataj payman qorqa. Babiloniapi kamachinampajtaj payta churarqa. Chay naciompi tukuynin yachayniyojpa jatun kamachejnin kanampajtaj churasqa karqa.

Daniel (hebreo) 1:21

Danieltaj chay llajtapi qhepakorqa, rey Ciro uj watata rey kayninta junt'anankama.

Esdras 10:7

Chay qhepata tukuynin wajyachisqas karqanku Judapi kajkuna Jerusalempi kajkuna ima, tukuyninku Jerusalempi tantakunankupaj, pikunachus presochasqasmanta kutirimorqanku chaykuna.

Daniel (hebreo) 1:1

Judá ayllupi kinsa wataña Joacim rey kashajtin, Babiloniaj reynin Nabucodonosor chayamorqa Jerusalenman, soldadosninwantaj chay llajtata muyuykorqa.

Daniel (hebreo) 1:2

Señor saqerqa Nabucodonosor rey Joacimta jap'iykunanta, Diospa templompi kaj imasta kuraj parteta apakapunantataj. Nabucodonosorqa presosta Babiloniaman aparqa, Diospa templonmanta orqhorqa chay imastarí, dioskunasnimpa waqaychasninmantaj churarqa.

Daniel (hebreo) 5:14

Dioskunaj espíritun qanwan kasqanta niwanku, sut'i yuyayniyoj kasqaykita, sumaj umayoj, may yachayniyojtaj kasqaykita.

Daniel (hebreo) 1:6

Chay judío waynakuna ukhupitaj kasharqanku: Daniel, Ananías, Misael, Azarías ima.