Apocalipsis 15:3 - Qheshwa Biblia DC

³ Diospa kamachin Moisespa takiyninta, Corderoj takiynintawan takisharqanku, nispa: Ancha jatuchaj, t'ukunapajtaj ruwasqasniykeqa, Señor Dios, Tukuy Atiyniyoj. Cheqantaj, cheqataj kanku ñankunasniykeqa. Qanqa tukuy laya runaspa Reynin kanki.

DIOSPA QHELQACHISQAN DEUTEROCANONICAL

³ Jinapi paykuna Diospa kamachin Moisespa takiyninta, chantá Corderoj takiyninta ima takisharqanku: Tukuyta Kamachej, Tukuy Atiyniyoj Dios, ruwasqaykeqa ancha jatun, t'ukunapajtaj. Tukuy imatachus ruwasqaykeqa cheqanmin, cheqataj. Qanqa tukuy suyuta Kamachejmin kanki.

DIOSPA QHELQACHISQ

³ Jinapi paykuna Diospa kamachin Moisespa takiyninta, chantá Corderoj takiyninta ima takisharqanku: Tukuyta Kamachej, Tukuy Atiyniyoj Dios, ruwasqaykeqa ancha jatun, t'ukunapajtaj. Tukuy imatachus ruwasqaykeqa cheqanmin, cheqataj. Qanqa tukuy suyuta Kamachejmin kanki.

Quechua South Bolivia: Dios Parlapawanchej

³ Diospa camachin Moisespa Corderojtapis taquiyninta Diosman taquerkancu: —¡Tucuy atiyniyoj Señor Dios, ancha jatuntaj t'ucunapajtaj ruwaskasniyqueka! ¡Tucuy llajtasta Camachej, yuyayniyqueka chekan mana pantayniyoj!

Apocalipsis 15:3 Referans Kwoze

Salmos 111:2

Señorpa ruwasqasnenqa jatuchaj kanku. Pikunachus yachayta munajkunaqa astawan munanku.

Salmos 139:14

Yupaychayki, imaraykuchus chay jina sumajta ruwasqaykeqa; chaytaqa sumajtaña yachani.

Salmos 145:17

Señorqa tukuy imatapis ashkhatapuni ruwan. Tukuy ima ruwasqasnimpi khuyakuyniyoj.

Hebreos 3:5

Moisesqa, cheqamanta junt'aj karqa Diospa wasimpi kamachi jina, willanampaj imachus nisqa kanan karqa chaymanta.

Isaías 33:22

Señorqa cheqanchawajninchej, Señorqa kamachiwajninchej, Señorqa reyninchej. Pay kikinmin salvawasunchej.

Oseas 14:9

Tukuy yachayniyojkuna, yuyayniyojkunapis kay willaymanta entiendechunku: Señorpa munakusqasnenqa cheqankunamin, justostaj chayta qhatinku; pero chay sajrata ruwajkunarí, paykunapi misk'akuspa urmanqanku.

Zacarías 9:9

Siompi kaj llajta sinch'ita kusikuy! Jerusalén llajta, takiy kusiywan Reyniyki may justotaj atiyniyojtaj jamusunki, uj llamp'u sonqo jina burropi lloq'asqa. Chay burritoqa, china burroj uñan.

San Juan 1:17

Moisesnejta leyqa qosqa karqa; Diospa khuyakuynin cheqawan, Jesucristonejta chayamuwanchej.

Salmos 100:5

Señorqa may k'achamin, khuyakuynenqa wiñaypaj. Cheqa kaynintaj mana tukukuyniyoj tukuy runa mitapaj.

Génesis 17:1

Abram isq'on chunka isq'onniyoj watasniyoj kashajtin, Señorqa rikhurerqa payman, nerqataj: Noqa tukuy atiyniyoj Dios kani; qan kausay ñaupaqeypi sumaj kausayta, mana pejpa k'aminan.

