Apocalipsis 17:4 - Qheshwa Biblia DC

⁴ Warmitaj kulli puka p'achawan p'achallisqa karqa, qoriwan k'achanchasqa, k'anchaj, qhapaj rumiswan, walqaswan ima allinchasqa; makimpitaj qori copayoj millaykunawan junt'asqa, qhenchachakusqampa ch'ichinwan ima.

DIOSPA QHELQACHISQAN DEUTEROCANONICAL

⁴ Chay warmeqa kulli yanaraw p'achawan p'achallisqa karqa, qoriwan k'achanchasqa, k'achituta lliphirishaj rumiwan, chantá walqawan ima. Makinpeqa qorimanta vasota jap'isharqa millay imakunawan junt'asqata, khuchichakuspa ch'ichichakusqanwan ima.

DIOSPA QHELQACHISQ

⁴ Chay warmeqa kulli yanaraw p'achawan p'achallisqa karqa, qoriwan k'achanchasqa, k'achituta lliphirishaj rumiwan, chantá walqawan ima. Makinpeqa qorimanta vasota jap'isharqa millay imakunawan junt'asqata, khuchichakuspa ch'ichichakusqanwan ima.

Quechua South Bolivia: Dios Parlapawanchej

⁴ Chay warmitaj morado p'achawan p'achalliska carka. Koriwan, may valorniyoj rumicituswan, perlaswan, may sumaj c'achachaska carka. Maquinpitaj uj kori vasoyoj carka. Chay vasoka Diospa millachicuskanwan chay warmej millay khenchachacuyninwan junt'a carka.

Apocalipsis 17:4 Referans Kwoze

Apocalipsis 18:16

Nenqankutaj: Ay, ay, chay jatun llajtamanta! Allin awasqa linomanta p'achallikoj, kulli, puka p'achamantapis qoriwantaj qhapaj, k'anchaj rumiswantaj, walqaswan ima p'achallikoj.

Jeremías 51:7

Babiloniaqa makiypi uj qori vaso jina karqa, tukuy kay pachatataj machachej. Nacionesqa chay vinomanta ujyaj kanku, yuyayninkuta chinkachinankukama.

Apocalipsis 19:2

Diospa juzgasqanqa cheqan, cheqataj. Chayrayku chay jatun qhenchachakoj warmita juchacharqa. Chay warmeqa, qhenchachakuyninwan kay pachata ismucherqa, Diostaj kamachisnimpa yawarninrayku, payman maychus kajta kutichispa ñak'aricherqa.

Apocalipsis 18:12

Chay qhatusqa karqanku qorimanta, qolqemanta, qhapaj k'anchay rumismanta, walqasmanta, sumaj awasqa linomanta, kulli awasqamanta, sedamanta, puka awamanta, tukuy qhapaj k'aspismanta, marfilmanta, tukuy ima ruwasqas precioyoj k'ullumanta, tukuy ima ruwasqas broncemanta, fierromanta, marmolmanta ima.

Lamentaciones 1:9

P'achanqa millay ch'ichi kashan, manataj yuyarikusqachu imaynatachus tukukunanmanta. Chayrayku payqa mana yuyasqamanta urmarparin, manataj pipis sonqochaykurej kanchu. Qhawariway ari Señor, llakiyniyta, enemigosniypis manchayta wapuykachasqankuta.

Apocalipsis 14:8

Waj angeltaj payta qhaterqa, nispa: Urmanña, urmanña jaqay jatun Babilonia llajta, pichus millay qhenchachakuy vinonta tukuy llajtasman ujyacherqa, chay.

Daniel (hebreo) 11:38

Aswanqa, sinch'i ruwasqa pakakuna wasipi kaj diosta yupaychanqa. Ñaupa tatasninku manapuni yupaycharqankuchu chay diosta yupaychanqa. Jaywanqataj qorita, qolqeta, k'acha rumista, ashkha valorniyoj imastawan.

Ezequiel 24:13

Jerusalén, chay jina millay ch'ichichakusqasniykita llimphuchasuyta munarqani, qantaj manapuni llimphuchakorqankichu, llimphoqa kanki maypachachus noqa phiñakuyniyta qampi thasnusaj chaypacha.

