Daniel (hebreo) 1:2 - Qheshwa Biblia DC

² Señor saqerqa Nabucodonosor rey Joacimta jap'iykunanta, Diospa templompi kaj imasta kuraj parteta apakapunantataj. Nabucodonosorqa presosta Babiloniaman aparqa, Diospa templonmanta orqhorqa chay imastarí, dioskunasnimpa waqaychasninmantaj churarqa.

DIOSPA QHELQACHISQAN DEUTEROCANONICAL

² Chantá Tukuyta Kamachej Dios nerqa Nabucodonosor Judá suyuta kuraj kamachej Joacinta jap'inanta, jinataj Diospa Templonpi kaj imakunamanta wakinta apakapunanta. Nabucodonosortaj Diospa Templonmanta imakunata Babiloniaman apaspa, lantinta yupaychana wasipi, lantinpa tiyapuyninta waqaychana wasiman churarqa.

DIOSPA QHELQACHISQ

² Chantá Tukuyta Kamachej Dios nerqa Nabucodonosor Judá suyuta kuraj kamachej Joacinta jap'inanta, jinataj Diospa Templonpi kaj imakunamanta wakinta apakapunanta. Nabucodonosortaj Diospa Templonmanta imakunata Babiloniaman apaspa, lantinta yupaychana wasipi, lantinpa tiyapuyninta waqaychana wasiman churarqa.

Daniel (hebreo) 1:2 Referans Kwoze

2 Crónicas 36:7

Nabucodonosorqa Babiloniaman Señorta yupaychana wasimpi kaj ruwanapaj nisqa wakin imasta apakaporqa. Chaykunatataj Babiloniapi yupaychana wasinman churaykorqa.

Zacarías 5:11

Payta kutichiwarqa: Babiloniapi uj templota jatarichenqanku. Tukusqaña kajtintaj, chukusta jatarichenqanku chay pataman churanankupaj, nispa.

Jueces 4:2

Chantá, Señorqa Jabimpa atiyninmanñataj israelitasta churarqa, Jabinqa cananeo rey karqa, kamachisharqataj Hazor llajtapi. Soldadosnimpa kamachejnintaj Sísara karqa, payqa tiyakorqa Haroset-goimpi.

Jueces 3:8

Chayraykutaj Señorqa paykunaj contrampi sinch'ita phiñakorqa, Mesopotamiamanta rey Cusan-risataimwantaj saqerqa atipachikojta. Pusaj wata junt'a israelitasqa rey Cusan-risataimta sirverqanku.

Jueces 2:14

Chayrayku Señorqa israelpa contrampi sinch'ita phiñakorqa, tukuy kapuyninkuta suwaswan qhechurparicherqa, chay qayllasninmanta kaj enemigosnintaj maqanakupi atipaykorqanku, paykunataj mana kutichikuyta aterqankuchu.

Deuteronomio 32:30

Imaynamantataj uj runalla waranqa runasta qhatiykachayta atinmanri? Imaynamantataj iskay runaslla chunka waranqa runasta ayqechiyta atinkumanri? Ajina kanqa jark'akojtinku paykunata saqerpayasqanrayku, Señorninku enemigosninkuman entregasqanrayku.

Génesis 11:2

Inti llojsimuynejmanta llojsimuspa tarerqanku uj pampata Sinarpi, chaypitaj qhepakorqanku unayta tiyakunankupaj.

Génesis 10:10

Kamachiskasninku llajtasqa karqanku Sinar jallp'api: Babel, Erec, Acad, Calnewan.

Habacuc 1:16

Chayraykumin challwa jap'ejkunaqa chay anzuelosninkuta ch'ipasninkutapis munakunku, chayraykutaj rikuchikusta jaywanku, inciensostapis q'osñichinku, agradecekuspa chaykuna ashkhata allintataj mikhuchisqanmanta.

Daniel (hebreo) 5:18

Tukuy Atiyniyoj Dios, Nabucodonosor tataykiman qorqa reinota, jatun atiyta, gloriata, jatumpaj qhawasqa kayta ima.

