Apocalipsis 21:27 - Qheshwa Biblia DC

²⁷ Chaymanqa mana ima ch'ichi kajpis yaykonqachu, nitaj millayta ruwajkuna, chayrí llullakojkunapis. Manachayqa Corderoj kausay librompi escribisqa kajkunalla yaykonqanku.

DIOSPA QHELQACHISQAN DEUTEROCANONICAL

²⁷ Chaymanqa mana ni ima ch'ichi kajpis yaykonqachu, nitaj millayta ruwajkuna, ni llullakojkunapis. Manachayqa Corderoj kawsay p'anqanpi listasqa kajkunalla yaykonqanku.

DIOSPA QHELQACHISQ

²⁷ Chaymanqa mana ni ima ch'ichi kajpis yaykonqachu, nitaj millayta ruwajkuna, ni llullakojkunapis. Manachayqa Corderoj kawsay p'anqanpi listasqa kajkunalla yaykonqanku.

Quechua South Bolivia: Dios Parlapawanchej

²⁷ Chaymanka ni jayc'aj yayconkachu ni ch'ichichaska cajpis ni millay ruwajpis, nitaj llulla cajpis. Manachayrí wiñay causayta koj Corderoj libronpi kelkaska cajcunalla chayman yayconkancu.

Apocalipsis 21:27 Referans Kwoze

Isaías 52:1

Sión llajta, rijch'ariy, rijch'arikuy, atiywan p'achallikuy; ajllasqa Jerusalén llajta, sumaj k'acha p'achaykita churakullayña; imaraykuchus mana circuncidasqa millay sajra ch'ichi runasqa manaña jayk'ajpis yaykumusonqankuchu.

Apocalipsis 20:15

Pichus kausay libropi mana escribisqachu tarikorqa chayqa, nina qochaman wijch'usqa karqa.

Apocalipsis 3:5

Ajinata atipajqa yurajwan p'achallikonqa, manataj kausay libromanta sutinta pichasajchu. Tataypa ñaupaqempi, angelesnimpa ñaupaqempitaj sutinta rejsichisaj.

Isaías 35:8

Chaypi kanqa uj sumaj ñan, sutintaj kanqa Santo ñan. Chayta juchayoj runaqa manapuni renqachu, nitaj ima wampu runapis chay ñantaqa pantanqachu.

San Mateo 13:41

Runaj Churin kachamonqa angelesninta, orqhonampaj reinonmanta, juchaman misk'achej tukuy runasta juchasapastawan. Nina hornomantaj enqhaykonqanku; chaypitaj manchay waqay, kiru k'arukuytaj kanqa.

Joel 3:17

Chaypachamá qankuna yachankichej, noqa Señor Diosniykichej, tiyakusqayta noqaj t'aqasqa Sión orqopi. Jerusalemtaj noqapaj t'aqasqa llajta kanqa. Manataj jayk'ajpis waj llajtayojkuna atipanqankuchu.

Ezequiel 44:9

Señorqa kay jinata nin: Mayqen waj llajtayoj runa sonqompi, aychampipis mana circuncidasqa runaqa wasiyman mana yaykonqachu, nillataj Israel ayllu ukhupi kashanku chay waj llajtayoj runaspis.

Efesios 5:5

Kayta yachaychej: Qhenchachakojqa, ch'ichi imasta ruwajqa, lantita yupaychajman rijch'akoj mich'a kajpis, mana chayaqeta jap'enqankuchu Cristojtawan, Diospatawan reinonkupi.

Salmos 101:8

Sapa paqarin kay jallp'api juchasapasta chinkachisaj. Señorpa llajtanmanta tukuy chay sajra ruwajkunata wijch'usaj.

Apocalipsis 21:8

Manchachikojkunarí, mana creejkuna, millay kajkuna, runa wañuchis, qhenchachakojkuna, layqakuna, lanti yupaychajkuna, tukuy llullakojkunapis, chayaqepaj jap'enqanku, ninawan azufrewan larwashan chay qochata. Chaymá iskay kaj wañoyqa.

Apocalipsis 13:8

Tukuy jallp'api tiyakojkunataj payta yupaycharqanku; manataj paykunaj sutinkoqa escribisqachu karqa Corderoj kausaynimpa librompeqa. Corderoqa wañuchisqa karqa kay mundoj qallariyninmantapacha.

Hebreos 12:14

Allin kausayta tukuywan mask'aychej, llimphu kaytapis, mana chaywanqa, mana pipis Señorta rikonqachu.

Apocalipsis 20:12

Rikullarqanitaj wañusqasta, jatuchejkunata, juch'uykunatapis Diospa ñaupaqempi sayashajta. Libros kicharikorqanku, chantá waj libropis kicharikullarqataj. Chayqa kausaypa libron. Wañusqastaj juchachasqas karqanku, imamantachus librospi escribisqa kasqanmanta, ruwasqankuman jina.

Isaías 60:21

Llajtaykipi runasqa tukuy imata cheqantapuni ruwanqanku; jallp'ata chayaqenkupaj wiñaypaj jap'ikonqanku, ajinamanta makisniywan ruwasqasniy ch'illchimojkuna noqata yupaychanawankupaj.

Filipenses 4:3

Jinallatataj qantapis mañakuyki, llank'aj masi, kamachiykitaj yanapanaykita chay hermanasta, imaraykuchus paykunaqa noqawan mayta kallpachakorqanku evangeliota willaspa. Clementepis, chay ujkunapis llank'aysiwarqanku. Paykunaj sutinkoqa kausay libropiña escribisqa.

Zacarías 14:21

Judapi, jinataj Jerusalempi mankasqa Tukuy Atiyniyoj Señorman t'aqasqas kanqanku. Pillapis uj rikuchikuta qoyta munajqa chay mankasta oqharispa, uywaspa aychanta chayachispa qoyta atillanqa. Chay p'unchaypeqa manaña kanqachu qhatojkuna Tukuy Atiyniyoj Señorpa yupaychana wasimpi.

Números 12:15

Ajinata Mariaqa qanchis p'unchayta jaramanta jawaman wijch'usqa karqa. Chaykamataj runasqa mana maywampis purirerqankuchu.

Números 5:3

Chaykunata jawaman orqhochunku qharispis warmispis kachunku. Ajinamanta jaraqa llimphupaj qhawasqa kanqa imaraykuchus noqa paykunaj chaupinkupi kashani.

Levítico 13:46

Chay lepra onqoyniyoj kashaspaqa mana llimphupajchu qhawasqa kanqa. Chantapis sapallan tiyakunan tiyan jaramanta jawapi.

Éxodo 32:32

Noqa mañakuyki paykunaj juchankuta pampachanaykita, mana chay juchankuta pampachanki chayqa, kunampacha libroykipi escribisqayki sutiyta orqhopuway.

Marcos 7:2

Rikorqankutaj Jesuspa wakin yachachisqasninta, ch'ichi makiswan mana mayllakuspalla mikhushajta.

San Lucas 10:20

Chaywampis, ama kusikuychejchu supaykuna kasusojtiykichej, astawanqa kusikuychej janaj pachapi sutiykichej escribisqa kasqanmanta.

1 Timoteo 1:10

Millay purejkunapaj, qharipura juchallejkunapaj, runasta suwajkunapaj, llullaspaj, qhasimanta Diospa sutinta oqharejkunapaj, allin yachachiypa contrampi kajkunapaj.

2 Pedro 3:13

Noqanchejqa suyashanchej mosoj janaj pachakunata, mosoj jallp'atawan, Diospa promesanman jina. Chaykunapitaj cheqan kausay tiyan.