Apocalipsis 19:2

Diospa juzgasqanqa cheqan, cheqataj. Chayrayku chay jatun qhenchachakoj warmita juchacharqa. Chay warmeqa, qhenchachakuyninwan kay pachata ismucherqa, Diostaj kamachisnimpa yawarninrayku, payman maychus kajta kutichispa ñak'aricherqa.

Apocalipsis 14:3

Uj mosoj takiyta jina tronoj ñaupaqempi, tawa kausaj animalespa, kuraj runaspa ñaupaqempi ima takisharqanku; manataj pipis chay takiyta yachakuyta atejchu; manachayqa chay pachaj tawa chunka tawayoj waranqalla, pikunachus kay pachapi kajkuna ukhumanta kacharisqas karqanku.

Deuteronomio 31:30

Chaymanta Moisesqa takiyta israelitaspa ñaupaqempi qallariyninmanta tukukuyninmanta leerqa.

Apocalipsis 17:14

Kaykunaqa Corderoj contrampi maqanakonqanku. Corderotaj paykunata atipanqa. Payqa señorkunaj Señornin, reyespa Reynintaj. Paywan kajkunarí wajyasqas, ajllasqas, junt'ajkunataj kanku.

Apocalipsis 11:17

Nerqankutaj: Qanman graciasta qoyku, Señor Dios Tukuy Atiyniyoj. Qan kanki, karqankitaj. Atiyniykita jap'erqanki, kamachishankiñataj.

Apocalipsis 4:8

Chay tawantin animalesqa sapa ujninku sojta lijrasniyoj muyuyninkupi, tukuy ukhunkupitaj ñawiswan junt'asqas karqanku; manataj tuta p'unchay samajchu kanku, nispa: Santo, Santo, Santo, Señor Dios Tukuy Atiyniyoj, pichus karqa, kantaj, jamonqataj.

Daniel (hebreo) 6:20

Qayllaykuspataj reyqa Danielqa wajyarqa may llakisqa, nerqataj: Daniel, kausaj Diospa sirvejnin, mana sayk'uspa sirvinki chay Diosniyki salvasuyta aterqachu leonesmantaqa?

Isaías 45:21

Qankuna allinta parlaychej, ruwasqasninkuta rikuchiychej, munankichej chayqa ujkuna ujkuna tapunakuychej: Pitaj qallariymantapacha kay imasta ruwarqari? Pitaj unaymantapacha kay imasta willanri? Manachu noqa Señor chay imastaqa willarqaykichej? Noqamanta astawan waj diosqa mana kanchu. Cheqan Diosqa, tukuy imata atipajqa, manapuni ujpis kanchu; noqalla kani.

Salmos 145:6

Kallpayoj manchachikuna ruwasqasniykimanta parlakonqa, noqataj jatun kayniykimanta parlasaj.

Salmos 99:4

Qan atiyniyoj rey kanki, cheqan kaj ruwayta munanki, qan kikiyki cheqan kajta sayacherqanki. Cheqa kajta, cheqan kajtataj, Jacobpa miraynimpi ruwarqanki.

Apocalipsis 19:16

P'achampi moqon patanejpi escribisqa sutiyoj karqa: reykunaj Reynin, señorkunaj Señornintaj.

Sofonías 3:5

Chay tukuywampis Señorqa llajtapi kashan. Allin kajtapuni payqa ruwan, manataj sajra kajtachu. Sapa paqarin cheqa kaj imasta wakichin, manataj pantanchu jayk'ajpis. Sajra runarí mana p'enqakuyllatapis yachanchu.

Miqueas 7:20

Señor, waqaychallaypuni noqaykuwan kasqaykita munakuyniykitapis, ñaupa tatasniyku Abrahamman Jacobmantaj ñaupa wataspi prometerqanki chayta!

Salmos 105:5

Tukuy ruwasqasninmanta yuyarikuychej, tukuy kamachisqasninta rimarisqanmantapis.

