Daniel (hebreo) 11:35 - Qheshwa Biblia DC

³⁵ Yachayniyojkunamanta wakin qhatiykachisqasllataj kanqanku. Ajina ñak'ariywan, paykunaqa llimphuchasqas, sumajyachisqas, yurajyachisqastaj kanankupaj, tukukuypaj wakichisqa rato chayamunankama.

DIOSPA QHELQACHISQAN DEUTEROCANONICAL

³⁵ Chay yachayniyojkunamantataj wakinkuna qhatiykachasqa kanqanku. Ajina ñak'ariynejta paykuna llimphuchasqa, sumajyachisqa, yurajyachisqataj kanqanku.

DIOSPA QHELQACHISQ

³⁵ Chay yachayniyojkunamantataj wakinkuna qhatiykachasqa kanqanku. Ajina ñak'ariynejta paykuna llimphuchasqa, sumajyachisqa, yurajyachisqataj kanqanku.

Daniel (hebreo) 11:35 Referans Kwoze

Apocalipsis 7:14

Noqataj payman kuticherqani: Wiraqochi, chaytaqa qan yachanki, nispa. Paytaj niwarqa: Kaykunaqa jatun llakiymanta jamojkuna kanku. P'achasninkuta t'ajsarqanku, Corderoj yawarnimpitaj yurajyacherqanku.

Apocalipsis 2:10

Ama manchachikuychu chay imasta ñak'arinaykimantaqa. Qhaway, qankunamanta wakinta supayqa carcelman wisq'achenqa, rejsisqa kanaykichejpaj, chunka p'unchaytataj llakiyniyoj kankichej. Wañuykama creellaypuni, noqataj kausay pilluta qanman qosqayki.

Proverbios 17:3

Qoritawan qolqetawanqa nina llimphuchan; runaj yuyaynintataj Señorlla llimphuchan.

Santiago 1:2

Hermanosníy, qankunaqa may sonqo junt'asqa kaychej, imaymana llakiykuna jamusojtiykichej.

Daniel (hebreo) 11:40

Maypachachus tukukuy rato chayamonqa chaypachaqa, uraynejpi kaj rey jatarenqa, wichaynejpi kaj reypa contrampi. Kay kajtaj llojsispa, kaymanta jinalla tukuy atiywan yaykonqa, uraypi kaj reypa contrampi, carretaswan, caballería tropaswan, ashkha barcoswan ima. Jallp'asman yaykuspa junt'aykonqanku, chanta pasakaponqankutaj.

Daniel (hebreo) 8:10

Chhikantapuni wiñarqa, janaj pachapi kajkunaman chayanankama. Chaykunamanta wakinta, jinallataj wakin qoyllurkunatawan urmarachimuspa sarurarqa.

Deuteronomio 8:16

Chay jina ch'impi Maná nisqa t'antata mikhuchisorqachej, chaytaqa tatasniykichejpis mana rejserqankuchu. Ajinamanta qankunata llakichispa, yachanampaj imaynachus kasqaykichejta, qhepamanqa allin rinasuykichejpaj.

Apocalipsis 17:17

Diosqa sonqonkupi churarqa paypa munayninta ruwanankupaj, uj sonqolla kanankupaj, suyutataj phiña animalman qonankupaj, Diospa nisqan junt'akunankama.

Apocalipsis 14:15

Waj angeltaj templomanta llojsimorqa. Phuyu patapi kajman qhaparerqa, nispa: Joseykita jap'iy, ruthuytaj. Ruthuna hora chayamunña, jallp'aj poqoynenqa ñapis poqosqaña.

San Juan 20:25

Yachachisqastaj payman nerqanku: Señorta rikuyku. Tomastaj paykunaman nerqa: Sichus makisnimpi clavospa jusk'usqanta mana rikusaj chayqa, mana creesajchu. Chantá manatajchus dedoyta clavospa jusk'usqanman sat'iykusaj, nillataj wajtannimpi lanzawan t'ojsisqaman makiyta churaykusaj chaypis, manapuni creesajchu.

San Juan 15:2

Tukuy rama noqapi kashaspa, mana poqonmanchu chayqa, Dios Tata k'utonqa. Poqoyta apaj ramatataj llimphuchanqa, astawan poqoyta apanampaj.

