Apocalipsis 16:9 - Qheshwa Biblia DC

⁹ Runastaj sinch'i k'ajaywan ruphachikorqanku, Diospa sutimpa contrantataj rimarqanku. Qhesacharqanku pitachus aterqa qhechuyta chay jasut'iykunata; manataj Diosman kutirikorqankuchu payta jatunchanankupaj.

DIOSPA QHELQACHISQAN DEUTEROCANONICAL

⁹ Runakunaqa intej sinch'i k'ajasqanwan rupharasqa karqanku. Chaywanpis paykuna mana Diosman kutirikorqankuchu, nitaj payta jatuncharqankuchu. Aswanpis Diospaj millayta rimarqanku, pichus chay ñak'ariykunata apachimunanpaj atiyniyoj karqa, chaypaj.

DIOSPA QHELQACHISQ

⁹ Runakunaqa intej sinch'i k'ajasqanwan rupharasqa karqanku. Chaywanpis paykuna mana Diosman kutirikorqankuchu, nitaj payta jatuncharqankuchu. Aswanpis Diospaj millayta rimarqanku, pichus chay ñak'ariykunata apachimunanpaj atiyniyoj karqa, chaypaj.

Quechua South Bolivia: Dios Parlapawanchej

⁹ Runastataj ninaj sinch'i ruphayninwan ruphaycorkancu. Dioska chay manchay llaquiycunawan ruwananpaj atiyniyoj caskanraycu, runaska paypa contranpi sajrata parlarkancu. Sajra ruwaskasnincutapis mana sakerkancuchu Diosta jatunchanancupaj.

Apocalipsis 16:9 Referans Kwoze

Apocalipsis 16:21

Janaj pachamanta runasman manchay jatuchaj granizos urmamorqanku, uj quintal jina llasas. Runastaj granizoj ñak'arichisqanwan Diospaj sajrata rimarqanku, imaraykuchus chay llakeyqa maypuni karqa.

Apocalipsis 11:13

Chay horapitaj manchay jallp'a ikhakuy karqa, llajtaj chunka kaj t'aqantaj urmarqa. Jallp'aj ikhakuynimpitaj qanchis waranqa runa wañorqa, wajkunataj manchariywan janaj pachapi kashaj Diosta yupaycharqanku.

Apocalipsis 2:21

Unayta suyarqani juchamanta Diosman kutirikunanta; manataj payqa munanchu chay qhenchachakuy juchamanta kutirikuyta.

San Lucas 13:5

Nillaykichejtaj mana jinachu kasqanta; manachus Diosman kutirinkichej chayqa, ajinallatataj qankunapis tukukunkichej.

San Lucas 13:3

Niykichej mana jinachu kasqanta; manachus qankuna Diosman kutirinkichej chayqa, qankunapis tukukullankichejtaj.

Jeremías 5:3

Señor, qanqa cheqan runasta mask'ashanki. Jasut'erqanki, manataj nanachikorqankuchu; t'unaykorqankipis, manataj yachayta munarqankuchu. Ancha k'ullukojkunas kanku, rumismanta aswan sinch'istaj, manapuni allin ñanman kutirimuyta munarqankuchu.

Apocalipsis 14:7

Qhaparispataj nerqa: Diosta manchachikuychej, sutinta jatunchaychej; juiciompa horanqa chayamushanña; janaj pachata, kay pachata, mar qochata, yaku pujyusta ima ruwajta yupaychaychej.

Apocalipsis 9:20

Chay waj runas mana wañorqankuchu chay jasut'iykunawan; nitaj chaywampis makisninkoj ruwasqasninmanta Diosman kutirikorqankuchu, supaykunata yupaycharqanku, lantistawan, qorimanta ruwasqasta, qolqemanta, broncemanta, rumimanta, k'aspismanta ima. Chaykunaqa mana qhawayta atinkuchu, nitaj uyariyta, nitaj puriytapis.

2 Corintios 12:21

Manchachikullanitaj, kutimojteyqa Diosniy k'umuykachachinawanta qankuna ukhupi. Ichapis waqanay kanqa, chay ashkha, ñaupajta juchallikojkunamanta, Diosman mana kutirisqankumanta, nitaj saqesqankumanta millay kausayninkuta, qhenchachakuyta, aychaj sajra munaynintapis.

Ezequiel 24:13

Jerusalén, chay jina millay ch'ichichakusqasniykita llimphuchasuyta munarqani, qantaj manapuni llimphuchakorqankichu, llimphoqa kanki maypachachus noqa phiñakuyniyta qampi thasnusaj chaypacha.

Isaías 8:21

Runasqa kayman jaqayman puriykachanqanku may llakisqas, yarqhasqastaj. Chay jina yarqhasqa kaspa runasqa may phiñasman tukonqanku, qallarenqankutaj reyninkuta, Diosninkutapis maldiciyta, uyankuta pataman oqharispa.

Isaías 1:5

Qankunaqa, contraypi sayaykukuytapuni munankichej. Cuerpoykichejpi manaña ch'usaj kanchu maynejpichus jasut'inaypaj. Tukuy umaykichejqa nanasqa, tukuy ukhuykichejpis llauch'ipacha.

2 Crónicas 28:22

Chay jina llakiywan mat'isqa kashaspapis, Señorpa contrampi juchallillarqapuni. Ajina rey Acazqa karqa.

2 Reyes 6:33

Ajinata paykunawan parlashajtillanraj, chay kacha runaqa chayamorqapacha paypaman, nerqataj: Cheqamantapuni kay tukuy sajraqa Señormanta jamun. Imapajña astawan Señorpi suyasajri?, nispa.

Josué 7:19

Chaymanta Josueqa Acanman nerqa: Wawáy, Israelpa Señornin Diosta jatunchaspa yupaychay ari. Willaway imatachus ruwasqaykita, ama pakaspa sut'inta.

Jeremías 13:6

Chaymanta unayninmantaj Señor nillawarqantaj: Rillaytaj Eufrates mayuman, apamuytaj chay pakaykamuy nerqayki chay chumpita.