Daniel (hebreo) 4:22 - Qheshwa Biblia DC

²² Wiñarqa atiyniyojtaj karqa chayqa, qan rey, kanki chay sach'aqa. Rey kasqaykipi jatunyasqaykeqa yapakun janaj pachaman chayanankama, kamachisqaykitaj tukuynin jallp'api, uj cantomanta ujnin cantokama jatunyan.

DIOSPA QHELQACHISQAN DEUTEROCANONICAL

²² 22 (19) Wiraqochi kamachejníy, qanmin chay sach'a kanki. Kuraj kamachej kasqaykipi wiñaspa jatunyasqaykeqa janajkama chayan, kamachisqaykitaj kay pachapi uj kantumanta ujnin kantukama junt'aykun.

DIOSPA QHELQACHISQ

²² 22 (19) Wiraqochi kamachejníy, qanmin chay sach'a kanki. Kuraj kamachej kasqaykipi wiñaspa jatunyasqaykeqa janajkama chayan, kamachisqaykitaj kay pachapi uj kantumanta ujnin kantukama junt'aykun.

Daniel (hebreo) 4:22 Referans Kwoze

2 Samuel 12:7

Chaypacha Natanqa Davidman nerqa: Qan chay runaqa kanki! Ajinata Señor, Israelpa Diosnin nisunki: Noqa ajllarqayki Israelpa reynin kanaykipaj, Saulpa atiyninmantapis waqaycharqayki; Señorniykej palacio wasintapis warmisnintawan qorqayki, jinataj Israelpa reynin, Judajpa reynin kanaykitapis qollarqaykitaj. Chaychus pisi kanman karqa chayqa aswan ashkha imastawanraj yapaykiman karqa. Imaraykutaj qhesacharqanki palabrayta, mana munasqayta ruwaspari? Qan wañuchinki chay hitita Uriasta, amonitaswan wañuchichispa, warmintataj qampaj jap'ikaporqanki.

Apocalipsis 18:5

Juchasnenqa janaj pachakama chayanku, Diostaj sajra ruwasqasninkumanta yuyarikun.

San Mateo 14:4

Juanqa Herodesman nerqa: Mana atinkichu warmiykipaj jap'ikapuyta.

Salmos 108:4

Khuyakuyniykeqa janaj pachamantapis aswan jatun. Cheqa kasqaykitaj patakama chayan.

Salmos 36:5

Señor, munakuyniykeqa cieloman chayan. Phuyustapis wasarin cheqa kayniykeqa.

2 Crónicas 28:9

Chaypi karqa Señorpa uj profetan Obed sutiyoj, paytaj Samariaman kutiykapushajtinku soldadosta taripaj rerqa, nerqataj: Ñaupa tatasniykichejpa Señor Diosnin, Judawan phiñasqa kashan, chayrayku paykunataqa qankunaman jaywasorqachej. Qankunataj sinch'i phiñakuywan wañuracherqankichej, chaytaj janaj pachakama chayan.

Génesis 28:12

Chaypi mosqokorqa, uj escalera pampamanta cielokama chayashajta, Diospa angelnintataj chayta uraykamushajta wicharishajtataj.

Génesis 11:4

Chaymantataj ninakorqanku: Kunanqa ruwanachej uj llajtata, uj torretawan, chay janaj pachaman chayanampaj. Ajinamanta noqanchej sumaj atiyniyoj nisqas kananchejpaj, amataj tukuynejman ch'eqerananchejpaj.

Ezequiel 17:3

Niytaj: Señorqa kayta nin: Uj manchay jatun anka Libanoman chayamorqa. Lijrasnenqa manchay jatuchaj, sayt'ustaj karqanku, tukuy laya color phurusniyojtaj. Uj cedro sach'aj puntanta jap'ispa, aswan jatun kaj ramanta k'uturara. Qhatojkunaj jallp'anman apaspa, uj llajtaman plantaykamorqa.

Daniel (hebreo) 4:11

Chay sach'aqa wiñarqa, manchaytataj rakhuyarqa, puntantaj janaj pachakama chayarqa, may karu jallp'amantapis rikukuyta aterqa.

Daniel (hebreo) 4:21

K'acha laqhesniyoj may ashkha poqoyniyojtaj karqa, tukuynin runakuna mikhojtimpis mana tukukoj karqa. Llanthunman campo animalkuna llanthukoj chimparqanku, ramasnimpitaj p'isqokuna thapachakorqanku.

Daniel (hebreo) 4:36

Chay ratopacha yuyayniyman churakorqani, chanta may jatun kamachinayman, honorniyman, jatun kayniymantaj kutirerqani. Ministrosniy, jatumpi kaj runasniy gobiernoymanta kajkuna noqata mask'aspa jamorqanku. Watejmanta nacionniyta kamachinaypaj churakorqani, ñaupajta karqani chaymanta aswan atiyniyoj kanaykamaraj chayarqani.

Jeremías 27:5

Jatun atiyniyta kachaykuspa kay pachata ruwarqani, runasta, chaypi kashanku chay animalestapis, chantataj pischus munasqasniyman qopusaj.

Daniel (hebreo) 2:21

Paymin tiemposta, watastapis waj jinaman tukuchin, reyesta qhechun sayachinta. Yachayta qon yachayniyojkunaman, aswan rejsiytataj tukuy imata rejsejkunaman.

Daniel (hebreo) 4:29

Uj wata qhepamanta, reyqa, Babiloniapi kaj palaciompi puriykashaspa, nerqa: Qhawariychej, kay jina jatun Babiloniaqa! Noqa jatun atiyniywan sayaricherqani reinoypa capitalnin kanampaj, ajinamanta jatun kasqay yuyarisqa kanampaj.