Daniel (hebreo) 11:45 - Qheshwa Biblia DC

⁴⁵ Reyqa toldosninta sayachenqa mar qochawan, k'acha nisqa jallp'awan chay chaupipi. Chay pachampitj wañuynin chayamonqa, manataj pipis payta yanaparej kanqachu.

DIOSPA QHELQACHISQAN DEUTEROCANONICAL

⁴⁵ Chay kuraj kamachejqa toldonkunata sayaykuchenqa, mama qochawan, Diospaj t'aqasqa orqowan, chay chawpipi. Chaypitaj wañunan p'unchay chayamonqa, manataj pipis payta yanapaj kanqachu.

DIOSPA QHELQACHISQ

⁴⁵ Chay kuraj kamachejqa toldonkunata sayaykuchenqa, mama qochawan, Diospaj t'aqasqa orqowan, chay chawpipi. Chaypitaj wañunan p'unchay chayamonqa, manataj pipis payta yanapaj kanqachu.

Daniel (hebreo) 11:45 Referans Kwoze

2 Tesalonicenses 2:4

Payqa sayaykukonqa, oqharikonqataj tukuy ima Dios sutichasqaj contrampi, chayrí yupaychanaj contrampi; Diospa templonman yaykuspataj Dios jina tiyaykukonqa, kikin Diospis kanman jinataj rikuchikonqa.

Daniel (hebreo) 8:25

Ch'aukiyanapaj may churasqa kasqanrayku, ñaupajman renqa ch'aukiyaypi. Sonqompi may jatun kasqanta yuyakonqa. Sonqo tiyaypi kasqankuta creekoj runakunata ashkhata wañurachenqa. Kurajkunaj kurajnimpa contrampi sayaykonqa. Chay kuraj kajtaj, chay sajra reyta atipaspa chinkachenqa. Chaytataj ruwanqa mana runaj makinwanchu.

Apocalipsis 20:9

Chaykunataj wicharimorqanku maychus jallp'aj jatun kayninman jina. Ajllasqaspa wasi toldosnintataj muyuykorqanku, chay munasqa llajtatawan. Janaj pachamantataj nina uraykamuspa q'olarqa.

Apocalipsis 20:2

Sierpetaj presocharqa chay ñaupa katarita, pichus supay, Satanás karqa. Paytataj waranqa watapaj wataykorqa.

Apocalipsis 13:10

Pillapis presochajqa, presochasqallataj kanqa. Pillapis espadawan wañuchejqa, espadallawantaj wañuchisqa kanqa. Kaypimá kashan ajllasqaspa pacienciankoqa, feninkutaj.

2 Tesalonicenses 2:8

Chaypachataj chay sajra runa rikhurimonqa. Paytataj Señorqa simimpa samayninwan wañuchenqa, jamuynimpa k'anchayninwantaj phirenqa.

Zacarías 14:8

Chaypacha Jerusalenmanta ch'uwa jutoj yaku correrenqa, q'oñi tiempopipis chiri tiempopipis mana ch'akenqachu. Khuskannenqa wañusqa qocha nisqaman renqa, khuskannintaj Mediterráneo nisqaman renqa.

Miqueas 4:2

May chhika llajtastaj jamonqanku nispa: Jamuychej, Señorpa orqonman wicharinachej, Jacobpa Diosnimpa chay yupaychana wasinman, Pay ñankunasninta rikuchinawanchejpaj, purinanchejpajtaj chay ñankunasninta, imaraykuchus Sionmanta llojsimonqa Señorpa yachachiykunasnenqa, kamachiykunasnintaj Jerusalenmanta.

Joel 2:20

Wichaymanta jamoj langostastaqa karunchachisaj qankunamanta. Ch'in pampamantaj qharqosaj. Ñaupajpi kajkunata Wañusqa Qochapi jeq'eqachisaj, qhepapi kajkunatataj Mediterráneo nisqa qochapi. Cuerposninkutaj ismuykonqa, asnaykonqataj. Jatuchej imasta ruwasaj!, nin Señorqa.

Daniel (hebreo) 11:41

K'acha nisqa jallp'amampis yaykonqa, manchay ashkha runastataj wañurachenqa. Edompi tiyakoj runasta, jinallataj Moabpi tiyakoj runastapis mana wañurachenqankuchu, nillataj Amompi tiyakoj runastapis.

Daniel (hebreo) 11:16

Atipajkunaqa, atipasqasta munayninta ruwanqanku, nitaj pipis contrampi sayaykoj kanqachu, k'acha nisqa kaj jallp'amantaj tiyaykonqa, purisqampi tarisqanta t'unaykuspa.

