Daniel (hebreo) 12:1 - Qheshwa Biblia DC

¹ Chaypacha aylluykita qhawaj kuraj ángel Miguelqa rikhurimonqa. Chaypachataj may llakiy kanqa. Chay jinaqa manapuni jayk'ajpis karqachu runas kasqankumantapacha. Chay tiempo chayamojtintaj aylluykimantaqa libropi sutisnin qelqasqa kajkunalla salvasqas kanqanku.

DIOSPA QHELQACHISQAN DEUTEROCANONICAL

¹ Chantá Israel suyuta qhawaj angelkunata kamachej Miguel rikhurimonqa. Chaypachaqa may sinch'i llakiy kanqa. Chay jina llakeyqa runa kasqanmantapacha manapuni jayk'ajpis karqachu. Chaywanpis chaypachaqa Israel aylluykimanta pikunachus p'anqapi sutinku qhelqasqa kajkuna qhespichisqa kanqanku.

DIOSPA QHELQACHISQ

¹ Chantá Israel suyuta qhawaj angelkunata kamachej Miguel rikhurimonqa. Chaypachaqa may sinch'i llakiy kanqa. Chay jina llakeyqa runa kasqanmantapacha manapuni jayk'ajpis karqachu. Chaywanpis chaypachaqa Israel aylluykimanta pikunachus p'anqapi sutinku qhelqasqa kajkuna qhespichisqa kanqanku.

Daniel (hebreo) 12:1 Referans Kwoze

Jeremías 30:7

Uj jatun ñak'ariy p'unchay qayllamun, chay jina p'unchayqa mana ujtawan kanqachu. Uj llakiy p'unchaykuna Jacobpa ayllumpaj kanqa, chaywampis salvakonqa.

San Mateo 24:21

Chaypacha manchay ñak'ariy kanqa; chaytaj mundo qallarikusqanmantapacha, manaraj chay jina karqachu, nitaj jayk'ajpis kanqachu.

Marcos 13:19

Chay p'unchaykunapeqa manchay llakiykuna kanqa; chay jina llakiykunaqa mana jayk'ajpis rikukorqachu, Dios kay mundota ruwasqanmantapacha kunankama; nillataj qhepamampis kanqachu.

Daniel (hebreo) 10:13

Persiata waqaychaj angelqa jark'awarqa iskay chunka p'unchay junt'ata. Migueltaj, atiyniyoj angelkunamanta uj ángel jamorqa yanapanawampaj, imaraykuchus noqa sapallay qhepakusqani Persiamanta kaj reyeswan khuska.

Daniel (hebreo) 10:21

Kunanqa imachus cheqa kaj libropi qelqasqa kashan chayta willasqayki: Paykunaj contrampi maqanakunaypeqa, kamachejniykichej ángel Miguel sapallan yanapawajneyqa, paytaj Israelpa waqaychajnin.

Apocalipsis 12:7

Jatun maqanakutaj janaj pachapi karqa. Miguel, angelesnin ima sierpewan maqanakorqanku.

Apocalipsis 20:15

Pichus kausay libropi mana escribisqachu tarikorqa chayqa, nina qochaman wijch'usqa karqa.

Apocalipsis 20:12

Rikullarqanitaj wañusqasta, jatuchejkunata, juch'uykunatapis Diospa ñaupaqempi sayashajta. Libros kicharikorqanku, chantá waj libropis kicharikullarqataj. Chayqa kausaypa libron. Wañusqastaj juchachasqas karqanku, imamantachus librospi escribisqa kasqanmanta, ruwasqankuman jina.

Apocalipsis 3:5

Ajinata atipajqa yurajwan p'achallikonqa, manataj kausay libromanta sutinta pichasajchu. Tataypa ñaupaqempi, angelesnimpa ñaupaqempitaj sutinta rejsichisaj.

San Lucas 10:20

Chaywampis, ama kusikuychejchu supaykuna kasusojtiykichej, astawanqa kusikuychej janaj pachapi sutiykichej escribisqa kasqanmanta.

Daniel (hebreo) 9:12

Kay jatun jasut'ita apachimuspa qan junt'anki imatachus niwasqaykuta, noqaykuman, jinallataj kamachejkunamampis. Manapuni mundontimpi karqachu jayk'ajpis, Jerusalenman chayamun chay jasut'iman rijch'akojqa.

Apocalipsis 13:8

Tukuy jallp'api tiyakojkunataj payta yupaycharqanku; manataj paykunaj sutinkoqa escribisqachu karqa Corderoj kausaynimpa librompeqa. Corderoqa wañuchisqa karqa kay mundoj qallariyninmantapacha.

Judas 1:9

Arcángel Miguelpis, supaywan churankuspa, Moisespa cuerpon jawa, mana munarqachu juiciopaj juchachayta. Payqa nillarqa: Señor k'amisuchun, nispa.

