Daniel (hebreo) 5:11 - Qheshwa Biblia DC

¹¹ Reinoykipi tiyan uj runa, santo Diospa espiritunwan pusaykachasqan. Tatayki rey kashajtin, chay runaqa rejsisqa karqa sut'i yuyayniyoj kasqanta, sumaj yuyayniyoj dioskuna jina yachayniyojtaj kasqantawan. Chayrayku tatayki Nabucodonosorqa payta churarqa, naciompi tukuy yachaysapakunata, yatirikunata, sumaj yachayniyojkunata, k'anchaj qoyllurkunamanta yachajkunatawan kamachinampaj.

DIOSPA QHELQACHISQAN DEUTEROCANONICAL

¹¹ Suyuykipi uj runa tiyan, paypitaj may llimphu dioskunaj espiritunku paypi tiyakun. Tatayki kamachishajtin, chay runa manchay uyarisqa karqa dioskuna jina sumaj yuyayniyoj, yachayniyoj ima kasqanrayku. Chayrayku tatayki Nabucodonosor chay runata churarqa tukuy suyupi tukuy yachaysapakunata, yatirikunata, sumaj yachajkunata, ch'askakunata qhawaspa watojkunata ima kamachinanpaj.

DIOSPA QHELQACHISQ

¹¹ Suyuykipi uj runa tiyan, paypitaj may llimphu dioskunaj espiritunku paypi tiyakun. Tatayki kamachishajtin, chay runa manchay uyarisqa karqa dioskuna jina sumaj yuyayniyoj, yachayniyoj ima kasqanrayku. Chayrayku tatayki Nabucodonosor chay runata churarqa tukuy suyupi tukuy yachaysapakunata, yatirikunata, sumaj yachajkunata, ch'askakunata qhawaspa watojkunata ima kamachinanpaj.

Daniel (hebreo) 5:11 Referans Kwoze

Daniel (hebreo) 4:18

Kay jinata noqa rey Nabucodonosorqa, mosqoyniypi rikorqani. Kunanqa, Beltsasar, niway imatachus chay mosqoyneyqa niyta munasqanta, imaraykuchus mana mayqen yachayniyojpis reinoypi kajkunaqa yachayta atinchu. Qanrí atiwaj sut'inchayta, imaraykuchus Santo Diospa espíritun qampi kashan.

Daniel (hebreo) 5:14

Dioskunaj espíritun qanwan kasqanta niwanku, sut'i yuyayniyoj kasqaykita, sumaj umayoj, may yachayniyojtaj kasqaykita.

Apocalipsis 3:9

Qhaway, wakinta Satanaspa tantakuna wasinmanta kajkunata qosqayki. Pikunachus judíos kayku ninku, manataj judioschu, llullas kanku. Paykunata kamachisaj jamunankuta chakisniykiman qonqorikoj, yachanankupajtaj munakususqayta.

Hechos 12:22

Runastaj qhaparerqanku: Diospa parlasqan kayqa, mana runajtachu.

Daniel (hebreo) 2:11

Reypa mañasqanqa manapuni atinapaj jinachu. Mana pipis kanchu chay mosqoyta ninampajqa. Dioskunalla chaytaqa niyta atinkuman. Paykunatajrí, mana runaswanchu tiyakunku!

2 Samuel 14:17

Kay kamachiyki warmeqa suyashan qan, reyníy, imatachus ninaykita, sonqon tiyaykunampaj. Qan, reyneyqa, yachanki imachus allin, imachus mana allin kasqantapis, Diospa angelnin jina. Señor Dios qan reyniywan qhepakuchun!

Hechos 16:16

Uj p'unchaytaj Diosmanta mañakoj rishajtiyku, uj kamachi sipas taripamuwarqayku. Payqa sajra layqa espirituyoj kaspa adivinaj. Ashkha qolqeta qoj patronesninman, runaspa suertenta qhawaspa.

Hechos 14:11

Pabloj ruwasqanta rikuspataj, runa qhapariyta qallarerqa, Licaonia parlaypi: Runaman rijch'akoj dioskuna, uraykamusqanku noqanchejman.

Génesis 41:38

Chaymanta faraonqa nerqa: Waj runata tarisunmanchu kay runata jina Diospa espiritunniyojta?

Ezequiel 28:3

Danielmantapis aswan yachayniyoj kasqaykita yuyakunki. Tukuy pakaypi kaj imastapis yachasqaykita yuyakunki.

Daniel (hebreo) 2:22

Dios sut'ita rikuchin pakaypi kaj imasta, mana yachay atina imastapis. Laqhapi kaj imastapis pay rikun. K'anchayqa paypimin kashan.

Daniel (hebreo) 5:7

Chay rato qhapariyta qallarerqa, wajyacherqataj Babiloniamanta yatirikunata, yachayniyojkunata, k'anchaj qoyllurkunamanta yachajkunata, paykunamantaj nerqa: Jaqaypi qelqasqa kashan chayta leejqa, willawajtaj chay qelqasqaqa imatachus niyta munasqanta chayqa, p'achallichisqa kanqa sumaj puka p'achawan, kunkanmantaj qori cadenawan churaykusqa kanqa, chanta kinsa kaj kamachejtaj reinoypi kanqa.

Ezequiel 28:4

Yachayniykiwan, k'uchi kayniykiwantaj ashkha kapuykunata tantakorqanki. Waqaychana cajaykipi qorita, qolqetapis junt'aykucherqanki.

Daniel (hebreo) 4:5

Uj ch'isipitaj, puñunaypiña kashaspa, uj mosqoyniy mancharichiwarqa, jinallataj yuyaykuna, rikuykunataj umayman junt'aspa musphachiwarqa.

Daniel (hebreo) 4:6

Chantá kamacherqani Babiloniapi kaj tukuynin yachayniyoj runakuna watukoj jamunawankuta, sut'inchanawankutataj chay mosqoyniy imastachus niyta munasqanta.