Daniel (hebreo) 7:26

Juezkunataj uj juiciota ruwanqanku. Chay kamachejpata atiynintaj qhechusqa kanqa, chanta chinkachisqataj kanqa.

Daniel (hebreo) 2:35

Chay rato ujllata chay fierropis, t'urupis, broncepis, qolqepis, qoripis ñut'usqas karqanku, imaynatachus chajra oqharina tiempopi trigo trillakojtin q'oshñilla jatarin ajinata. Chanta wayrataj oqharerqa mana imata puchuchispa. Lantita t'unaykorqa chay rumitajrí, uj jatun orqoman tukorqa, tukuynin jallp'amantaj junt'aykorqa.

Ezequiel 39:2

Noqa qanta t'unaykusqayki, pusarimusqayki, wichaynejmantataj wicharichimusqayki, chantá Israelpa lomasnin patasmantaj pusamusqayki.

Isaías 14:13

Qanqa sonqoykipi nej kanki: Cieloman wicharisaj, Diospa qoyllurkunasninmanta aswan patapi, kamachinaypaj tiyanayta churasaj orqospi, patanejpi, maypichus dioskuna tantakunku chaypi.

Isaías 2:2

Qhepa p'unchaykunapi kay jina kanqa, Señorpa wasin lomaqa tukuy orqosmanta aswan patapi sayachisqa kanqa, oqharisqataj kanqa tukuy orqosmanta aswan pataman. Tukuy nacionestaj chaymampuni jamonqanku.

Salmos 48:2

Diospa Sión orqonqa jatun, k'achitutaj. Jaqay pata ladopi kusikuy kashan. Sión orqoqa kusikuy tukuy kay pachapaj, chayqa jatun reypa llajtan.

Isaías 11:9

Chay Santo orqoypeqa mana ima sajratapis ruwanqankuchu, imaraykuchus tukuy jallp'aqa Señorta rejsenqa, imaynatachus marman yaku junt'aykun ajinata.

Isaías 27:13

Chaypacha putututa jatunmanta waqachenqanku, chayta uyariytawan Asiriaman wijch'usqa kajkuna jamonqanku, jinallataj Egiptopi kajkunapis. Chayamuspataj Jerusalempi Santo orqopi Señorta yupaychanqanku.

Isaías 65:25

Atojwan ovejawanqa uj michejniyojlla kanqanku. Leonqa waka jina ichhuta mikhonqa. Katareqa ñut'u jallp'ata mikhonqa. Chay ajllakusqay lomapeqa manaña pipis llakichenqachu, manañataj ñak'arichenqankuchu paykunata, nispa nin Señorqa.

Isaías 66:20

Paykunallataj tukuy nacionesmanta tukuy ayllusniykichejta, pusampusonqachej, uj rikuchikutapis Señorman apamushankuman jina; caballospi, carretaspi, litera ruwasqa carretaspi, mulaspi, camellospi ima, Jerusalén santo ajllasqay orqoyman, nispa nin Señorqa. Kikillantataj israelitaspis chay jampoj jinaqa Señorpa wasinman rikuchikusta apamonqanku, allin llimphu vasospi.

Daniel (hebreo) 9:16

Señor, yachayku may k'acha kasqaykita. Ama jinachu kay ari, Jerusalenmanta karunchay phiñakuyniykita, k'ajaj phiñakuyniykita, imaraykuchus llajtaykimin chayqa, chayllapitaj kashan ajllakusqayki lomaykipis. Tukuy muyuynimpi nacionesmanta kaj runakunaqa, Jerusalenmanta, aylluykimantapis asikunku, noqaykoj juchasniykurayku, jinallataj tatasniykoj juchasninkuraykupis.

Daniel (hebreo) 9:20

Diosmanta mañakushallarqanipuni, juchasniyta willakuspa, jinallataj Israel aylluypa juchasninta willaspa, Señor Diosniypa ñaupaqempi majakuspa ajllakusqan lomanrayku.

Daniel (hebreo) 11:44

Inti llojsimuynejmanta, wichaynejmantawan willaykuna chayamonqanku. Chayta uyarispa wichaypi kaj reyqa mancharisqa qhepakonqa. Chaymanta may phiñasqa llojsenqa, ashkhasta wañurachiyta yuyaspa.

Números 34:5

Chay Asmonmanta rillanqapuni Egiptoj muyuynin chay wayq'okama, chaymanta tinkonqa nisqa mar qochawan.

Isaías 10:12

Señorqa Sión orqopi, Jerusalempiwan ruwaspaña, Asiria reytañataj jasut'enqa, anchata wapuykachasqanta, may kasqanta yuyakusqanmantataj.