Salmos 78:12

Diosqa tatasninkoj ñaupaqempi sumajkunata ruwarqa, Egiptopi jallp'api kaj Zoán cheqapi.

Job 5:9

Payqa ashkha imasta, musphay t'ukunastawan ruwan, chaykunatataj mana pipis unanchayta atinmanchu!

2 Crónicas 24:6

Chaypacha reyqa kuraj kaj sacerdote Joiadata wajyachispa nerqa: Imaraykutaj mana mañarqankichu levitas apamunankuta Judamanta, Jerusalenmantawan runas qonanku karqa chayta, Señorpa kamachin Moisés jinataj tukuy israelitaspis kamacherqanku qonankuta ruwanapaj Señorwan parlana toldota.

1 Crónicas 6:49

Aaronwan wawasninwantaj ñak'asqa uywasta jaywaj kanku, chay q'olachina altar patapi. Jinataj inciensota q'osñichina altar patapipis. Jinallataj llimphupaj qhawasqa cheqapipis, tukuy ima ruwanapajpis. Churasqas karqanku, chanta Israelpa juchasninmanta perdonta tarinapajpis, Diospa kamachin Moisés kamachisqanman jina.

Apocalipsis 14:8

Waj angeltaj payta qhaterqa, nispa: Urmanña, urmanña jaqay jatun Babilonia llajta, pichus millay qhenchachakuy vinonta tukuy llajtasman ujyacherqa, chay.

Daniel (hebreo) 9:11

Israelita runakunaqa, yachachisqasniykita tukuyninku mana kasorqankuchu. Kamachiyniykita kasunankuta qonqakaporqanku. Chayrayku kunanqa, kamachiyki Moisespa leynimpi juramentowan qelqasqa kashan chay maldicionqa pataykuman urmamuwayku, imaraykuchus contraykipi juchalliyku.

Nehemías 9:14

Yachachillarqankitaj samakuna p'unchayniykita qampaj t'aqayta. Qollarqankitaj kamachiykunasta, leyesta, yachachiykunastawan kamachiyki Moisesnejta.

Deuteronomio 34:5

Ajinata Diospa kamachin Moisesqa Moab jallp'api wañuporqa, Señorpa nisqanman jina.

Deuteronomio 32:3

Noqa Señorpa sutintaqa yupaychasaj, qankunarí ninkichej Diosninchej may jatun kasqanta.

Josué 22:5

Kunanqa kayllata mañakuykichej, kamachiykunata, Señorpa kamachin Moisés ima kamachiytachus qosorqachej chaykunata sumajtapuni junt'aychej. Niyta munani, Señor Diosniykichejta munakuychejpuni, ñankunasnintapuni puriychej, kamachisqasninta kasuychejpuni. Payta qhatiychejpuni, tukuy sonqowan, tukuy almawantaj kamachisusqaykichejta ruwaychej.

Job 36:24

Yuyarikuy, tukuy runas Diospa ruwasqasninta jatunchasqankumanta, qampis yuyarikullaytaj chaykunata jatunchayta.

Salmos 18:30

Señorpa ñannenqa cheqanmin. Señorpa qosqayki nisqanqa cheqampuni. Diosqa waqaychan tukuy paypi suyakojkunata.

Salmos 92:5

Señorníy, may jatunmin ruwasqasniykeqa, yuyasqasniykita mana unanchay atina jina.

Salmos 111:7

Paypa ruwasqasnenqa allinmin, cheqantaj. Paypa kamachikusqasnenqa cheqampuni,

1 Timoteo 1:17

Alabanachej, jatunchanachejtaj reyta wiñaypaj payqa mana tukukoj wañoj, mana rikukoj, uj k'ata Diostaj. Amén.

Apocalipsis 1:8

Noqa kani Alfa Omegataj, nin Señor Dios Tukuy Atiyniyoj, pichus kunan kashan, karqataj, jamonqataj.