Daniel (hebreo) 2:37 - Qheshwa Biblia DC

^37-38 Tukuynin reyesmanta aswan atiyniyoj reymin qan kanki. Janaj pachapi kaj Diosqa qosunki reinota, atiyta, kallpata ima, jatumpaj qhawasqa kanaykipaj, tukuynejpi runas tiyakunku chaykunata kamachinaykipaj. Chantapis uywasta, p'isqosta, qampa makiykiman churan kamachinaykipaj. Chayrayku chay qori umaqa qan kanki.

DIOSPA QHELQACHISQAN DEUTEROCANONICAL

³⁷ Kamachejníy, qan tukuynin kuraj kamachejkunamanta aswan atiyniyoj kanki, imaraykuchus janaj pachapi kaj Diosmin kamachinata, atiyta, kallpata ima qorqasunki jatunchasqa kanaykipaj.

DIOSPA QHELQACHISQ

³⁷ Kamachejníy, qan tukuynin kuraj kamachejkunamanta aswan atiyniyoj kanki, imaraykuchus janaj pachapi kaj Diosmin kamachinata, atiyta, kallpata ima qorqasunki jatunchasqa kanaykipaj.

Daniel (hebreo) 2:37 Referans Kwoze

Ezequiel 26:7

Imajtinchus kay jinata Señorqa nin: Wichaynejmanta, Babilonia rey Nabucodonosor Tiroj contrampi jatarichimusaj, payqa reyespa reynin, caballoswan, carretaswan, caballospi rejkunawan, ashkha soldadoswantaj ashkha llajtasmanta jamorqanku.

Daniel (hebreo) 5:18

Tukuy Atiyniyoj Dios, Nabucodonosor tataykiman qorqa reinota, jatun atiyta, gloriata, jatumpaj qhawasqa kayta ima.

Isaías 47:5

Caldea sipas, ch'inmanta chukuy, laqhayajman yaykuy; kunanmantaqa manaña jayk'ajpis nacionespa kamachejnin reina nisonqankuchu.

Salmos 62:11

Diospa parlasqanta, iskay kutita uyarini, Diospata atiytaj munakuytaj kasqanta.

Esdras 7:12

Chay cartataj kay jina karqa: Reykunaspata kuraj reynin Artajerjesqa napaykun, janaj pachapi kaj Diospa yachachiyninmanta sumaj yachayniyoj sacerdote Esdrasta:

Esdras 1:2

Persiamanta rey Ciroqa kay jinata nin: Janaj pachapi kaj Señor Diosqa, tukuynin jallp'api reinosta qopuwan, kamachiwantaj Judapi kaj Jerusalén llajtapi paypaj uj wasita ruwapunayta.

Apocalipsis 17:14

Kaykunaqa Corderoj contrampi maqanakonqanku. Corderotaj paykunata atipanqa. Payqa señorkunaj Señornin, reyespa Reynintaj. Paywan kajkunarí wajyasqas, ajllasqas, junt'ajkunataj kanku.

Apocalipsis 5:12

Sinch'itataj nisharqanku: Wañuchisqa karqa chay Corderoqa jap'inampuni atiyta, qhapaj kayta, yachayta, kallpata, sumaj sutitapis, janaj pacha k'anchayta, yupaychayta ima.

Apocalipsis 4:11

Allimpaj qhawasqa kanki, Señor Diosniyku, yupaychayta, jatun kayta, atiyta ima jap'inaykipaj. Qan tukuy imata wakicherqanki, munayniykiraykutaj kanku, ruwasqastaj karqanku.

San Juan 19:11

Jesús kuticherqa: Mana ima atiyniykipis noqaj contraypi kanmanchu, manachus Dios qosunkiman chayqa. Chayrayku noqata qanman entregawajqa, aswan jatun juchayoj.

San Mateo 6:13

Amataj saqeychu juchaman urmanaykuta; astawampis, jark'awayku sajramanta; [imaraykuchus, qampatamin reino, atiy, janaj pacha k'anchay ima; wiñaypa wiñayninkama. Amén.]

Oseas 8:10

Jinapis chay llajtas ukhupi t'inkasta rak'irachun. Kunan noqa paykunata ch'eqerachisajpuni, jinamanta uj tiempotaqa mana reykunasninku nitaj kurajkunasninku kanqachu;

Daniel (hebreo) 4:34

Jasut'i p'unchaykuna junt'akojtin, noqa Nabucodonosorqa, janaj pachata qhawarerqani, loco kayniymantataj thañisqa kasqayta reparakorqani. Chaypacha, Jatun Diosta yupaycharqani, kay palabraswantaj wiñaypaj kausayniyojta jatuncharqani: Paypa atiynenqa wiñaypajpuni. Llajtakunata kamachinantaj miraypa miraynintimpaj kanqa.

Daniel (hebreo) 4:32

Runakunamantaqa t'aqasqa kanayki tiyan, uywakunawantaj kausanayki tiyan. Bueyes jina qhorata mikhunki qanchis watas junt'ata, rejsinaykikama jatumpi kaj Dioslla atiyniyoj kasqanta, jallp'api tukuynin nacionkunaj patampi, payllataj kamachejkunata churasqanta pikunatachus munasqanta.

