Daniel (hebreo) 4:34 - Qheshwa Biblia DC

³⁴ Jasut'i p'unchaykuna junt'akojtin, noqa Nabucodonosorqa, janaj pachata qhawarerqani, loco kayniymantataj thañisqa kasqayta reparakorqani. Chaypacha, Jatun Diosta yupaycharqani, kay palabraswantaj wiñaypaj kausayniyojta jatuncharqani: Paypa atiynenqa wiñaypajpuni. Llajtakunata kamachinantaj miraypa miraynintimpaj kanqa.

DIOSPA QHELQACHISQAN DEUTEROCANONICAL

³⁴ 34 (31) Qanchis wata junt'akojtin, noqa Nabucodonosor janaj pachata qhawarerqani, loco kayniymantataj yuyayniyman kutiripusqayta reparakorqani. Chaypacha janaj pachapi kaj Diosta yupaycharqani, kay jinatataj Wiñaypaj Kawsajta jatuncharqani: Paypa atiynenqa wiñaypaj, suyukunata kamachiyninpis tukuy mit'apaj.

DIOSPA QHELQACHISQ

³⁴ 34 (31) Qanchis wata junt'akojtin, noqa Nabucodonosor janaj pachata qhawarerqani, loco kayniymantataj yuyayniyman kutiripusqayta reparakorqani. Chaypacha janaj pachapi kaj Diosta yupaycharqani, kay jinatataj Wiñaypaj Kawsajta jatuncharqani: Paypa atiynenqa wiñaypaj, suyukunata kamachiyninpis tukuy mit'apaj.

Daniel (hebreo) 4:34 Referans Kwoze

Apocalipsis 4:10

Chay iskay chunka tawayoj kuraj runas, tronopi tiyasqa kajpa ñaupaqempi qonqoriykukuspa, yupaychasharqanku wiñay wiñaypaj. Pillusninkutataj tronoj ñaupaqenman churaspa, nisharqanku:

Daniel (hebreo) 12:7

Linomanta p'achayoj runaqa, makisninta janaj pachaman oqharispa, kausaj Diospa sutimpi juraspa nerqa: Kinsa tiempo khuskanniyojmanta, maypachachus Diospa ayllumpata atiynin mana atipasqañachu kanqa, chaypacha kay tukuynin imasqa tukukonqa.

Daniel (hebreo) 2:44

Chay reykuna kamachishajtinkutaj, janaj pachapi kaj Dios uj reinota sayarichenqa, chaytaj mana jayk'ajpis t'unasqachu kanqa manataj mayqen reinopis payta atipanqachu. Tukuynin waj reinosta tukuchenqa, chay atipaj reinotajrí wiñaypaj sayanqa.

Jeremías 10:10

Señorqa cheqan Diospuni, kausaj Diospuni, wiñaypaj reytaj. Maypachachus pay phiñarikun chayqa, jallp'antin kharkatitin. Nacionestaj phiñakuyninta mana jap'ikuyta atinkuchu.

Salmos 145:13

Rey kasqaykeqa wiñaypaj, kamachiyniykeqa tukuy runa mitaspaj.

Daniel (hebreo) 6:26

Kaytataj kamachini, tukuynin reinoypi, Danielpa Diosnintaqa respetachunku, payllamantaj k'umuykuchunku. Paymin kausaj Diosqa. Payllapuni wiñaypaj wiñaynintinkama. Reinonqa mana jayk'ajpis t'unasqachu kanqa, nitaj atiynimpis tukukonqachu.

Daniel (hebreo) 4:32

Runakunamantaqa t'aqasqa kanayki tiyan, uywakunawantaj kausanayki tiyan. Bueyes jina qhorata mikhunki qanchis watas junt'ata, rejsinaykikama jatumpi kaj Dioslla atiyniyoj kasqanta, jallp'api tukuynin nacionkunaj patampi, payllataj kamachejkunata churasqanta pikunatachus munasqanta.

San Lucas 1:33

Payqa wiñaypaj israelitasta kamachenqa, mana jayk'aj tukukuyniyoj reinompi.

Daniel (hebreo) 5:21

Runakunamanta karunchasqa karqa, uj uywaman jinataj tukorqa, k'ita burroswan khuska kausarqa. Wakas jina qhorata mikhorqa, chhullastaj payta joq'orqa, rejsinankama patapi kaj Dioslla atiyniyoj kasqanta kamachej runakunaj patampi, kamachejkunata churasqantataj pitachus munasqanta.

