Daniel (hebreo) 4:8 - Qheshwa Biblia DC

^8-9 Chay qhepatataj Daniel jamuwarqa, Beltsasar sutiyoj payqa, diosniypa jatun sutinmanta sutinniyoj. Paypa kausaynintaj Santo Diospa Espiritunwan pusaykachasqan, paymantaj mosqoyniyta willakorqani kay jinata: Beltsasar, yatirikunaj kurajnin, noqa yachani, Santo Diospa Espíritun pusaykachasusqanta, tukuy pakasqa imastataj yachasqaykita. Willariway ari, imatachus mosqoyniypi rikorqani chayta, imatatajchus niyta munasqanta chay mosqoyniy.

DIOSPA QHELQACHISQAN DEUTEROCANONICAL

⁸ 8 (5) Chantá chay qhepata, pichus diosniy Beltsasarpa sutinwan sutichasqa karqa, chay Daniel jamuwarqa. Paypeqa Tata Diospa Espíritun tiyakun, noqataj mosqokusqayta payman kay jinata willarqani:

DIOSPA QHELQACHISQ

⁸ 8 (5) Chantá chay qhepata, pichus diosniy Beltsasarpa sutinwan sutichasqa karqa, chay Daniel jamuwarqa. Paypeqa Tata Diospa Espíritun tiyakun, noqataj mosqokusqayta payman kay jinata willarqani:

Daniel (hebreo) 4:8 Referans Kwoze

Daniel (hebreo) 1:7

Palaciopi sirvejkunaj kurajninkutaj paykunata waj sutiswan suticharqa: Danieltaqa Beltsasar nisqata, Ananiastarí Sadrac nisqata, Misaelta Misac nisqata, Azariastataj Abed-nego nisqata.

Daniel (hebreo) 5:14

Dioskunaj espíritun qanwan kasqanta niwanku, sut'i yuyayniyoj kasqaykita, sumaj umayoj, may yachayniyojtaj kasqaykita.

Daniel (hebreo) 4:18

Kay jinata noqa rey Nabucodonosorqa, mosqoyniypi rikorqani. Kunanqa, Beltsasar, niway imatachus chay mosqoyneyqa niyta munasqanta, imaraykuchus mana mayqen yachayniyojpis reinoypi kajkunaqa yachayta atinchu. Qanrí atiwaj sut'inchayta, imaraykuchus Santo Diospa espíritun qampi kashan.

Daniel (hebreo) 2:11

Reypa mañasqanqa manapuni atinapaj jinachu. Mana pipis kanchu chay mosqoyta ninampajqa. Dioskunalla chaytaqa niyta atinkuman. Paykunatajrí, mana runaswanchu tiyakunku!

Jeremías 50:2

Tukuy naciones ukhupi chayta willaramuychej yachanankupaj. Uj wiphaylata oqhariychej señalta jina, ama uj chhikanta pakarispa. Kay jinata niychej: Babiloniata jap'ikapunku. Bel nisqa diosninku p'enqaypi rikhurichisqa karqa. Marduc nisqa diosninku manchariywan junt'a kashan. Chay lantisninku, mana kaj dioskunasninku p'enqaypi rikhurichisqas karqanku, mancharikuywan junt'astaj.

Isaías 63:11

Chaypacha payqa kamachin Moisesmanta, ayllun israelitasmantawan yuyarikorqa nerqataj: Maytaj kunan mar qochamanta wicharichimusorqachej, ovejasta jina michejnintawan khuska, chayri? Maytaj kunan Santo Espiritunta israelitaspa chaupinman churarqa chayri?

Isaías 46:1

Bel diosqa urman, Nebo diospis pampaman wijch'usqa kashan. Lantisninkoqa mulaspi chajnasqas rinku llasa q'epis jina, sayk'usqa burroswampis apachishawajchej jina.

Génesis 41:38

Chaymanta faraonqa nerqa: Waj runata tarisunmanchu kay runata jina Diospa espiritunniyojta?

Daniel (hebreo) 2:26

Chaypacha reyqa, Beltsasar nisqata suticharqanku chay Danielta nerqa: Qan atiwajchu niwayta imatachus mosqokusqayta, chay mosqoyniytaj imatachus niyta munasqanta?, nispa.

Ezequiel 17:23

Israelpi aswan jatun orqopi plantasaj. Chanta ramasnin may jinata thansarenqa, poqonqataj, manchay sumaj cedromampuni tukonqa. Tukuy laya animales llanthun urapi kakonqanku. Tukuy laya p'isqostaj ramasnimpi thapachakonqanku.