Daniel (hebreo) 2:48 - Qheshwa Biblia DC

⁴⁸ Chaypachamanta reyqa Danielta jatun puestoman churarqa, k'acha t'inkastataj payman qorqa. Babiloniapi kamachinampajtaj payta churarqa. Chay naciompi tukuynin yachayniyojpa jatun kamachejnin kanampajtaj churasqa karqa.

DIOSPA QHELQACHISQAN DEUTEROCANONICAL

⁴⁸ Chaymanta kuraj kamachejqa Danielta jatuncharqa, sumaj t'inkatataj payman qorqa. Chantá payta Babilonia nisqa jap'iyta kamachinanpaj churarqa, jinallataj tukuy yachayniyojkunaj kurajninku kananpaj ima.

DIOSPA QHELQACHISQ

⁴⁸ Chaymanta kuraj kamachejqa Danielta jatuncharqa, sumaj t'inkatataj payman qorqa. Chantá payta Babilonia nisqa jap'iyta kamachinanpaj churarqa, jinallataj tukuy yachayniyojkunaj kurajninku kananpaj ima.

Daniel (hebreo) 2:48 Referans Kwoze

Daniel (hebreo) 2:6

Sitajchus niwankichej imatachus mosqokusqayta, chanta ima niytatajchus chay mosqokusqay munasqanta willawankichej chayqa, t'inkata qosqaykichej, yanapasqaykichej, may jatumpajtaj jap'isqaykichej. Ajina ari, niwaychej imatachus mosqokusqayta, chay mosqoyniytaj imatachus niyta munasqanta allinta willawaychej.

Daniel (hebreo) 5:11

Reinoykipi tiyan uj runa, santo Diospa espiritunwan pusaykachasqan. Tatayki rey kashajtin, chay runaqa rejsisqa karqa sut'i yuyayniyoj kasqanta, sumaj yuyayniyoj dioskuna jina yachayniyojtaj kasqantawan. Chayrayku tatayki Nabucodonosorqa payta churarqa, naciompi tukuy yachaysapakunata, yatirikunata, sumaj yachayniyojkunata, k'anchaj qoyllurkunamanta yachajkunatawan kamachinampaj.

Daniel (hebreo) 5:29

Chaymanta rey Belsasar kamacherqa, Danielman puka p'achata churaykunankuta, kunkanmantaj qori cadenata churaykunankuta. Chanta willaracherqataj tukuyman, chay ratomantapacha Danielqa, kinsa kaj kamachej kananta reinompi.

Daniel (hebreo) 5:16

Chay tukuywampis uyarini qan sut'inchaj kasqaykita mana yachay atina imasta, mana allichay atina imastataj allichaj kasqaykita. Kunanqa, sichus qan atinki chay palabrasta leeyta chayqa, imatachus niyta munasqantataj willawanki chaypachaqa, sumaj puka p'achawan p'achallichisqayki, kunkaykimantaj qori cadenata churasuchunku, reinoypitaj kinsa kaj kamachej kanki.

Daniel (hebreo) 3:30

Chay ratomantapacha reyqa, chay kinsa waynasman aswan sumaj jatuchej cargosta qorqa Babilonia llajtapi.

Daniel (hebreo) 3:12

Kunanqa tiyan wakin judiokuna. Paykunataqa qan churarqanki Babilonia llajtapi kamachejkuna kanankupaj. Kunantaj paykunaqa mana uj pisillatapis qampa rey kasqaykita respetashankuchu, ni dioskunata, nitaj qan ruwacherqanki chay qori lantitapis yupaychankuchu. Paykuna kanku Sadrac, Mesac, Abed-nego ima.

Daniel (hebreo) 3:1

Rey Nabucodonosorqa uj qori lantita ruwacherqa, chay lantej sayaynin karqa kinsa chunka metroyoj, p'altantaj kinsa metroyoj karqa. Kamacherqataj sayachinanta Babiloniapi kaj Dura pampapi.