Ezequiel 24:11

Chaymanta ch'usaj mankataqa nina brasa patapi churaykuy, chaypi cobreqa pukayanankama ruphanampaj, ch'ichi kajtenqa llimphuchakunankama, ajinapi ch'ichin chinkarinankama.

1 Reyes 14:24

Chay jallp'api warmi jina qhenchachakoj qharis kallarqataj, chaykunata Señorqa israelitaspa ñaupaqenmanta wijch'orqa, paykunarí chay llajtaspa millay ruwasqankuta ruwallarqankutaj.

Oseas 9:10

Señor nin: Maypachachus Israelta tarerqani chaypachaqa, kusikorqani, ch'in pampapi uvasta tarikuspa kusikunku jinata. Ñaupa tatasniykichejta noqaj rijch'ayniyman kawarqa, chay ñaupa poqoj higoskuna jina. Pero maypachachus Baal-peorman chayarqanku chaypachaqa, chay qhasi llulla dioskunasnillankuman sirvej churakorqanku, jinamanta q'ala millachikunasman tukorqanku chay mayqentachus munakusharqanku chay lantikunaman jina.

Esdras 9:11

Kamachisniyki profetasnejta kamachiwarqayku chaykunata. Qan willawarqaykuña kay jinata: Mayqen jallp'amanchus yaykuspa jap'inkichej chaypi kaj runakunaqa, chay jallp'api tiyakunku chay runakunaj sajra kausayninman urmasqas, chejninapaj jina mana allin ruwaykunawan, millay kausaykunata junt'aykucherqanku.

Ezequiel 20:30

Israel aylluman noqamanta niy: Señorqa kay jinata nin: Imaraykutaj qankuna ñaupa tatasniykichej jina ch'ichichakuyta munankichejri? Imaraykutaj noqamanta karunchakuspa millay lantista yupaychankichejri?

2 Reyes 21:2

Sajratapunitaj payqa ruwarqa Señorpa ñaupaqempi, israelitaspa ñaupaqenmanta Señorqa qharqorqa, chay runaspa millay ususninkuman jina ruwarqa.

Ezequiel 36:25

Llimphu yakuwan mayllasqaykichej, tukuy ch'ichi kausayniykichejmanta llimphuchasqas kankichej. Tukuy qhasi mana kaj dioskunamantapis t'aqasqaykichej.

Deuteronomio 29:17

Chaypitaj rikorqanchej millay ruwasqasninkuta, lantisninkutapis k'aspimanta, rumismanta, qorimanta ima ruwasqasta chay runas yupaychanku, chaykunata.

Isaías 66:3

Pichus uj wakata ñak'aspa rikuchikuta apamuwajqa, uj runatapis wañuchishanman jina. Uj ovejata wañuchispa rikuchikuta apamojqa, alqotapis apamunman jina. Rikuchikuta apamojqa, khuchej yawarnintapis apamunman jina. Inciensota q'osñichejqa, lantimampis jaywashanman jina. Paykunaqa sapa ujninku imatachus munasqankuta ajllakunku, sonqonkoqa sajrallatapuni munan.

Ezequiel 28:13

Edempi Diospa huertampi, tukuy laya k'acha rumismanta ruwasqa p'achawan p'achallisqa karqanki: Rubimanta, crisolitomanta, jademanta, topaciomanta, onicemanta, jaspemanta, zafiromanta, granatemanta, esmeraldamantawan. Walqasniykiwan, zarcillosniykiwan qorimanta karqanku. Ñaupaj bombitosniyki, chantá qenasniykipis qampaj wakichisqas karqanku mayk'ajchus ruwasqa karqanki chay p'unchaymantapacha.

Apocalipsis 9:21

Manataj kutirikorqankuchu juchasninkumanta, runata wañuchisqankumanta, layqachisqankumanta, qhenchachakusqankumanta, suwasqasninkumanta ima.

Apocalipsis 21:21

Chay chunka iskayniyoj punkustaj, chunka iskayniyoj walqas karqanku; sapa punkutaj uj walqalla karqa. Llajtaj plazantaj ch'uwa qorimanta, sut'i vidrio jina karqa.