Daniel (hebreo) 11:36 - Qheshwa Biblia DC

³⁶ Wichaynejpi kaj reyqa tukuy ima munasqanta ruwanqa. Jatunchakuynenqa maypuni kanqa. Tukuy dioskunajpata kurajnin kasqanta creekonqa. Cheqa Diospa contrantataj manchay sajrata parlanqa. Tukuy imataj paypajqa allin renqa, Dios paypaj jasut'ita apachimunankama. Diosqa imaynatachus ruwanan karqa chaytaqa junt'anqapuni.

DIOSPA QHELQACHISQAN DEUTEROCANONICAL

³⁶ Wichaymanta kaj kuraj kamachejqa munasqanta ruwanqa. Maytapuni jatunchakonqa, jinataj tukuy dioskunamanta aswan kasqanta yuyakonqa. Cheqan kaj Diospa contrantapis manchay millayta parlallanqataj. Paytataj tukuy imapi allin renqa, Dios payta jasut'inankama, imaraykuchus imatachus Dios ruwanan karqa, chayta junt'anqapuni.

DIOSPA QHELQACHISQ

³⁶ Wichaymanta kaj kuraj kamachejqa munasqanta ruwanqa. Maytapuni jatunchakonqa, jinataj tukuy dioskunamanta aswan kasqanta yuyakonqa. Cheqan kaj Diospa contrantapis manchay millayta parlallanqataj. Paytataj tukuy imapi allin renqa, Dios payta jasut'inankama, imaraykuchus imatachus Dios ruwanan karqa, chayta junt'anqapuni.

Daniel (hebreo) 11:36 Referans Kwoze

2 Tesalonicenses 2:4

Payqa sayaykukonqa, oqharikonqataj tukuy ima Dios sutichasqaj contrampi, chayrí yupaychanaj contrampi; Diospa templonman yaykuspataj Dios jina tiyaykukonqa, kikin Diospis kanman jinataj rikuchikonqa.

Deuteronomio 10:17

Señor Diosniykichejqa dioskunaj Diosnin, señorkunaj Señornin. Payqa jatun Dios, atiyniyoj manchachikunataj. Tukuyta kikin munakuyllawan qhawan. Ni ima t'inkaswampis rantichikunchu.

Daniel (hebreo) 11:16

Atipajkunaqa, atipasqasta munayninta ruwanqanku, nitaj pipis contrampi sayaykoj kanqachu, k'acha nisqa kaj jallp'amantaj tiyaykonqa, purisqampi tarisqanta t'unaykuspa.

Daniel (hebreo) 2:47

Chanta Danielman nerqa: Cheqamanta Diosniykichejqa aswan jatun tukuynin dioskunamanta. Paymin reykunaj Señornenqa, tukuy pakaypi kajta sut'inchajtaj. Qan aterqanki kay pakaypi kaj imasta sut'inchayta.

Isaías 14:13

Qanqa sonqoykipi nej kanki: Cieloman wicharisaj, Diospa qoyllurkunasninmanta aswan patapi, kamachinaypaj tiyanayta churasaj orqospi, patanejpi, maypichus dioskuna tantakunku chaypi.

Apocalipsis 10:7

Manachayqa, qanchis kaj ángel parlamojtin, chay p'unchaykunapi trompetata waqachiyta qallarejtin imataj, Diospa pakasqa munaynin junt'akonqa, imaynatachus pay willarqa kamachisnin profetasman, chayman jina.

Isaías 10:25

Kay pisi p'unchaykunamantawan phiñakuynin tukukonqaña, k'ajaj phiñakuyniy paykunata tukuchenqa.

Salmos 136:2

Graciasta qoychej dioskunaj Diosninman, khuyakuynin wiñaypaj kasqanrayku.

Apocalipsis 17:17

Diosqa sonqonkupi churarqa paypa munayninta ruwanankupaj, uj sonqolla kanankupaj, suyutataj phiña animalman qonankupaj, Diospa nisqan junt'akunankama.

Apocalipsis 17:3

Chantá, Espíritu ch'in pampaman pusawarqa, rikorqanitaj uj warmita. Puka phiña animalpa patampi tiyasharqa. Chay animalqa Diospa contrampi rimay sutiswan junt'a karqa, qanchis umayoj, chunka wajrayojtaj.

Apocalipsis 12:14

Warmimantaj jatun ankajpa iskaynin lijrasninta qorqanku, phawanampaj katarej qayllanmanta ch'innejman, maypichus tiyakun chayman, maypitajchus mikhuchinku uj tiempopaj, tiempospaj, khuskan tiempopaj ima.

San Juan 6:38

Mana munayniyta ruwanaypajchu janaj pachamanta uraykamorqani, astawanqa kachamuwajniypa munayninta ruwanaypaj jamuni.

San Juan 5:30

Jesustaj nerqa: Mana imatapis noqallamanta ruwanichu, uyarisqayman jina noqa juzgani; juzgasqaytaj cheqampuni, imaraykuchus mana noqaj munayniytachu mask'ani; astawanqa kachamuwaj Tataypa munaynillanta.

Daniel (hebreo) 12:7

Linomanta p'achayoj runaqa, makisninta janaj pachaman oqharispa, kausaj Diospa sutimpi juraspa nerqa: Kinsa tiempo khuskanniyojmanta, maypachachus Diospa ayllumpata atiynin mana atipasqañachu kanqa, chaypacha kay tukuynin imasqa tukukonqa.

Daniel (hebreo) 11:3

Chay qhepatataj manchayta maqanakoj rey rikhurenqa, jatun nacionta kamachenqa, munasqantataj ruwanqa.