Jeremías 51:44

Babiloniaj diosnin Belta jasut'isaj, chay imatachus ajtuykusqanta ajtuchimusaj, manañataj nacionespis payman qayllaykonqankuchu. Babiloniaj perqasnin thuñiykukunña.

Isaías 11:11

Chaypacha Señorqa ujtawan atiyninta rikuchillanqataj, maykunapichus ayllusninmanta kajkuna puchorqanku chaykunata kutichimunampaj: Asiriamanta, Egiptomanta, Patrosmanta, Etiopiamanta, Elanmanta, Sinarmanta, Hamatmanta, Mar qocha cantosmantawan.

Esdras 1:7

Rey Cirotaj, orqhochimorqa Señorpa templompi karqanku chay imasta. Chaykunataqa, Nabucodonosor Jerusalenmanta apachispa dioskunasnimpa templonman churachisqa.

1 Samuel 5:2

Filisteosqa Diospa trato cajonninta apakaporqanku diosninkoj Dagompa yupaychana wasinman, chay diosninkoj ladonmantaj churaykorqanku.

Isaías 42:24

Pitaj Jacobta suwasqa kananta saqerqa? Israelmantataj qhechunankuta? Manachu Señor chaytaqa ruwarqa contranta juchallikusqanchejrayku? Noqanchejqa mana ñannintachu purerqanchej, manataj kamachisqasnintapis kasorqanchejchu.

2 Reyes 24:1

Joacimpa p'unchaykunasnimpitaj Babiloniamanta rey Nabucodonosor maqanakoj llojsimorqa, Joacimtaj chay reypata kinsa watata kamachin karqa. Jina kashaspataj paypa contrampi oqharikorqa.

Jeremías 25:1

Josiaspa wawan Joacim Judapi tawa watataña kamachishajtin, Señorqa uj willayta Jeremiasman parlaykorqa, tukuynin Judá aylluman imaschus kananmanta. Chayqa karqa Babiloniapi rey Nabucodonosor uj watapi kamachishajtillanraj.

Jeremías 27:16

Nillarqanitaj sacerdotesman, tukuy aylluymampis: Kayta nin Señorqa: Chay profetasta ama kasuychejchu. Paykunaqa nisunkichej: Babiloniamanta ña kutichiponqankuña, Diosta yupaychana wasispi kaj imasta. Chay nisusqankoqa llullaslla kanku.

Jeremías 28:3

Rey Nabucodonosor Diosta yupaychana kay imasta Babiloniaman aparqa, chaykunata iskay watamantawan kayman kutichimullasajtaj.

Jeremías 35:11

Jinapis maypachachus Babiloniaj reynin Nabucodonosor kay jallp'aman yaykuykamorqa, chaypacha Jerusalenman risunman nerqayku caldeospa soldadosninmanta ayqenaykupaj, jinataj arameosmantapis; chayraykumin Jerusalempi tiyakushayku.

Jeremías 50:2

Tukuy naciones ukhupi chayta willaramuychej yachanankupaj. Uj wiphaylata oqhariychej señalta jina, ama uj chhikanta pakarispa. Kay jinata niychej: Babiloniata jap'ikapunku. Bel nisqa diosninku p'enqaypi rikhurichisqa karqa. Marduc nisqa diosninku manchariywan junt'a kashan. Chay lantisninku, mana kaj dioskunasninku p'enqaypi rikhurichisqas karqanku, mancharikuywan junt'astaj.

Daniel (hebreo) 5:13

Chanta Danielta pusarqanku reypa ñaupaqenman. Reytaj payta tapurerqa: Qanchu Daniel kanki, tatay Nabucodonosor rey kashaspa, Judeamanta jap'isqasta apachimorqa chay judiokunamanta ujnin kajqa?

2 Crónicas 36:5

Joacemqa iskay chunka phishqayoj watasniyoj karqa kamachiyta qallarishaspa. Jerusalempitaj chunka ujniyoj watasta kamacherqa. Ruwasqasninrí mana allinkunachu karqa Señor Diosnimpa rikuynimpeqa.