Apocalipsis 9:1 - Qheshwa Biblia DC

¹ Phishqa kaj angeltaj trompetata waqacherqa. Chaypacha rikorqani uj qoyllurta janaj pachamanta jallp'aman urmamojta; ukhu pacha pujyoj llavesnintataj payman qorqanku.

DIOSPA QHELQACHISQAN DEUTEROCANONICAL

¹ Phishqa kaj angelñataj trompetanta waqachejtin, noqa janajmanta kay pachaman uj ch'askata urmamojta rikorqani. Chay ch'askamantaj ukhu pachaj llaventa qorqanku.

DIOSPA QHELQACHISQ

¹ Phishqa kaj angelñataj trompetanta waqachejtin, noqa janajmanta kay pachaman uj ch'askata urmamojta rikorqani. Chay ch'askamantaj ukhu pachaj llaventa qorqanku.

Quechua South Bolivia: Dios Parlapawanchej

¹ Phishka caj angel tocarka. Chanta ricorkani ujta ch'ascajina urmamojta janaj pachamanta cay pachaman. Paymantaj uqhu pachaj puncunpa llaven koska carka.

Apocalipsis 9:1 Referans Kwoze

Apocalipsis 8:10

Kinsa kaj angeltaj trompetata waqacherqa. Janaj pachamantataj uj jatun ch'aska urmamorqa, uj k'anchay jina larwaspa; mayuspa kinsa kaj t'aqanman urmarqa, yaku pujyusmanwan.

Apocalipsis 9:2

Ukhu pacha pujyutataj kicharerqa, pujyoj q'osñintaj wicharimorqa uj jatun hornoj q'osñin jina. Intitaj, wayrapis laqhayaykorqa chay pujyoj q'osñinrayku.

Romanos 10:7

Chayrí, pitaj ukhu pachaman uraykonqari? Chayqa niyta munan: Cristota wañusqakunamanta wicharichinapaj.

Apocalipsis 1:18

Noqa kani kausaj, wañusqataj karqani, kunantaj wiñay wiñaypaj kausashani. Wañuypa llavesnintapis, infiernoj llavesnintawan noqa jap'ini.

Apocalipsis 20:1

Rikorqanitaj uj angelta janaj pachamanta uraykamushajta, makimpitaj ukhu pachaj llaventa jap'ishajta, uj jatun cadenatawan.

Apocalipsis 17:8

Chay rikusqayki phiña animalqa karqa, manataj kanchu. Ukhu pachamanta wicharimonqa, chinkaymantaj renqa. Jallp'a patapi tiyakojkunataj, pikunaj sutisninkuchus kausay libropi mana escribisqachu kashanku kay mundoj qallariyninmantapacha, phiña animalta rikuspa t'ukonqanku. Chay animaltaj karqa, manataj kanchu, kanqataj.

San Lucas 8:31

Chay espiritustaj Jesusmanta mañakorqanku ama kachananta qaqaman urmaykojta.

Apocalipsis 8:12

Tawa kaj angeltaj trompetata waqacherqa. Intej kinsa kaj t'aqan, killaj kinsa kaj t'aqan, qoyllurkunajtapis kinsa kaj t'aqan wajtasqa karqa. Chayrayku p'unchaypa kinsa kaj t'aqan manaña k'ancharqachu, ajinallataj tutajtapis.

Apocalipsis 8:2

Rikorqanitaj Diospa ñaupaqempi qanchis angelesta sayashajta. Paykunamantaj qanchis pututus qosqa karqa.

Apocalipsis 20:10

Paykunata ch'aukiyaj supaytaj nina qochaman wijch'uykusqa karqa, maypichus chay phiña animal, llulla profetawan kasharqanku chayman; tuta p'unchaytaj, wiñaypa wiñayninkama ñak'arenqanku.

Apocalipsis 1:20

Pakasqa yachacheyqa chay qanchis qoyllurkunamanta, paña makiypi rikusqayki chay qanchis k'anchachinasmantawanqa, kay jina: Qanchis qoyllurkunaqa, qanchis iglesiaspa angelesnin; qanchis k'anchachinas rikusqaykitaj, qanchis iglesias kanku.

San Lucas 10:18

Paytaj nerqa: Noqaqa supayta rikorqani, lliuj lliuj jina cielomanta urmamojta.

Isaías 14:12

Sut'iyay ch'aska, kay jinatachu cielomantaqa urmamunki! Qanqa nacionesta atipaj kanki, kunantaj pampapi wijch'usqa rikhurinki.

Apocalipsis 6:13

Cielo qoyllurkunataj jallp'a pataman urmaramorqanku, imaynatachus higo sach'ata wayra thalaspa, higosta urmarachin, ajinata.

Apocalipsis 11:7

Willayta tukojtinkuña, supayqa phiña animal jina, ukhu pacha pujyumanta wicharimuspa paykunawan maqanakonqa, atipanqa paykunata, wañuchenqataj.