Daniel (hebreo) 12:4 - Qheshwa Biblia DC

⁴ Qantaj Daniel, kay imastaqa sonqoykipi pakay, sellaykuytaj librota tukukuy p'unchay chayamunankama. Ashkha runas kayman jaqayman puriykachanqanku, astawan yachayta munaspa.

DIOSPA QHELQACHISQAN DEUTEROCANONICAL

⁴ Qantajrí Daniel, kay imakunata sonqollaykipi jap'iy, tukukuy p'unchay chayamunankamataj chay p'anqata sellaykuy. Ashkha runakuna kayman jaqayman phawarenqanku, tukuy imamanta astawan yachayta munaspa, nispa.

DIOSPA QHELQACHISQ

⁴ Qantajrí Daniel, kay imakunata sonqollaykipi jap'iy, tukukuy p'unchay chayamunankamataj chay p'anqata sellaykuy. Ashkha runakuna kayman jaqayman phawarenqanku, tukuy imamanta astawan yachayta munaspa, nispa.

Daniel (hebreo) 12:4 Referans Kwoze

Daniel (hebreo) 12:9

Paytaj kutichiwarqa: Daniel, ñanniykita rillaypuni, kay imasqa pakayllapirajpuni kanqanku, tukuykuy p'unchay chayamunankama.

Apocalipsis 22:10

Niwarqataj: Ama sellaychu kay libroj sut'inchana palabrasnintaqa; imaraykuchus tiempoqa qayllaña kashan.

Daniel (hebreo) 8:26

Ch'isin paqarimpiwan rikhurejmantaqa sumaj willasqa kanki, chaytaj cheqapunimin. Kunanqa chayta sonqoykipi waqaychay, imaraykuchus unaymantaraj junt'akonqa.

Daniel (hebreo) 8:17

Chanta Gabrielqa qayllaykamuwarqa. Noqataj mancharikuywan pampakama k'umuykorqani, paytaj niwarqa: Runa, yachay, chay mosqoypi jina rikhurisojqa niyta munan, p'unchaykunaj tukukuyninmanta.

Apocalipsis 10:4

Chay qanchis qhon qhonkuna sonasqankuta uyarichejtinkutaj, ñapis escribejña rishajtiy, janaj pachamanta uyarerqani nimuwajta: Imatachus chay qanchis qhon qhonkuna nimunku, chayta sellay; amataj chaykunataqa escribiychu, nispa.

Daniel (hebreo) 12:13

Qantaj, Daniel, purillaypuni tukukuykama, chanta samarikunkitaj. Qhepa p'unchaykunapitaj jatarikunki t'inkaykita jap'ikapunaykipaj.

Isaías 32:3

Rikojkunaj ñawisnenqa mana chharpuyanqachu, uyarejkunaj ningrisninkupis sumajta uyarenqanku.

Isaías 8:16

Kay kamachisqasniyta allinta waqaychaychej. Yachachisqasniypaj sonqosninman kay yachachisqasniyta churaychej.

San Mateo 24:14

Janaj pacha reinomanta evangelio tukuynejpi willasqa kanqa, tukuy laya runaspaj testigo kanampaj; chaypachamá tukukoyqa jamonqa.

Isaías 11:9

Chay Santo orqoypeqa mana ima sajratapis ruwanqankuchu, imaraykuchus tukuy jallp'aqa Señorta rejsenqa, imaynatachus marman yaku junt'aykun ajinata.

Daniel (hebreo) 11:40

Maypachachus tukukuy rato chayamonqa chaypachaqa, uraynejpi kaj rey jatarenqa, wichaynejpi kaj reypa contrampi. Kay kajtaj llojsispa, kaymanta jinalla tukuy atiywan yaykonqa, uraypi kaj reypa contrampi, carretaswan, caballería tropaswan, ashkha barcoswan ima. Jallp'asman yaykuspa junt'aykonqanku, chanta pasakaponqankutaj.

Daniel (hebreo) 11:33

Llajtapi kaj yachayniyojkunaqa, ashkha runasta yachaykuchenqanku. Chay yachayniyojkunatataj wakinta ruphachenqanku, wakinmantataj tiyapuyninta suwanqanku, wakinkunataj apasqas kanqanku. Pisi tiempollata ajina kanqa.

Romanos 10:18

Chanta nini: Manachu uyarerqanku? Arí, uyarerqankupuni, imaraykuchus paykunaj willasqankoqa tukuynejman chayarqa, kay pachaj cantosninkama.

Daniel (hebreo) 10:1

Persiamanta kaj Ciro, kinsa watataña rey kashajtin, Daniel Beltsasar nisqa, uj palabrata uyarisqa; chay palabrataj cheqapuni karqa. Imatachus niyta munasqataj mana yachayta atinapaj jinachu karqa. Chay tukuywampis, Danielqa, sumajta chay palabrastaqa unancharqa, yacharqataj imatachus niyta munasqanta.

Isaías 30:26

Chaypacha, killaj k'anchaynenqa intej k'anchaynin jina kanqa. Inteqa chay k'anchayninmanta qanchis kutitawan jina k'anchanqa, qanchis intispis ujllapi k'anchamushanman jina. Chaypacha Señorqa ayllumpa nanasqasninta jampenqa, mayqenkunatachus payllataj nanaykucherqa.

Apocalipsis 5:1

Tronopi tiyasqa kajpa paña makimpi rikorqani uj librota, ukhumpi jawampitaj escribisqata, qanchis selloswantaj sellasqata.

Isaías 29:11

Tukuy mosqoypi jina rikusqasqa qankunapaj wisq'aykusqa libro jina. Chaytataj qonkichej pichus leejman, ninkichejtaj: Kayta leey, nispa. Paytaj kutichisonqachej: Mana leeyta atinichu wisq'asqa kasqanrayku.

Jeremías 5:1

Señorqa nin: Jerusalempa callesninta allinta qhawaspa muyuykachaychej, plazasnejta mask'aychej, ichachus pillatapis tarinkichej cheqan kajta ruwajta, tukuy ruwasqampi mana llullakojta. Pillatapis tarinkichej chayqa, Jerusalén llajtata qhespichisaj.

Daniel (hebreo) 10:14

Allinta willasunaypaj jamuni, imachus qhepa p'unchaykunapi aylluykiman jamonqa chayta. Kay rikusqaykeqa, chay p'unchaykunamantamin kashan.

Daniel (hebreo) 10:21

Kunanqa imachus cheqa kaj libropi qelqasqa kashan chayta willasqayki: Paykunaj contrampi maqanakunaypeqa, kamachejniykichej ángel Miguel sapallan yanapawajneyqa, paytaj Israelpa waqaychajnin.

Daniel (hebreo) 12:5

Noqa, Daniel, rikorqani iskay waj runasta, mayoj sapa cantompi ujtakama sayashajta.