Daniel (hebreo) 4:25

Reyníy, runakunamanta t'aqasqa kanki, animalkunawantaj kausanki. Qhorasta mikhunki bueyes jina, chhullataj cuerpoykita joq'onqa. Ajinata kausanki qanchis watas junt'ata, rejsinaykikama patapi kaj Dios atiyniyoj kasqanta, llajtakunata kamachishanku tukuy chaykunaj patampi kasqanta, paytaj churasqanta kamachinankupaj munayninman jina.

Daniel (hebreo) 4:3

May jatuchaj kanku t'ukunapaj jina ruwasqasnin, milagro ruwasqasnimpis! Rey kaynenqa manapuni tukukonqachu, atiynintaj miraymanta waj miraynintinkama kanqa.

Jeremías 28:14

Noqa Tukuy Atiyniyoj Israelpa Señor Diosnin nini: Fierromanta uj yugota tukuy nacionespa kunkanman noqa churani, Babiloniamanta rey Nabucodonosorpa kamachisnin kanankupaj. Chay k'ita animalestapis paypa atiyninman churani, nispa.

Isaías 10:8

Payqa ajinata nin: Manachu tukuynin runasneyqa reyes kanku?

Proverbios 8:15

Noqanejta reyesqa kamachinku, kurajkunapis kamachiykunasninkuta kacharinku.

2 Crónicas 36:23

Persiamanta rey Ciroqa kay jinata nin: Janaj pachamanta Dios makisniyman churamun kay jallp'a patapi kaj tukuy reinosta, kamachiwantaj Jerusalempi Diosta yupaychana wasita ruwapunayta, chaytaj Judá jallp'api kashan. Ajinaqa mayqennillaykichejpis, Señorpa ayllunmanta kajkunataqa, Señor Diosniykichej yanapachun, jaqaymantaj richun.

1 Reyes 4:24

Imaraykuchus Salomonqa chay tukuynin llajtasta kamacherqa, Eufratesmanta inti yaykuy ladopi, Tifsamanta Gaza chaynejkama, chay tukuy llajtaspa muyuynimpitaj allin tiyakuylla karqa.

Apocalipsis 19:16

P'achampi moqon patanejpi escribisqa sutiyoj karqa: reykunaj Reynin, señorkunaj Señornintaj.

2 Reyes 25:28

Paytaqa may k'achatapuni parlapayarqa, Babiloniapi reyes kasharqanku chaykunamanta aswan patapi paypa trononta churaporqa.

Jeremías 34:1

Babiloniaj reynin Nabucodonosor tukuy soldadosninwan, jinataj tukuy paypa kamachiynimpi kaj nacionesmanta runasnintin, Jerusalenman yaykuykusharqanku, chantá chay qaylla llajtasninmampis, chaypacha Jeremiasman Señorqa parlarqa, nerqataj: Noqa, Israelpa Diosnin Señor kamachiyki, Judamanta rey Sedequiasman rispa, noqa nini kay llajtata Babiloniaj reynin jap'ikapunanta, ninawantaj jap'iykuchinanta.

Daniel (hebreo) 1:2

Señor saqerqa Nabucodonosor rey Joacimta jap'iykunanta, Diospa templompi kaj imasta kuraj parteta apakapunantataj. Nabucodonosorqa presosta Babiloniaman aparqa, Diospa templonmanta orqhorqa chay imastarí, dioskunasnimpa waqaychasninmantaj churarqa.

Daniel (hebreo) 2:44

Chay reykuna kamachishajtinkutaj, janaj pachapi kaj Dios uj reinota sayarichenqa, chaytaj mana jayk'ajpis t'unasqachu kanqa manataj mayqen reinopis payta atipanqachu. Tukuynin waj reinosta tukuchenqa, chay atipaj reinotajrí wiñaypaj sayanqa.

Daniel (hebreo) 4:22

Wiñarqa atiyniyojtaj karqa chayqa, qan rey, kanki chay sach'aqa. Rey kasqaykipi jatunyasqaykeqa yapakun janaj pachaman chayanankama, kamachisqaykitaj tukuynin jallp'api, uj cantomanta ujnin cantokama jatunyan.

Daniel (hebreo) 7:14

Paymantaj atiyta qorqanku, chanta k'anchayniyoj kayta, llajtasta kamachiytapis. Tukuy nacionesmanta kaj runakuna, tukuy parlaymanta kaj runakunataj payta sirverqanku. Atiynintaj kikillampuni kanqa, kamachinantaj mana jayk'ajpis t'unasqachu kanqa.

Daniel (hebreo) 2:31

Arí rey, mosqoyniykipi rikorqanki uj may jatun lliphipiyniyoj lantita. Mancharinapaj jina karqa. Chay lantitaj ñaupaqeykipi sayachisqa karqa.

Daniel (hebreo) 4:19

Chantá Danielqa, pitachus suticharqanku Beltsasar nisqata, pay uj ratota t'ukurerqa, umanman yuyaykuna jamojtin may maycharisqa karqa. Noqa reytajrí, payta nerqani: Beltsasar, ama llakikuychu chay mosqoyniymantaqa, ni sut'inchayninmantapis. Beltsasartaj kutichispa nerqa: Way, mosqoyniykipi imatachus niyta munan chay tukoyqa urmachun pikunachus chejnisunku chaykunaj patanman!