Jeremías 5:5

Chay jatun wiraqochisman risaj, paykunamantaj parlamusaj. Paykunaqa yachanqankupuni imachus Señorpa munaynin kasqanta, Diospa kamachisqantataj. Chaywampis, tukuyninku Diospa contrampi oqharikusqanku, manataj kasuyta munasqankuchu.

Job 1:3

Chantá tiyapullarqataj qanchis waranqa ovejasnin, kinsa waranqa camellosnin, phishqa pachaj yunta wakasnin, phishqa pachaj china burrosnin, ashkha kamachisnin ima. Inti llojsimuypi tiyakojkunamanta pay k'atalla manchay qhapaj runa karqa.

2 Reyes 5:1

Siriamanta reypa, soldadosnimpa kurajnin Naamán sutiyoj karqa; wiraqochimpa ñaupaqempi ancha munasqa karqa, mantasqataj, imaraykuchus paynejta Señorqa Siriaman atiyta qorqa. Chay runaqa may wapupuni karqa. Chaywampis llijti lepra onqoyniyoj karqa.

2 Samuel 19:32

Payqa allin machuña karqa, pusaj chunka watasniyojña, Mahanaim llajtapi rey kashanankamataj tukuy imaschus faltakojta reyman qorqa, may qhapaj kasqanrayku.

1 Samuel 25:2

Maón llajtapi uj manchay qhapaj runa tiyakorqa, kinsa waranqa ovejasniyoj, waranqa cabrasniyoj. Carmel llajtapitaj uywasnin tiyaporqa. Chaypachataj Carmelpi ovejasninta ruthusharqa.

1 Samuel 17:25

Chanta israelitasqa ninakoj kanku: Rikunkichejchu chay llojsimoj runata? Payqa Israelpa contrampi sayaykuspa parlaj jamun. Pichus chay runata atipajmanqa rey qonqa ashkha qolqeta, ususintapis warmin kanampaj qollanqataj, chanta tukuy ayllumpis impuestota mana paganqankuchu.

Números 24:11

Kunanqa amaraj ima kashajtin wasiykiman ripuy. Noqaqa nerqayki qanta jatumpi qhawasunayta, Señortaj mana munanchu jatumpi qhawasunayta.

1 Samuel 2:8

Dioslla wajchastaqa pampamanta oqharin, mañakoj runatapis q'opamantaña orqhomun, wiraqochi runastawan tiyaykuchinampaj, uj sumajpaj qhawasqa tiyanasta qonampaj, imaraykuchus Señorllamin dueñoqa, kay jallp'aj ura chukusninmanta, chaykunamantaj kay pachata churaykorqa.

Daniel (hebreo) 5:7

Chay rato qhapariyta qallarerqa, wajyacherqataj Babiloniamanta yatirikunata, yachayniyojkunata, k'anchaj qoyllurkunamanta yachajkunata, paykunamantaj nerqa: Jaqaypi qelqasqa kashan chayta leejqa, willawajtaj chay qelqasqaqa imatachus niyta munasqanta chayqa, p'achallichisqa kanqa sumaj puka p'achawan, kunkanmantaj qori cadenawan churaykusqa kanqa, chanta kinsa kaj kamachejtaj reinoypi kanqa.

Daniel (hebreo) 8:27

Noqa Danieltaj, reparakorqani kallpay pisiyawasqanta, ashkha p'unchaykunataj onqosqa tarikorqani. Chaymanta jatarikuspa uyarillarqanipuni nacionta kamachejpa ruwanasninmanta. Noqataj mayta t'ukusharqani chay jinata rikusqaymanta, mana unanchayta atispa.

Daniel (hebreo) 4:6

Chantá kamacherqani Babiloniapi kaj tukuynin yachayniyoj runakuna watukoj jamunawankuta, sut'inchanawankutataj chay mosqoyniy imastachus niyta munasqanta.