Daniel (hebreo) 3:26 - Qheshwa Biblia DC

²⁶ Kayta nispataj, Nabucodonosorqa horno punkuman qayllaykorqa, qhaparerqataj: Sadrac, Mesac, Abed-nego, may jatumpi Diospa kamachisnin, llojsimpuychej, jampuychejtaj kayman!, nispa. Kinsantin llojsimorqanku nina chaupimanta.

DIOSPA QHELQACHISQAN DEUTEROCANONICAL

²⁶ Chantá horno punkuman qayllaykuspa, Nabucodonosor qhaparerqa: Sadrac, Mesac, Abednego, Patapi Kaj Diospa kamachinkuna, llojsimuychej, kaymantaj jamuychej, nispa. Chantá kinsantin runakuna nina lawrashaj chawpimanta llojsimorqanku.

DIOSPA QHELQACHISQ

²⁶ Chantá horno punkuman qayllaykuspa, Nabucodonosor qhaparerqa: Sadrac, Mesac, Abednego, Patapi Kaj Diospa kamachinkuna, llojsimuychej, kaymantaj jamuychej, nispa. Chantá kinsantin runakuna nina lawrashaj chawpimanta llojsimorqanku.

Daniel (hebreo) 3:26 Referans Kwoze

Daniel (hebreo) 3:17

Noqayku yupaychayku chay Diosniyku salvayta atiwasqayku nina larwashaj hornomanta, tukuy laya sajrata ruwayta yuyashawayku rey kayniykipi chaykunamantapis salvawasqaykupuni.

Daniel (hebreo) 4:2

Munani qankuna yachanaykichejta, chay chhika t'ukuna imasta may jatumpi kaj Diosqa noqawan ruwasqanta.

Apocalipsis 19:5

Uj parlamojtaj tronomanta uyarikorqa, nispa: Diosninchejta yupaychaychej tukuy kamachisnin, tukuy payta manchachikojkuna, juch'uykuna, jatuchejkuna ima.

Gálatas 1:10

Chantá kunanqa runakunamanchu, chayrí Diosmanchu allin rijch'ayta mask'ashani? Chayrí, runastachu kusichiyta munashani? Runastarajchus kusichiyman chayqa, mana Cristoj kamachinchu kayman.

Hechos 16:17

Chay sipastaj qhatiwarqayku, Pablota, noqaykutawan. Qhaparqachaspataj nerqa: Kay runasqa patapi kaj Diospa kamachisnin kanku. Paykuna willasunkichej salvación ñanmanta.

Daniel (hebreo) 2:47

Chanta Danielman nerqa: Cheqamanta Diosniykichejqa aswan jatun tukuynin dioskunamanta. Paymin reykunaj Señornenqa, tukuy pakaypi kajta sut'inchajtaj. Qan aterqanki kay pakaypi kaj imasta sut'inchayta.

Isaías 52:12

Ama usqhay usqhaytaqa llojsinkichejchu, ama ayqekoj jinaqa rinkichejchu; imaraykuchus Señormin ñaupaqeykichejtaqa renqa, Israelpa Diosnin ujtawan tantaykapusonqachej.

Josué 4:10

Señorpa trato ruwasqan cajonta apaj sacerdotes Jordán mayu chaupipi sayarqanku, israelitas imatachus Josueman Señorpa kamachisqanta ruwayta tukunankukama. Tukuy ima ruwakorqa Moisés imaynatachus Josueman kamachisqanman jina. Israelitastaj usqhay usqhayta mayuta chimparqanku.

Josué 3:17

Tukuynin israelitas Jordán mayuta ch'akipi chimparqanku. Señorpa trato ruwasqan cajonta apaj sacerdotespis khuskan mayupi ch'aki jallp'api sayaykorqanku tukuynin israelitas chaynejta chimpanankukama.

Hechos 16:37

Pablotaj soldadosman nerqa: Noqaykutaqa, manaraj juchachaspalla, tukuypa rikunanta jasut'ichiwarqayku, manapis Roma llajtayojchu kaykuman jina, wisq'achiwarqaykutaj. Kunanqa, pakayllamantachu kachariwasqayku? Mana jinachu kanqa. Paykuna kikin jamuchunku orqhonawaykupaj.

Daniel (hebreo) 6:20

Qayllaykuspataj reyqa Danielqa wajyarqa may llakisqa, nerqataj: Daniel, kausaj Diospa sirvejnin, mana sayk'uspa sirvinki chay Diosniyki salvasuyta aterqachu leonesmantaqa?

Isaías 28:16

Chayrayku Señorqa nin: Sión orqopi uj rumita sayachisaj. Chaytaj uj sumaj ajllasqa rumi, k'acha esquinasniyoj, wasi cimientopaj sumaj rumi. Pichus chaypi atienekojqa mana kuyurenqachu.

Esdras 5:11

Paykunataj niwarqayku: Noqaykoqa yupaychayku, janaj pachapi jinallataj kay pachapipis kashan chay Diosta. Chantapis nillawaykutaj: Mosojmanta ruwashayku chay temploqa, unay ñaupa tiempospi uj kuti ruwasqaña kasqanta, tukuychasqañataj, Israelmanta uj jatun reynejta.

Génesis 14:18

Salemmanta rey, patapi kaj Diospa sacerdoten Melquisedecpis orqhorqa t'antata, vinotawan.

Hechos 27:23

Tuta rikhuriwarqa Diospa angelnin. Chay Diospata kani, paytataj yupaychashani.

Deuteronomio 4:20

Señorqa qankunata jap'ispa fierrota unuyachej Egipto hornomanta orqhomusorqachej, Paypa chayaqen ayllu kanaykichejpaj, imaynachus kunan kashankichej jinata.

1 Reyes 8:51

Imaraykuchus paykunaqa llajtayki chayaqeykitaj kanku, mayqentachus qan orqhomorqanki Egiptomanta fierro hornomanta jina.

Jeremías 11:4

kay tratota ruwarqani chay ñaupa tatasninkuwan Egiptomanta orqhomorqani chaypacha. Chay jallp'a paykunapajqa, fierrota unuyachinapaj horno jina karqa. Noqa nerqani: Kasuwaychej, ruwaychejtaj tukuy kamachisusqayta, jinamanta qankuna aylluy kanaykichejpaj, noqataj Diosniykichej kanaypaj.

Daniel (hebreo) 7:25

Jatun atiyniyoj Diospa contranta rimanqa, Diospa ayllunta ñak'arichispa chinkachinayanqa. Diospa kamachiyninta, fiestastapis waj jinaman tukuchiyta munanqa. Diospa aylluntaj makimpi kanqa, kinsa tiempos khuskanniyojkama.

Salmos 66:12

Saqenkitaj ima rijch'aj runapis saruykachanawaykuta. Yaku patata, nina patata ima puriyku, chaymantaraj samarichiwayku.

Daniel (hebreo) 6:21

Danieltaj kuticherqa: Reyneyqa wiñaypaj kausachun!