Daniel (hebreo) 8:4

Chay carnerotaqa rikorqani wajrashajta inti yaykuynejman, wichaynejman uraynejmantaj. Mana ima animalpis ñaupaqempi sayaykuyta aterqachu. Imatapis munasqanta ruwarqa, sapa kutimantataj aswan kallpayojman tukorqa.

Daniel (hebreo) 7:8

Chay wajrasta qhawashaspataj rikorqani uj aswan juch'uy wajritata p'utumojta chay ujkunaj chaupinkumanta, chanta sik'irarqanku kinsa wajrasta, qhepata p'utumoj wajritaman campota qonankupaj. Chay juch'uy wajritaj ñawisnintaj runaj ñawisninman rijch'akorqanku, jatun jatunmanta parlaj simiyojtaj karqa.

Daniel (hebreo) 4:35

Paypa ñaupaqempi mana imapis kankuchu kay jallp'a patapi tukuy tiyakojkunaqa. Pay ruwan munayninman jina, janaj pachapi, jinallataj kay pachapipis. Mana pipis kanchu Diospa atiyninman sayaykojqa, manallataj pipis payta tapurinmanchu, imarayku jinata ruwanki?, nispa.

Isaías 46:10

Qallariymantapacha qhepaman imaschus kananmanta willani. Noqaqa unaymantapacha willani manaraj imapis kashajtin. Noqaqa nini: Noqaj nisqayqa wiñaypaj kanqa. Imatachá munasqayta noqaqa ruwasaj.

Isaías 26:20

Kunanqa, ayllúy, riy ari, wasiykiman yaykuy, punkuykitataj wisq'aykakamuy. Chaypi uj pisita pakakuy, Señorpa k'ajaj phiñakuynin tukukunankama.

Proverbios 19:21

Runaqa ashkha imasta wakichin, chaykunatataj Dioslla atin junt'achiyta.

Salmos 33:10

Señor Diosqa, llajtaspa ruwayta munasqankuta mana kajman tukuchin.

Josué 22:22

Tukuy dioskunaj Diosnin Señor yachan, mana Señorpa contrampichu, nitaj paymanta t'aqakunaykuraykuchu kay altarta ruwasqaykuta. Pay yachan imaynachus kasqaykuta, qankunamampis yachachisunkichej. Sichus Señorpa contranta, paymanta t'aqakunaykurayku chay imasta ruwayku chayqa, kunampacha wañurachiwayku.

2 Tesalonicenses 2:3

Ama piwampis, ni imaynamanta ch'aukiyachikuychejchu, imaraykuchus ñaupajta femanta t'aqakuyraj jamunan tiyan; chay qhepatataj juchallikoj runa rikhurimonqa, wañuypaj t'aqasqa runa.

2 Tesalonicenses 2:8

Chaypachataj chay sajra runa rikhurimonqa. Paytataj Señorqa simimpa samayninwan wañuchenqa, jamuynimpa k'anchayninwantaj phirenqa.

Apocalipsis 13:1

Mar qocha t'iyu patapi sayaykukorqani. Rikorqanitaj mar qochamanta uj phiña animalta wicharimushajta, chunka wajrayojta, qanchis umayojtataj; wajrasnin patapitaj chunka pilluyoj, umasnin patapitaj Diospaj sajrata rimay sutisniyoj.

Ezequiel 35:13

Qankunaqa simiykichejta jatunmanta kicharerqankichej, contraypitaj ashkhata parlarqankichej. Chayta noqa uyarerqani.

Daniel (hebreo) 5:19

Payman atiyta qosqanrayku, tukuy ayllusmanta, nacionkunamanta, tukuy laya parlayniyoj runakuna payman k'umuykorqanku, kharkatiterqankutaj paypa ñaupaqempi. Paytaj wañucherqa chayri, kausananta saqerqa pitachus munasqanta. Wakinta jatuncharqa, wakintataj k'umuykachacherqa.

Daniel (hebreo) 5:20

Maypachatajchus sonqompi jatunchakorqa, sajrayarqataj wapuchakuspa chaypacha, rey kasqampi atiynin, jatun kasqampis paymanta qhechusqa karqa.

Daniel (hebreo) 11:37

Kay reyqa ñaupa tatasnimpa diosninkuta mana kasuta ruwanqachu, ni warmispa munasqa diosninkuta, nillataj waj dioskunatapis kasonqachu. Paylla tukuyninkoj kurajninku kasqanta creekonqa.

Isaías 10:5

Asiria, qanqa phiñakuyniypi wajtanay k'aspi kanki, phiñakuspa oqharinay k'aspi kanki.

Isaías 10:23

Tukuy Atiyniyoj Señorqa, imatachus kay pachapi ruwasaj nisqanta junt'anqapuni.

Isaías 14:14

Phuyus pataman wicharisaj, Patapi kaj Diosmantaj rijch'akusaj, nispa.

Isaías 30:33

Unaymantapacha, Asiriapaj, reynimpajwan ñak'arina cheqa wakichisqa kashan manchay jatun, ukhutaj. Chay ruphachinaqa ashkha llant'ayoj ninayoj ima kashan. Chaymantaj Señorqa azufre mayuta jina samayninwan jap'iykuchenqa.

Isaías 57:9

Moloc sutiyoj lantiman sumajta k'achanchakuspa, sumaj q'apashaj jawinaswan jawiykukuspataj rerqanki. Kachasniykita karuman, wañuy cheqakama, kacharqanki.

Zacarías 11:16

Kay jallp'aman churasaj uj michejta; chay michejqa mana watukonqachu chinkasqa ovejastaqa, nitaj mask'aj churakonqachu, nitaj nanasqasnintapis jampirenqachu, mana puriyta atejkunatapis mana yanaparenqachu, manachayri wira kajpa aychanta mikhuykakaponqa, ni chaki sillusnillantapis puchurenqachu.