Daniel (hebreo) 3:21 - Qheshwa Biblia DC

²¹ Kinsantin waynasta, jatun kargonkupi churakoj kanku chay p'achasninkuwan kashajtinkuraj wataykorqanku. Chantá larwashaj nina hornoman wijch'uykorqanku.

DIOSPA QHELQACHISQAN DEUTEROCANONICAL

²¹ Chantá soldadokuna kinsantin waynakunata wataykuspa, sumaj parichisqa hornoman wijch'uykorqanku, paykuna kurajkuna kasqankurayku ima p'achawanchus p'achallikoj kanku, chay jina p'achallisqata.

DIOSPA QHELQACHISQ

²¹ Chantá soldadokuna kinsantin waynakunata wataykuspa, sumaj parichisqa hornoman wijch'uykorqanku, paykuna kurajkuna kasqankurayku ima p'achawanchus p'achallikoj kanku, chay jina p'achallisqata.

Daniel (hebreo) 3:21 Referans Kwoze

Jeremías 29:22

Judamanta wijch'usqas Babiloniapi kashanku chaykunamanta mayqellampis maldiciyta munankuman chayqa nichunku: Imaynatachus Sedequiaswan, jinataj Acabwampis Señor ruwarqa, ajinata qanwampis ruwachun, piskunatachus Babiloniamanta reyqa ninawan kankaykorqa, imaraykuchus Israelpi millay imasta ruwarqankichej: Runa masiykichejpa warmisninwan qhenchachakorqankichej, tukuy llullerastataj sutiypi nerqankichej mana noqaj kamachisqallay. Noqa yachani, rikuykichejtaj. Noqa Señor chayta niykichej.

Daniel (hebreo) 3:20

Kamachillarqataj ejercitonmanta wakin kallpasapa soldadosnin, Sadracta, Mesacta, Abed-negotawan wataykunankuta, wijch'uykunankutataj nina larwashaj hornoman.

Daniel (hebreo) 3:27

Jaqay naciompi kaj tukuy jatun kamachejkuna, chay runakunaman qayllaykorqanku, paykunaj cuerposninkoqa mana q'asparasqachu karqanku ninawanqa. Rikorqankutaj ni uj chujchallankutapis umankumanta nina ruphasqanta, ni p'achasninkupis imanasqachu kasqanku, nitaj nina q'apayllapis yachakorqachu.

Génesis 39:20

Chaymanta Potifarqa Joseta jap'iytawan carcelman churacherqa, maypichus reypa presosnin kasharqanku chayman. José carcelpi kashajtimpis, Señorqa paywampuni karqa, tukuy imapi payta khuyaspa. Jinamanta Joseqa carcelta qhawajkunaj kurajninwanñataj munachikorqa.

Daniel (hebreo) 3:6

Tukuy pikunachá mana qonqorikonqankuchu, nitaj chay lantita yupaychanqankuchu chaykunaqa, chay rato uj larwashaj hornoman wijch'uykusqas kanqanku.