Daniel (hebreo) 4:26

Sach'a k'ulluta saphisnintawan saqenapaj kamachisqaqa niyta munan, rey kayniykeqa kutimpusunanta, maypachachus rejsinki Dioslla atiyniyoj kasqanta chaypacha.

1 Timoteo 6:16

Pay k'atamin mana wañojqa. Mana chimpay atina k'anchaypitaj tiyakun. Chaytaqa mana pipis rikorqachu, nitaj pipis rikuyta atinchu. Pay wiñaypaj yupaychasqa kachun. Amén.

Daniel (hebreo) 4:3

May jatuchaj kanku t'ukunapaj jina ruwasqasnin, milagro ruwasqasnimpis! Rey kaynenqa manapuni tukukonqachu, atiynintaj miraymanta waj miraynintinkama kanqa.

Lamentaciones 3:38

Tukuy sajra kaj, tukuy allin kajpis, manachu patapi kaj Diosmantapuni jamun?

Isaías 24:15

Chayrayku inti llojsimuy jallp'aspi Señorta jatunchaychej ari. Israelpa Señor Diosnimpa sutinta tukuy mar qocha cantospi jatunchaychej.

Salmos 146:10

Sión, Señorniykeqa wiñaypaj kamachenqa, Diosniykeqa wiñay wiñaypaj reypuni kanqa. Señorqa yupaychasqa kachun.

Salmos 123:1

Janaj pachapi Señor, qanman ñawisniyta oqharini.

Salmos 121:1

Orqosta qhawarispa sonqoypi nini: Maymantataj yanapay jamuwanqari?

Salmos 107:31

Señorta khuyakuyninrayku agradecekuychej, runaspaj allin imasta ruwasqanrayku.

Salmos 102:24

Noqa nini: Diosníy, ama khuskan kausaynillaypi apakapuwaychu. Qampa kausayniykeqa mana tukukunchu.

Salmos 92:1

Patapi kaj Señorníy, ancha sumajpuni qanman graciasta qonaykoqa, takipusunaykutaj, qanta yupaychaspa.

Salmos 10:16

Señorqa wiñaypaj rey. Diospi mana creejkunaqa llajtankumanta wijch'usqas kanqanku.

Apocalipsis 11:15

Qanchis kaj angeltaj trompetata waqacherqa. Janaj pachapitaj sinch'i parlaykuna uyarikorqa, nispa: Kay pachapi reinosqa Señorninchejpataña kanku, Cristompatawan. Paytaj wiñay wiñaypaj kamachenqa.

1 Timoteo 1:17

Alabanachej, jatunchanachejtaj reyta wiñaypaj payqa mana tukukoj wañoj, mana rikukoj, uj k'ata Diostaj. Amén.

San Juan 5:26

Imaynatachus Dios Tata pay kikimpi kausayniyoj, ajinallatataj Churinmampis qorqa pay jina kausayniyoj kanampaj.

San Lucas 18:13

Impuestero runataj karullamanta, manchachikuywan mana ñawisnillantapis pataman oqhariyta munarqachu. Chaynejta pechollanta takakusharqa: Diosníy, khuyariway ari noqa juchasapata, nispa.

Daniel (hebreo) 7:14

Paymantaj atiyta qorqanku, chanta k'anchayniyoj kayta, llajtasta kamachiytapis. Tukuy nacionesmanta kaj runakuna, tukuy parlaymanta kaj runakunataj payta sirverqanku. Atiynintaj kikillampuni kanqa, kamachinantaj mana jayk'ajpis t'unasqachu kanqa.

Salmos 107:22

Yupaychana takiykunata jaywaychej rikuchikuta jina, kusisqastaj parlaychej ruwasqasninmanta.

Salmos 107:15

Señorta khuyakuyninrayku agradecekuychej, runaspaj allin imasta ruwasqanrayku.

Salmos 107:8

Señorta khuyakuyninrayku agradecekuychej, runaspaj allin imasta ruwasqanrayku.

Salmos 50:14

Diosman uywa wañuchisqata jaywasqaykeqa agradecekusqayki kachun, patapi kaj Diosman junt'ay.

Salmos 9:2

Jatun Diosníy, qampi kusikusaj, sonqo junt'asqataj sutiykiman takisaj.

