Daniel (hebreo) 3:29 - Qheshwa Biblia DC

²⁹ Kunanqa noqa kamachini, pillapis kay waynakunaj Diosninkoj contrampi sajrata parlanqa chayqa, wañuchispa ukhuntaqa khuchuraspa choqarasqa kachun, wasintaj phirisqa kachun. Mayqen nacionmantapis kachun, chayri mayqen parlayniyojpis kachun, imaraykuchus mana waj dios kanchu chay jinata salvajqa.

DIOSPA QHELQACHISQAN DEUTEROCANONICAL

²⁹ Chayrayku noqa kayta kamachini: Sichus pipis kay waynakunaj Diosninkoj contranpi imatapis parlanman chayqa, mayqen suyumantapis, chayrí mayqen parlayniyojpis kachun, pay wañuchisqa kanqa, ayantaj chhikan chhikan khuchurasqa kanqa. Wasinpis thuñisqallataj kanqa, imaraykuchus chay jinata qhespichej Dios jina manapuni waj dios kanchu, nispa.

DIOSPA QHELQACHISQ

²⁹ Chayrayku noqa kayta kamachini: Sichus pipis kay waynakunaj Diosninkoj contranpi imatapis parlanman chayqa, mayqen suyumantapis, chayrí mayqen parlayniyojpis kachun, pay wañuchisqa kanqa, ayantaj chhikan chhikan khuchurasqa kanqa. Wasinpis thuñisqallataj kanqa, imaraykuchus chay jinata qhespichej Dios jina manapuni waj dios kanchu, nispa.

Daniel (hebreo) 3:29 Referans Kwoze

Daniel (hebreo) 2:5

Reytaj paykunaman kutichispa nerqa: Sichus qankuna mana willawankichejchu imatachus mosqokusqayta, ima niytatajchus chay mosqoyniy munasqanta chaypachaqa, allinta yachaychej kayta: Qankuna t'unasqas rikhurinkichej, wasisniykichejtaj thuñisqas kanqanku.

Salmos 76:10

Runaj phiñakuynenqa qanta yupaychanaman tukun, qantataj yupaychasunki chay phiñakuynenqa, uj chhikan phiñakuyninkupis pilluykiman tukun.

Deuteronomio 32:31

Jark'ajninku chhankaqa, mana jark'awajninchej chhanka jinachu. Chaytaqa enemigosninchej yachanku.

Daniel (hebreo) 3:28

Chay ratopi Nabucodonosor jatunmanta qhaparerqa: Yupaychasqa kachun Sadracpata, Mesacpata, Abed-negojpatawan Diosninkoqa. Pay angelninta kachamorqa salvanampaj. Paykunaqa mana junt'arqankuchu reypa kamachisqanta. Astawampis wañuyta munarqanku manapuni munaspa, paykunaj Diosninkumanta waj diosman qonqorikuyta, yupaychaytataj!

Daniel (hebreo) 3:17

Noqayku yupaychayku chay Diosniyku salvayta atiwasqayku nina larwashaj hornomanta, tukuy laya sajrata ruwayta yuyashawayku rey kayniykipi chaykunamantapis salvawasqaykupuni.

Daniel (hebreo) 3:15

Kunanqa, kasukunkichejchu, pututu waqajtinkama, tukuy tocanasta ch'ajwarejta uyariytawankama qonqorikunkichejchu, noqa ruwacherqani chay lantitapis yupaychankichejchu? Sichus payta mana yupaychankichejchu chayqa, kunampacha uj nina larwashaj hornoman wijch'uykusqas kankichej. Chaypacha, ima diostaj qankunata salvayta atisunkichejri?

Salmos 3:8

Qanlla salvayta atinki, Señor. Bendiciy ari aylluykitaqa.

Esdras 6:11

Kamachillanitaj, pillapis kay kamachisqayta mana kasojtaqa, kikin wasinmanta uj k'aspita sik'ispa, chay k'aspipi t'ejsisqa warkhurayachun. Wasintaj thuñisqa kachun, uj montonman tukusqataj qhepakuchun.

2 Reyes 10:27

Chanta Baalpa lantinta p'akerqanku, wasintapis urmacherqanku. Chaytataj jisp'ana cheqaman tukucherqanku, kunankamataj jina kashan.

Daniel (hebreo) 1:7

Palaciopi sirvejkunaj kurajninkutaj paykunata waj sutiswan suticharqa: Danieltaqa Beltsasar nisqata, Ananiastarí Sadrac nisqata, Misaelta Misac nisqata, Azariastataj Abed-nego nisqata.

Daniel (hebreo) 1:19

Reytaj paykunawan parlaspa, tukuynin chay waynas ukhupi mana tarerqachu ujllatapis, Danielmanta, Ananiasmanta, Misaelmanta, Azariasmantawan aswan yachayniyojtaqa. Chayrayku reyta sirvinankupaj paykuna qhepakorqanku.

Daniel (hebreo) 2:17

Chay rato Danielqa wasinman riporqa. Chantá willarqataj tukuyta imachus kasqanta Ananiasman, Misaelman, Azariasmantaj, mayqenkunachus paywan khuska karqanku chaykunaman.

Daniel (hebreo) 2:47

Chanta Danielman nerqa: Cheqamanta Diosniykichejqa aswan jatun tukuynin dioskunamanta. Paymin reykunaj Señornenqa, tukuy pakaypi kajta sut'inchajtaj. Qan aterqanki kay pakaypi kaj imasta sut'inchayta.

Daniel (hebreo) 2:49

Danielpa mañasqanman jina Sacracta, Mesacta, Abed-negotawan rey churarqa aswan kuraj puestosman Babilonia llajtapi. Danieltaj tiyakorqa reypa tiyakunan wasipi.

Daniel (hebreo) 3:12

Kunanqa tiyan wakin judiokuna. Paykunataqa qan churarqanki Babilonia llajtapi kamachejkuna kanankupaj. Kunantaj paykunaqa mana uj pisillatapis qampa rey kasqaykita respetashankuchu, ni dioskunata, nitaj qan ruwacherqanki chay qori lantitapis yupaychankuchu. Paykuna kanku Sadrac, Mesac, Abed-nego ima.

Daniel (hebreo) 6:28

Danieltaj kurajllapuni karqa, rey Darío kamachishajtin, jinallataj Persiamanta rey Ciro kamachishajtimpis.