Apocalipsis 21:23 - Qheshwa Biblia DC

²³ Llajtaqa mana necesitanchu intita, nitaj killatapis chaypi k'anchanampaj. Diospa k'anchaynin llajtata k'anchaykun, k'anchanantaj Cordero.

DIOSPA QHELQACHISQAN DEUTEROCANONICAL

²³ Llajtataqa mana intichu k'anchanan karqa, nitaj killachu, imaraykuchus Diospa jatun kayninpa lliphipiynin k'anchan, chay k'anchajtaj Cordero.

DIOSPA QHELQACHISQ

²³ Llajtataqa mana intichu k'anchanan karqa, nitaj killachu, imaraykuchus Diospa jatun kayninpa lliphipiynin k'anchan, chay k'anchajtaj Cordero.

Quechua South Bolivia: Dios Parlapawanchej

²³ Diospa cheka caynenka llajtata c'ancharka, Corderopis c'anchaynin carka. Chayraycu manaña tiyarkachu ni inti nitaj quilla.

Apocalipsis 21:23 Referans Kwoze

Apocalipsis 22:5

Chaypitaj tuta mana astawan kanqañachu. Manataj k'anchanaj k'anchayninta necesitanqankuñachu, nitaj intej k'anchaynintapis. Diosqa Señortaj k'anchaykonqa paykunata; wiñay wiñaypajtaj paykuna kamachenqanku.

Apocalipsis 21:11

Jerusalén llajtaqa Diospa k'anchayninwan lliphipisharqa. Lliphipiynintaj rijch'akoj uj sumaj k'achitu qhapaj rumiman, jaspe rumiman. Cristal jinataj ch'uwa karqa.

San Juan 1:9

Cheqa k'anchayqa, kay pachapi tukuy runasman k'anchanampaj jamorqa.

Isaías 24:23

Jerusalempi Sión orqopi Tukuy Atiyniyoj Señor kamachiyta qallarejtin, intiwan killawan laqhayaykonqanku. Chay llajtamanta kurajkunataj Señorpa atiyninta rikonqanku.

Apocalipsis 18:1

Kay imas qhepata waj angelta rikorqani janaj pachamanta uraykamushajta, jatun atiywan. Kay pachataj lliphiperqa angelpa k'anchayninwan.

San Lucas 2:32

Pay k'anchanqa gentilesman, israel aylluyki jatunyasqa kanampaj.

Apocalipsis 21:25

Punkusnintaj p'unchay tukukojtin, mana jayk'ajpis wisq'akonqankuchu. Jaqaypeqa manaña tuta kanqachu.

San Juan 1:18

Mana pipis Diostaqa jayk'ajpis rikorqachu; uj k'ata churi, Dios Tatawan kajlla paytaqa rejsicherqa.

San Juan 1:14

Chay Palabrataj aychallikorqa. Noqanchej ukhupitaj tiyakorqa. Jatun k'anchayninta rikorqanchej, Tata Diospa uj k'ata Churimpa k'anchayninta jina; payqa junt'a karqa munakuywan, cheqa kaywantaj.

San Juan 1:4

Kausayqa paypi kasharqa. Chay kausaytaj runaspaj k'anchay karqa.

Habacuc 3:3

Diosqa jamun Temán chaynejmanta; Parán orqomanta Santo Diosqa jamun. Jatunchasqa kayniykeqa, tukuy janaj pachanejman aysakun kay pacha junt'atataj yupaychayniykiwan junt'akun.

Hechos 22:11

Chay k'anchaytaj ciegoyachiwarqa. Chayrayku, noqawan kajkuna makiymanta aysaspa Damascoman pusawarqanku.

Marcos 8:38

Pillapis kunan tiempo qhenchachakoj juchasapa runa, noqamanta, palabrasniymantawan p'enqakunman chayqa, paymantapis Runaj Churenqa p'enqakullanqataj, Dios tatampa jatun k'anchaynimpi, ajllasqa angelesninwan jamojtin.

San Mateo 16:27

Runaj Churenqa, Tatampa janaj pacha k'anchaynimpi jamonqa angelesninwan. Chaypachataj sapa ujman qoponqa ruwasqanman jina.

San Juan 17:24

Tatáy, munani qowasqayki yachachisqasqa, maypichus noqa kashani, chaypi noqawan kanankuta. Janaj pacha k'anchayta qowasqaykitapis rikunankupaj. Kay mundo manaraj ruwasqa kashajtin, munakuwarqankiña.

Isaías 2:21

Sat'ikonqanku qaqa jusk'usman, chhanka jusk'usman, pakakuspa Señorpa may jina jatun kayninmanta, jatun kaynimpa lliphipiyninmanta ima, jallp'ata kharkatichej jamojtin.

Isaías 2:19

Chanka jusk'usman sat'iykukonqanku, jallp'aj lajesninman lajrasninman ima, Señorpa may jina jatun kayninmanta, jatun kaynimpa lliphipiyninmantawan, jallp'a kharkatiychej jamojtin.

Isaías 2:10

Chhankaman sat'iykukonqanku, jallp'a ukhumantaj pakaykukonqanku, Señorpa may jina kayninmanta, jatun kaynimpa lliphipiyninmantawan.

Salmos 84:11

Señor Diosqa k'anchawanchej, waqaychawanchejtaj. Señorqa munakun qhawantaj llimphu sonqo kausakojkunata tukuy ima allintataj paykunaman qollampuni.

Isaías 30:26

Chaypacha, killaj k'anchaynenqa intej k'anchaynin jina kanqa. Inteqa chay k'anchayninmanta qanchis kutitawan jina k'anchanqa, qanchis intispis ujllapi k'anchamushanman jina. Chaypacha Señorqa ayllumpa nanasqasninta jampenqa, mayqenkunatachus payllataj nanaykucherqa.

Apocalipsis 5:6

Rikullarqanitaj tronoj chaupimpi, tawa animalespa chaupimpi, kurajkunaj chaupimpiwan Corderota, ñak'asqata jina sayashajta. Chay Corderoqa karqa qanchis wajrayoj, qanchis ñawisniyojtaj. Chaykunaqa Diospa qanchis espiritusnin kanku, tukuy mundoman kachamusqas.

Apocalipsis 7:17

Trono chaupipi kashaj Corderoqa paykunata michenqa, kausaj yaku pujyusninmantaj pusanqa. Diostaj paykunaj ñawisninkumanta tukuy waqayta pichanqa.

Apocalipsis 14:4

Kaykunaqa warmiswan mana ch'ichichakorqankuchu; imaraykuchus warmita mana rejserqankuchu. Kaykunaqa Corderota qhatinku maymanchus rishan chayman. Kaykunaqa runa ukhumanta rantisqas kanku, ñaupaj poqoy jina Diospaj, Corderopaj ima.