San Mateo 26:56

Kay tukuy imaqa ruwakun profetaspa escribisqan junt'akunampaj. Chaymantataj tukuynin yachachisqasnin saqerpayaspa ayqerqanku.

San Mateo 16:17

Jesustaj kuticherqa: Kusikuyniyoj kanki Simón, Jonaspa wawan; kaytaqa mana runachu yachachisunki; manachayrí, janaj pachapi kashaj Tatay kaytaqa yuyaychasunki.

Daniel (hebreo) 12:4

Qantaj Daniel, kay imastaqa sonqoykipi pakay, sellaykuytaj librota tukukuy p'unchay chayamunankama. Ashkha runas kayman jaqayman puriykachanqanku, astawan yachayta munaspa.

Daniel (hebreo) 11:33

Llajtapi kaj yachayniyojkunaqa, ashkha runasta yachaykuchenqanku. Chay yachayniyojkunatataj wakinta ruphachenqanku, wakinmantataj tiyapuyninta suwanqanku, wakinkunataj apasqas kanqanku. Pisi tiempollata ajina kanqa.

Daniel (hebreo) 11:29

Señalasqa rato chayamojtintaj, reyqa ujtawan soldadosninwan puririllanqataj, uraypi kaj reypa contrampi. Kay maqanakuypitaj, mana ñaupajta jina atipayta atenqachu.

Daniel (hebreo) 11:27

Chaypacha iskayninku reyes, mana allin kajta ruwanakuyta munaspalla, khuska tiyarikonqanku mikhunankupaj. Chaypitaj llullata purajmanta ninakonqanku. Manataj mayqenninkupis yuyasqankuta junt'anqankuchu. Manaraj chaypajqa horachu kanqa.

Daniel (hebreo) 9:27

Uj semanatawan, chay reyqa tratota ruwanqa ashkha runaswan. Chaupi semanamantataj rikuchiku uywa jaywanata, ofrenda qonatapis sayachenqa. Uywata wañuchispa Diosman jaywana altarpa ñaupaqempi ashkha millay imasta ruwanqanku, imachus ruwakunampaj nisqaña karqa chay, millay imasta ruwachejpa patanman urmamunankama.

Daniel (hebreo) 8:17

Chanta Gabrielqa qayllaykamuwarqa. Noqataj mancharikuywan pampakama k'umuykorqani, paytaj niwarqa: Runa, yachay, chay mosqoypi jina rikhurisojqa niyta munan, p'unchaykunaj tukukuyninmanta.

2 Crónicas 32:31

Maypachachus Babiloniamanta kamachejkuna watunankupaj kachasta kachamorqanku, yachanankupaj chay nacionespi Diospa milagron imaynachus ruwasqas kasqanta. Chaypacha Diosqa sapallanta Ezequiasta saqerqa allinta yachayta munaspa, imaynatachus sonqompi yuyarqa chayta.

Hechos 13:13

Pablotaj paywan kajkunawan Pafosmanta botepi Pergeman rerqanku. Pergeqa Panfiliapi karqa. Juan Marcostaj, paykunata saqerparispa kutiporqa Jerusalenman.

Habacuc 2:3

Chaywampis manaraj chayamunchu rikusqayniykiman jina junt'akunanqa, chaywampis mana junt'akuspaqa mana qhepakonqachu. Qhaparejmanña rijch'asunki chaypis suyarillay, chaypaj junt'akunan tiempoqa chayamullanqa.

Isaías 27:9

Ajinamanta Jacobpa millay juchasnenqa perdonasqa kanqa. Chaytaj ruwasqa kanqa kay jinata ruwanan kajtin: Tukuy altaresninta cal rumista jina jallp'aman tukuchinan kajtin, amaña yupaychana k'ulluspis kachunchu, amataj intiman rijch'akoj lantispis.

Daniel (hebreo) 12:3

Yachayniyoj runasqa, janaj pacha jina lliphipiranqanku. Ashkha runasman cheqa kajta yachachejkunataj, wiñaypaj lliphirenqanku estrellas jina!