Salmos 7:17

Noqataj Diosta yupaychasaj, cheqan kasqanmanta, patapi Señorpa sutinmantaj takirikusaj.

Apocalipsis 10:6

Jurarqataj wiñay wiñaypaj kausajrayku, pichus janaj pachata ruwarqa, chaypi imaschus kajkunatawan, jallp'atapis, chaypi imaschus kajkunatawan, mar qochatapis, chaypi imaschus kajkunatawan; willarqataj tiempo manaña kananta.

Apocalipsis 4:9

Chay animalesqa yupaychankupuni, jatunchankutaj, graciasta qospa tronopi tiyasqa kajman, pichus wiñay wiñaypaj kausan, chayman.

Daniel (hebreo) 4:2

Munani qankuna yachanaykichejta, chay chhika t'ukuna imasta may jatumpi kaj Diosqa noqawan ruwasqanta.

Daniel (hebreo) 4:36

Chay ratopacha yuyayniyman churakorqani, chanta may jatun kamachinayman, honorniyman, jatun kayniymantaj kutirerqani. Ministrosniy, jatumpi kaj runasniy gobiernoymanta kajkuna noqata mask'aspa jamorqanku. Watejmanta nacionniyta kamachinaypaj churakorqani, ñaupajta karqani chaymanta aswan atiyniyoj kanaykamaraj chayarqani.

Daniel (hebreo) 5:18

Tukuy Atiyniyoj Dios, Nabucodonosor tataykiman qorqa reinota, jatun atiyta, gloriata, jatumpaj qhawasqa kayta ima.

Daniel (hebreo) 7:27

Kay jallp'api tukuynin llajtaspa reinosninku, atiyninku, jatun kayninkupis, jatun atiyniyoj Diospa ajllakusqan aylluman qopusqa kanqanku. Chay kamachinantaj wiñaypaj sayanqa, kay pachapi kaj tukuynin llajtakunataj paytaqa sirvenqanku, kasukonqankutaj.

Jonás 1:14

Chaymantaqa Diosmanta mañakorqanku: Señor, ama saqewaykuchu wañojtaqa ari kay runaj juchanraykoqa. Sichus pay mana juchayoj chayqa, ama juchachawaykuchu wañojtenqa ari; imaraykuchus qanqa, Señor, imatapis munasqaykiman jina ruwanki.

Deuteronomio 32:4

Payqa jark'akuwajninchej, ruwasqasnenqa may sumajpuni. Tukuy ñankunasnenqa cheqampuni. Payqa mana llullakoj Dioschu. Payqa mana jayk'ajpis pantanchu. Payqa cheqanmin, cheqa kajta ruwajtaj.

2 Samuel 22:31

Diospa ñannenqa allin cheqanmin; Señorpa nisqasnenqa atienikunapaj jinapuni. Dios waqaychan tukuy paypi suyajkunata.

1 Crónicas 29:10

Chaypacha Davidqa Señorqa bendicerqa tukuy ayllus tantasqaspa ñaupaqempi: Israel tataykoj Señor Diosnin qonqa Señor wiñaymanta wiñaypaj bendicisqa kayta.

1 Crónicas 29:13

Chayrayku kunanqa qan Diosniykuman graciasta qoyku, yupaychaykutaj jatunchasqa sutiykita.

Salmos 66:7

Atiyninwan Diosqa wiñaypaj kamachin. Ñawisnenqa llajtasta qhawaykun, Diosta mana kasojkuna ama contrampi oqharikunankupaj.

Salmos 111:7

Paypa ruwasqasnenqa allinmin, cheqantaj. Paypa kamachikusqasnenqa cheqampuni,

Isaías 2:11

Jatunmanta qhawaykachayninkoqa k'umuykuchisqa kanqa, runaykachayninkutaj pampaman urmasqa kanqa. Chay p'unchaypeqa Señorlla jatunchasqa kanqa.

Isaías 13:11

Señorqa nin: Kay pachata juchanmanta jasut'isaj, sajra runasta millay juchasninkumanta. Sajra runaspa machu machuykachayninkuta ch'inyachisaj; May kasqankuta yuyakojkunata k'umuykachachisaj.

Daniel (hebreo) 9:14

Chayraykumá, Señor, kay jasut'itaqa wakicherqanki, apachimuwarqaykutaj pataykuman. Qan, Señor Diosniyku, cheqan kanki tukuy ima ruwanaykipi, noqaykutaj mana uyarisuyta munarqaykuchu.