Filipenses 4:3

Jinallatataj qantapis mañakuyki, llank'aj masi, kamachiykitaj yanapanaykita chay hermanasta, imaraykuchus paykunaqa noqawan mayta kallpachakorqanku evangeliota willaspa. Clementepis, chay ujkunapis llank'aysiwarqanku. Paykunaj sutinkoqa kausay libropiña escribisqa.

Efesios 1:21

Payta churarqa tukuy kurajkunaj, atiyniyojkunaj, kallpayojkunaj, kamachejkunaj patanman ima. Churallarqataj tukuy rejsisqa sutimantapis astawan, chantá mana kay pachallapichu, manachayqa jamoj p'unchaykunapipis.

Romanos 11:26

Chayrayku tukuy Israel ayllu salvasqa kanqa, imaynachus escribisqa kasqanman jina: Sionmanta uj kacharichej jamonqa, Jacobpa mirayninmantataj mana allin kajta karunchenqa.

Ezequiel 13:9

Makiyta oqharisaj, ch'auka rikuyniyoj profetaspaj, chantá llullastataj sut'inchanku, chay profetasta jasut'inaypaj. Israel aylluypa tantakuyninman mana yaykuyta atenqankuchu. Sutisninkoqa mana qelqasqachu Israel aylloj librompi. Mana Israelpa jallp'anman yaykonqankuchu. Chaypacha rejsiwanqanku noqa Señor kasqayta.

Isaías 9:7

Kamachisqanta, chanta sonqo tiyakuyta qosqampis manapuni tukukonqachu Davidpa reinompi, jinallataj paypa reinompipis. Kamachiynenqa sumaj sayasqa kanqa, cheqa kajpi, maychus kajta ruwaypitaj kunanmantapacha wiñaypajtaj. Kaytaqa Tukuy Atiyniyoj Señormin sinch'i munayninrayku ruwanqa.

Isaías 4:3

Pikunachus Siompi qhepakojkuna, chantá Jerusalempi saqesqas kajkunapis, Diospa ajllasqas sutichasqas kanqanku, imaraykuchus Señormin Jerusalempi kausanankupaj sutisninkuta qelqarqa.

Salmos 69:28

Kausay libromanta chinkachiy. Ama cheqan sonqo kajkunatawanqa qelqaykuychu.

Salmos 56:8

Qan yupashanki mashkha kutistachus ayqekusqaykita, sapa waqayniyta qan jap'inki. Manachu libroykipi qelqasqa kashan?

Apocalipsis 17:14

Kaykunaqa Corderoj contrampi maqanakonqanku. Corderotaj paykunata atipanqa. Payqa señorkunaj Señornin, reyespa Reynintaj. Paywan kajkunarí wajyasqas, ajllasqas, junt'ajkunataj kanku.

Romanos 11:15

T'aqasqa kasqankuchus, runakunapaj Dioswan allinyakuy kanman chayqa, imaynataj kanqa Diosman kutirikuyri. Manachu chayqa wañusqamantaña kausarimuy kanman?

Daniel (hebreo) 11:45

Reyqa toldosninta sayachenqa mar qochawan, k'acha nisqa jallp'awan chay chaupipi. Chay pachampitj wañuynin chayamonqa, manataj pipis payta yanaparej kanqachu.

Ezequiel 34:24

Noqa Señor Diosnin kasaj, David kamachiytaj jatun kamachejnin kanqa, Noqa Señormin kaytaqa nini.

Apocalipsis 7:14

Noqataj payman kuticherqani: Wiraqochi, chaytaqa qan yachanki, nispa. Paytaj niwarqa: Kaykunaqa jatun llakiymanta jamojkuna kanku. P'achasninkuta t'ajsarqanku, Corderoj yawarnimpitaj yurajyacherqanku.

Ezequiel 5:9

Mana jayk'aj ruwasqayta qanwan ruwasaj, nitaj ujtawampis ruwasajñachu. Chay tukuy ruwasqasniykeqa millachikunapaj jina kanku.

Joel 2:2

Chay p'unchayqa tuta, laqhataj. Phuyusqa p'unchay, llanthusqataj kanqa. May atiyniyoj, yupay mana atinataj orqos pataman mast'alla junt'aykamunku, sut'iyayta jina k'ancharispa. Chayman rijch'akojqa mana jayk'ajpis karqachu, nitaj jayk'ajpis kanqañachu.

Malaquías 3:16

[Chaypacha Diosta honrajkuna parlanakorqanku, chaytataj Señorqa sumajta uyarerqa, imatachus nisqankuta. Señorpa ñaupaqempi uj libro qelqakorqa. Payta honrajkuna, paypa sutinta yuyarikojkunataj chay libroman jina yuyarisqas karqanku.]

Jeremías 30:10

Noqa Señor nillanitaj: Jacobpa ayllun kamachiy, ama mancharikuychu. Qan, Israel, ama mancharikuychu. Qanta, wawasniykitapis noqa kacharichimusaj, chay karu llajtasmanta, maypichus wijch'usqas kashankichej chaymanta. Watejmanta sonqo tiyasqa kaypi tiyakunki, ch'inllapi mana pejpa mancharichinan.