Daniel (hebreo) 3:15 - Qheshwa Biblia DC

¹⁵ Kunanqa, kasukunkichejchu, pututu waqajtinkama, tukuy tocanasta ch'ajwarejta uyariytawankama qonqorikunkichejchu, noqa ruwacherqani chay lantitapis yupaychankichejchu? Sichus payta mana yupaychankichejchu chayqa, kunampacha uj nina larwashaj hornoman wijch'uykusqas kankichej. Chaypacha, ima diostaj qankunata salvayta atisunkichejri?

DIOSPA QHELQACHISQAN DEUTEROCANONICAL

¹⁵ Kunanrí ujtawan pututoj waqasqanta, chay waj tocanakunaj waqasqanta ima uyariytawan, pampakama k'umuykuspa lanti ruwachisqayta yupaychankichejchu, chayrí manachu? Sichus lantiyta mana yupaychankichej chayqa, chaypachapacha sumaj parichisqa hornoman wijch'uykusqa kankichej. Chaypacha, ima diostaj qankunata makiymanta kacharichiyta atisunkichejmanri? nispa.

DIOSPA QHELQACHISQ

¹⁵ Kunanrí ujtawan pututoj waqasqanta, chay waj tocanakunaj waqasqanta ima uyariytawan, pampakama k'umuykuspa lanti ruwachisqayta yupaychankichejchu, chayrí manachu? Sichus lantiyta mana yupaychankichej chayqa, chaypachapacha sumaj parichisqa hornoman wijch'uykusqa kankichej. Chaypacha, ima diostaj qankunata makiymanta kacharichiyta atisunkichejmanri? nispa.

Daniel (hebreo) 3:15 Referans Kwoze

Hechos 5:29

Pedrowan apostoleswan kuticherqanku: Diostapuni ñaupajta kasunayku tiyan, runasta kasunaykumantaqa.

Daniel (hebreo) 3:17

Noqayku yupaychayku chay Diosniyku salvayta atiwasqayku nina larwashaj hornomanta, tukuy laya sajrata ruwayta yuyashawayku rey kayniykipi chaykunamantapis salvawasqaykupuni.

2 Reyes 18:35

Mayqen diostaj tukuynin nacionespa dioskunasninmanta noqaj makiymanta nacionninta qhechuyta aterqari? Imaraykutaj yuyankichej Señorqa makiymanta Jerusalenta libranantari?

Éxodo 5:2

Faraontaj kuticherqa: Pitaj kasqa chay Señor, noqa paypa nisqanta kasunaypaj, israelitastaj rejta saqenaypaj? Noqaqa mana rejsinichu chay Señorta, nitaj saqesajchu israelitas rejta.

Hechos 4:19

Pedrowan Juanwantaj, paykunaman kuticherqanku: Qankuna unanchaychej Diospa ñaupaqempi imachus cheqan kasqanta. Allinchu kanman qankunataraj ñaupajta kasunayku, chayrí Diostachu?

Marcos 13:11

Maypachachus jap'ichispa kamachejkunaman pusasunkichejman chayqa, ama manchachikunkichejchu, nitaj yuyaychejchu imatachus ninaykichejta; astawanqa, imatachus chaypacha Dios yuyaychasunkichej, chayllata parlaychej. Mana qankunachu parlankichej, Santo Espiritumin qankunanejta parlanqa.

Daniel (hebreo) 6:16

Chanta reyqa kamacherqa Danielta pusamunankuta, leonespa t'oqonmantaj payta choqaykunankuta. Manaraj chay wañuypaj juchachasqan junt'akushajtin, reyqa Danielta nerqa: Sumajtapuni sirvishanki chay Diosniyki qanta salvasuchun.

Hechos 6:15

Jatun juntapi tiyashajkunataj Estebanta qhawarispa angelpa uyanta jina rikorqanku.

San Lucas 13:9

Poqonqa chayqa allin kanqa; manapuni poqojtinrí, k'utuchipunki, nispa.

San Lucas 12:11

Sinagogasman, juezkunaman, kurajkunaman ima pusasojtiykichejqa, ama llakikunkichejchu imaynatachus kutichikunaykichejmanta, chayrí, imatachus ninaykichejmanta.

Daniel (hebreo) 6:20

Qayllaykuspataj reyqa Danielqa wajyarqa may llakisqa, nerqataj: Daniel, kausaj Diospa sirvejnin, mana sayk'uspa sirvinki chay Diosniyki salvasuyta aterqachu leonesmantaqa?

Isaías 37:23

Pipaj qanqa rimankiri, pimantataj alqochakunkiri? Pejpa contrantataj chhika jatunmanta qhaparinki, jatun jatunmanta qhawaykachaspari? Israelpa Santo Diosnimpa contranta ruwanki.

Éxodo 32:32

Noqa mañakuyki paykunaj juchankuta pampachanaykita, mana chay juchankuta pampachanki chayqa, kunampacha libroykipi escribisqayki sutiyta orqhopuway.

San Mateo 27:43

Diosman atienekorqa, kunanqa Dios kacharichichun ari, munakun chayqa, imaraykuchus Diospa Churin kani nerqa.

San Mateo 10:19

Kamachejkunaman pusasqas kaspaqa, ama llakikunkichejchu imaynatachus parlanaykichejta, chayrí imatachus ninaykichejta. Chay kikimpacha, Dios yuyaychasonqachej imamantachus parlanaykichejta.

Daniel (hebreo) 2:9

Chayraykumá kunanqa imatachus mosqokusqayta mana willawankichejchu chayqa, tukuyniykichej uj rej juchachayllata jap'ikunkichej. Uj yuyayllaman tukunkichej llullakuspa mana kajta kutichinawaykichejpaj, chaykama tiempo pasananta suyaspa. Qankuna niwaychej imatachus mosqokusqaytaqa. Chaytachus willawankichej chayqa, atillankichejtaj willawayta chay mosqoyneyqa imatachus niyta munasqantapis.

Daniel (hebreo) 2:47

Chanta Danielman nerqa: Cheqamanta Diosniykichejqa aswan jatun tukuynin dioskunamanta. Paymin reykunaj Señornenqa, tukuy pakaypi kajta sut'inchajtaj. Qan aterqanki kay pakaypi kaj imasta sut'inchayta.