Apocalipsis 2:13 - Qheshwa Biblia DC

¹³ Noqa yachani tiyakusqaykita maypichus Santanás chaypi. Sutiytapis jap'ishallankiraj, manaraj creeytapis qhesachashankichu. Ni cheqan willajniy Antipas kausharqa chay p'unchayllapipis. Paytaqa wañucherqanku qankuna ukhupi, maypichus Satanás tiyan chaypi.

DIOSPA QHELQACHISQAN DEUTEROCANONICAL

¹³ Noqa maypichus tiyakusqaykita yachani. Qanqa, maypichus Kuraj Supaypa kamachinan tiyana kashan, chaypi tiyakunki. Chaywanpis mana wasanchawarqankichu, nitaj noqapi atinikusqaykipi llawch'iyarqankichu. Pérgamo llajtapi willajniy Antipasta wañucherqanku, pichus tukuy sonqo noqata kasuwaspallapuni kawsarqa, chayta. Qanrí payta wañuchishajtinkupis, manapuni noqata wasanchawarqankichu.

DIOSPA QHELQACHISQ

¹³ Noqa maypichus tiyakusqaykita yachani. Qanqa, maypichus Kuraj Supaypa kamachinan tiyana kashan, chaypi tiyakunki. Chaywanpis mana wasanchawarqankichu, nitaj noqapi atinikusqaykipi llawch'iyarqankichu. Pérgamo llajtapi willajniy Antipasta wañucherqanku, pichus tukuy sonqo noqata kasuwaspallapuni kawsarqa, chayta. Qanrí payta wañuchishajtinkupis, manapuni noqata wasanchawarqankichu.

Quechua South Bolivia: Dios Parlapawanchej

¹³ Yachani sajra runas chaupipi tiyacushaskayquita supay Satanás camachishan, chaypi. Chaywanpis nokapi jap'icuspallapuni causashanqui. Antipas causasharka, chay p'unchaycunapipis nokaj willanasniyta runaspa ñaupakencupi mana khesacharkanquichu. Antipaska wañuynincama nokamanta willacorka. Paytaka kancuna chaupipi wañucherkancu, Satanás tiyacushan, chaypi.

Apocalipsis 2:13 Referans Kwoze

1 Timoteo 5:8

Pillapis paypata kajkunamanta mana dakunchu, astawanqa wasimpi kajkunamanta, nitaj yanapanchu chayqa, feninta qhesachan. Chaytaj uj mana creejmantapis astawan sajraman tukun.

Apocalipsis 3:11

Usqhayta jamusaj. Chay kapususqanta allinta jap'iy, ama pipis pilluykita qhechusunampaj.

2 Timoteo 2:12

Paywan khuskachus ñak'arisun chayqa, paywan khuskallataj reinopi kamachisunchej. Sichus Cristota qhesachasun chayqa, paypis qhesachallawasuntaj.

Hechos 22:20

Willajniyki Estebanta wañuchishajtinku pis, noqa chaypi paykunawan khuska kasharqani wañuchinankuta munaspa; chay wañuchejkunaj p'achasninkutapis qhawarqani.

Apocalipsis 14:12

Kaypi kashan ajllasqaspa paciencian. Kaypi kashanku Diospa kamachisqasninta, Jesuspa fenintapis waqaychajkuna.

Apocalipsis 3:3

Yuyariy ari imatachus jap'isqaykita, uyarisqaykitawan. Chaytaqa waqaychaytaj. Juchamanta kutirikuy. Manachus mana puñuspa qhawanki chayqa, suwa jina jamusqayki, nitaj ima horapichus jamunayta yachankichu.

Apocalipsis 2:2

Ruwayniykita, llank'asqaykita, pacienciaykitawan rejsini. Yachanitaj sajra runastapis mana rikuyta atisqaykita; apóstoles kayku nejkunatapis pruebaman churasqaykita; llullas kasqankutataj rikurichimusqaykita.

Hebreos 10:23

Suyayninchejpa yachachiyninta sinch'ita jap'ina, mana iskayrayaspa, Diosqa junt'anmin qonan kasqanta.

2 Timoteo 1:13

Noqamanta cheqa palabrasta uyarerqanki chaykunata, sonqoykipi jap'ikuy fewan, munakuywan, Cristo Jesuspi.

San Mateo 24:9

Chaymantataj ñak'arichisonqachej, wakintataj wañuchisonqachej. Ajinata tukuy runaj chejnisqan kankichej, noqaj sutiyrayku.

Santiago 2:7

Manachu paykunaqa jaqay allin sutipaj sajrata rimanku? Chaykunata qankuna qhaparikorqankichej.

Hebreos 3:6

Cristoqa, Churi jina wasimpi churasqa; chay wasirí noqanchej kanchej, sitajchus tukukuykama creesunchej, suyaspa kusikuynintataj sinch'ita jap'isunchej, chayqa.

1 Tesalonicenses 5:21

Sumajta tukuy imata qhawaychej, allin kaywantaj kakuychej.

Hechos 9:14

Kay llajtamampis jamun, kuraj sacerdotespa ordenninwan qampi creejkunata jap'ichinampaj.

San Lucas 21:17

Tukuypa chejninantaj kankichej noqaj sutiyrayku.

San Mateo 10:23

Mayqen llajtallapipis chejnisunkichejman chayqa, waj llajtamanñataj ayqeychej. Cheqamanta niykichej ari, manaraj tukuy israelitaspa llajtasnimpi willayta tukushajtiykichej, ñapis Runaj Churenqa jamonqaña.

San Mateo 4:10

Chaypacha Jesús kuticherqa: Riy kaymanta Satanás! Escribisqa kashan: Señor Diosniykita yupaychanki, pay sapallantataj sirvinki.

Apocalipsis 11:3

Noqataj iskay rikojkunata kachamusaj, yana qhashqa p'achawan p'achallisqasta. Paykunaqa waranqa iskay pachaj sojta chunkayoj p'unchaykunata noqamanta sut'inchanqanku.

Apocalipsis 12:11

Paykunaqa atiparqanku Corderoj yawarninrayku, Diospa palabranta willasqankurayku, pisipitaj kausayninkuta jap'isqankurayku wañunankukama.

Apocalipsis 13:2

Chay phiña animalta rikusqaytaj uj pumaman rijch'akorqa, chakisnintaj jukumarejta jina, simintaj leompa simin jina. Sierpetaj chayman atiyninta, trononta, jatun kamachiynintawan qorqa.

Apocalipsis 17:6

Rikorqanitaj chay warmita ajllasqaspa yawarninwan, Jesuspa testigosnimpa yawarninwan ima machasqata. Payta rikuspataj maytapuni t'ukorqani.

Apocalipsis 17:14

Kaykunaqa Corderoj contrampi maqanakonqanku. Corderotaj paykunata atipanqa. Payqa señorkunaj Señornin, reyespa Reynintaj. Paywan kajkunarí wajyasqas, ajllasqas, junt'ajkunataj kanku.